HRÆSNARI DAUÐANS...........

Hann stóð fyrir árásinni og persónulegri aðför að Ólafi F Magnússyni og segja þeir sem til þekkja að það hafi verið um að ræða fyrstu pólitísku "skítaherferðina" sem hafði það að markmiði að enda pólitískt líf einstaklings. Núna þegar núverandi borgarstjóri er "skotspónn" (mér dettur ekki í hug að réttlæta þetta óhæfuverk því það er einfaldlega óréttlætanlegt) þá kemur hann fram vælandi í fjölmiðlum og talar um fjölskyldu sína þeir séu helstu þolendurnir í þessu  máli.  En spáði hann ekkert í því á sínum tíma að Ólafur F Magnússon ætti fjölskyldu  og aðstandendur. Og svo reynir hann að klína sökinni á þessu óhæfuverki á aðra aðila, falsið og undirferlið ríður ekki við einteyming á þessum bæ. Er ekki einhversstaðar sagt að sök bíti sekan????

Erfiðar tilfinningar, óöryggi og álag

Athugasemdir

[Tómas Ibsen Halldórsson, 31.1.2021 kl. 15:09]

Heill og sæll Jóhann.

Gjörðir manns, illar eða góðar, hitta mann oft aftur síðar meir. Þess vegna er betra að hugsa áður en maður talar eða framkvæmir eitthvað sem miður er. Ég hef oft átt erfitt með það, verið of fljótur á mér, en þannig erum við mannfólkið. Þess vegna er okkur nauðsyn að iðrast og að fyrirgefa.

[Jóhann Elíasson, 31.1.2021 kl. 15:52]

Vel mælt Tómas og orð í tíma töluð........

[Sigurður I B Guðmundsson, 31.1.2021 kl. 15:58]

Hann fékk gott drottningaviðtal í Silfrinu í morgun. 

[Jóhann Elíasson, 31.1.2021 kl. 16:16]

Já Sigurður og eins og venjulega notaði hann tækifærið til að vega að pólitískum andstæðingum.......

[Sigurður Kristján Hjaltested, 1.2.2021 kl. 09:25]

Sæll JÓhann. Ég leyfi mér að birta viðtal við Ólaf, svona til að rifja upp hversu mikill drullusokkur þessi Dagur er, hann fær engva vorkun frá mér þó svo hann grenji í fjölmiðlum hversu mikið hann á bágt, en ég fordæmi þessa áras, en spurning dagsins hvort ekki sé tími til kominn að herra Dagur B Eggertsson framvísi læknisvottorði um að hann sé heill á geði..?? Allavega benda hans vinnubrögð og athafnir að hægt er að véfengja það.

Linnulaust einelti í 6 ár, frá 2007 til 2013

Við þessi orð Jens Gud má bæta eftirfarandi. Ég hóf læknisstörf á ný 1. október 2007 eftir tæplega 9 mánaða veikindi. Ég hugðist einnig hefja störf í borgarstjórn með haustinu. Þegar nýr meirihluti myndaðist undir forystu Dags Eggertssonar 14. október 2007 vildi ég eðlilega koma fljótt aftur og nefndi 1. nóvember 2007 í símtali við Dag og hlustaði núverandi eiginkona mín á símtalið og getur staðfest viðbrögð Dags við áætlaðri endurkomu minni í borgarstjórn. Hann sagði: „Þú getur það ekki. Margrét Sverrisdóttir er búin að gera ráð fyrir launum sem forseti borgarstjórnar næsta hálfa árið“ !

Eftir þennan undanfara í meirihluta„samstarfi“ við vinstrimenn leið mér ekki vel í návist þeirra enda óvelkominn í hópinn og samstarfið frá fyrstu tíð. Ég hélt út frá 1. desember 2007 til 21. janúar 2008 í vinstra samstarfinu en sleit því hinn 21. janúar 2008 þegar tilkynnt var um meirihlutamyndun mína með Sjálfstæðisflokknum. Allur borgarstjórnarflokkur F-listans stóð að baki mér við þá stjórnarmyndun, nema þær Margrét Sverrisdóttir og Guðrún Ásmundsdóttir, sem fylgdi Margréti í einu og öllu og saman komu þær stöllur fram sem sannir vinstrimenn. Engu skipti þó að ég næði fram 14 stefnumálum F-listans í málefnasamningi við sjálfstæðismenn í 17 liðum, þar sem flugvallar-, skipulags- og Laugavegsmálin voru í öndvegi. Og Orkuveitan skyldi vera um alla framtíð í almannaeigu.

