Föstudagsgrín

Áður en lengra er haldið er rétt að taka fram að efnið getur verið varasamt fyrir viðkvæma einstaklinga og sært blygðunarkennd þeirra verulega. Þeim einstaklingum er ráðlagt að hætta lestrinum ekki seinna en núna.

 

Fyrir nokkuð löngu síðan voru þrjár ungar stúlkur í verklegri kennslu í meinatækni. Ein þeirra hafði orðið sér úti um sæði og ákváðu þær nú að skoða þetta í smásjá. Kennarinn sá að þær voru að fást við eitthvað annað en þær áttu að vera að gera og gekk til þeirra. Hann spurði hvað þær væru að gera, stúlkurnar roðnuðu og ein þeirra stundi upp að þær væru bara að skoða munnvatn. Kennarinn skoðaði í smásjána í smástund en sagði svo við þá sem hafði orðið fyrir svörum: “Þú hefur gleymt að bursta í þér tennurnar í morgun“..........

Athugasemdir

[Sigurður I B Guðmundsson, 18.9.2020 kl. 10:55]

Kona nokkur var að vanda um við K.N. fyrir drykkjuskap hans og sagði meðal annars, að hann myndi nú sennilega vera kvæmtur sér eða einhverri annarri myndarkonu, ef hann hefði ekki verið jafndrykkfelldur, þá kvað K.N.: 

Gamli Bakkus gaf mér smakka

gæðin beztu, öl og vín.

Og honum á ég það að þakka,

að þú ert ekki konan mín.

-----------------

Prestur var að spyrja börn. Hann segir við einn drenginn, sem þótti freggáfur: Getur sagt mér, hvað boðorðin eru mörg? Strákur hugsar sig dálitla stund um, þangað til hann segir: Þau eru níu. Onei, segir prestur, þau eru tíu. Strákur laut að sessinaut sínum og segir: Skratti fór ég nærri því.

[Jóhann Elíasson, 18.9.2020 kl. 11:08]

Þessir voru "Skratti" góðir.......