Strax eftir fundinn á Kjarvalsstöðum hóf Björk Vilhelmsdóttir rætna lygaherferð á hendur mér grundvallaða á svikalæknisvottorði Dags Eggertssonar, þar sem farið var með svívirðileg orð um mig sem persónu. Sama dag stofnuðu þau til undirskriftasöfnunar gegn mér, Lísa Kristjánsdóttir, núverandi aðstoðarmaður Katrínar Jakobsdóttur, systir hennar og leikkonan Ilmur Kristjánsdóttir, „söngvaskáldið“ Hörður Torfason, Ellen Kristjánsdóttir söngkona og Anna Pála Sverrisdóttir, formaður Ungra jafnaðarmanna. Í samstarfi við þau og að undirlagi Dags Eggertssonar var breytt um fundartíma í borgarstjórn frá kl. 14 til kl. 12 til að hægt væri að safna nemendum vinstrisinnaðra kennara í framhaldsskólum á pallana (þar á meðal kennara sonar míns í MH!) til að öskra á mig fúkyrði. Þetta var ólögmæt aðgerð og án samráðs við mig sem forseta borgarstjórnar. Auk skipuleggjenda í skrílslátunum í Ráðhúsinu var þingmaðurinn og síðar heilbrigðisráðherrann Álfheiður Ingadóttir virk í öskrum og ólátum á ráðhúspöllum þennan dag. Meðal kjörorða skrílsins á pöllunum var „Þú ert enginn „fokking“ borgarstjóri,“ og „Farðu aftur á geðveikrahælið helvítis auminginn þinn.“ Óhugnanlegt var að sjá forystumenn Samfylkingar og Vinstri grænna í borgarstjórn, þau Dag Eggertsson og Svandísi Svavarsdóttur, veifa neðan úr borgarstjórnarsalnum til skrílsins sem var með steytta hnefa á pöllunum. Þau Dagur og Svandís gáfu skrílnum merki um þögn þegar þau sjálf vildu tala. Dagur borgarstjóri fór í engu eftir fundarstjórn minni sem forseta borgarstjórnar og tók stjórn fundarins í sínar hendur. Það skal þó tekið fram að þessi skrílslæti voru síst illgjarnari en þátturinn Spaugstofan á Rúv 26. janúar 2008. Óhætt er að fyllyrða að meirihluti fréttamanna og þáttastjórnenda á Rúv hafi verið meðal illvígustu andstæðinga minna í borgarstjóratíð og miklu lengur. Andúð Rúv í minn garð entist allt árið 2008, eins og sýndi sig með grimmilegu einleti gegn mér í áramótaskaupi í umsjón tveggja verðandi borgarfulltrúa, þeirra Ilmar Kristjánsdóttur og Jóns Gnarrs.

Banvæn lokaatlaga undan rifjum Dags B. Eggertssonar árið 2012.

Það sveiflaðist milli hæða og lægða í aðförunum gegn mér og sömuleiðis í geðheilsu minni. Ég var mikilvirkur þegar ég fékk frið til þess, en fór niður á við þegar ofbeldis- og ofsóknarhryðjurnar gengu yfir. En mjög syrti í álinn 12. janúar 2012, þegar Dagur B. Eggertsson, formaður borgarráðs, fékk með sér alla meðlimi borgarráðs til að hefja lögsókn gegn mér og saka mig um fjárdrátt vegna borgarmálastyrks F-listans árið 2008 að upphæð kr. 3,4 milljónir. Þetta kom mjög á óvart, því að í síðustu ræðu minni í borgarstjórn, 1. júní 2010, lagði ég fram tillögu um lögreglurannsókn á nýtingu styrkja til borgarstjórnarflokkanna á kjörtímabilinu 2006-2010 að upphæð kr. 130.000.000. Sú tillaga var felld með atkvæðum allra annarra borgarfulltrúa.

Þessi endurtekna, óvægna og tilefnislausa aðför gegn mér sem stóð yfir frá 12. janúar 2012 til 31. ágúst 2013 var lokahnykkurinn í atlögu Dags B. Eggertssonar að lífi mínu, heilsu og hamingju. Í liði með honum í borgarráði voru þau Samfylkingarkonan Björk Vilhelmsdóttir, „sjálfstæðismennirnir“ Hanna Birna Kristjánsdóttir (þekkt fyrir lygar) og Júlíus Vífill Ingvarsson (þekktur fyrir fjárdrátt), Sóley Tómasdóttir frá Vinstri grænum og þau Óttarr Proppé og Elsa Yeoman úr Besta flokknum.

[Jóhann Elíasson, 1.2.2021 kl. 12:24]

Þakka þér kærlega fyrir þetta Sigurður Kristján.  Mér finnst alveg furðulegt að þetta skuli ekki hafa verið rifjað upp í þeim "darraðardansi" sem hefur verið í gangi eftir þetta "atvik", sem var sannanleg upphafið að þeim "leðjuslag" sem pólitíkin er orðin að í dag.........