Föstudagsgrín

Hann Pekka, sem var í skíðaherdeild Finna í vetrarstríðinu milli Finnlands og Rússlands. Var búinn að vera á vígstöðvunum í rúma þrjá mánuði, þegar honum var veitt fimm daga frí. En gallinn var bara sá að frá vígstöðvunum og heim til hans var tveggja daga ferðalag á skíðum. Þetta þýddi að hann hafði aðeins EINN dag heima því hann þurfti jú einnig að ferðast í tvo daga að heiman frá sér og til baka á vígstöðvarnar, þannig að hann varð að nýta timann heima vel.

Þegar hann kom til baka var hann að sjálfsögðu spurður útí heimkomuna af félögunum:

• „Hvað var það fyrsta sem þú gerðir þegar þú komst heim“? Spurði einn.
• „Gerði það með konunni“ Svaraði Pekka.
• „Og hvað gerðir þú svo“? Spurði hinn aftur.
• „Gerði það aftur með konunni“ Svaraði Pekka aftur.
• „ En hvað var það þriðja sem þú gerðir“? Spurði þá félaginn.
• „Tók af mér skíðin“ Svaraði Pekka.

Athugasemdir

[Sigurður I B Guðmundsson, 26.3.2021 kl. 02:02]

Þegar söfnunardiskurinn hafði gengið lengi um alla kirkjuna, í skoska sveitaþorpinu, sagði presturinn kaldhæðnislega: Svo eru hér skilaboð að ofan. það er engin þörf fyrir fleiri tölur. Englarnir eru farnir að nota rennilása.

Siggi: Hvernig gekk megrunarkúrinn hjá tengdamömmu þinni, Kalli? Æðislega vel, fyrstu vikuna léttist hún um 10 kíló, næstu um 15 kíló og í síðustu viku hvarf hún alveg.

Stefán Helgason hét maður. Hann var sveitlægur í Miðfirði, en var oft látinn flakka um næstu sveitir. Hann var eindæma sóði og át alls konar óþverra. Sýslumaðurinn, Lárus Blöndal(langafi minn)kom eitt sinn að honum, þar sem hann var að draga úldið hræ af hundi upp úr á. Sýslumaður vissi, að hann mundi ætla að leggja sér þetta til munns, og fór að atyrða hann og bannaði honum að hirða hræið. Stefán brást reiður við, þreif hræið upp, fleygði því út í ána aftur, eins langt og hann kom því, og sagði um leið: Við skulum þá hvorugur njóta þess.

Kvöld eitt, er verið var að leika Skugga-Svein í Eyjum, stóð svo á, að sá sem lék Skugga-Svein var fullur. Hann datt þá út af leiksviðinu, og hlógu áhorfendur óskaplega. En Skugga-Sveinn klifraði upp á leiksviðið aftur og sagði: Af hverju eruð þið að hlæja? Þetta átti að vera svona.

Verzlunarmaður nokkur eignaðist fimm börn á sama árinu, eitt barn og þríbura með konu sinni auk þess eitt fram hjá. Þegar einn af kunningjum hans frétti þetta, varð honum að orði: Ja, mikið er að heyra! Fyrr má nú gera að gamni sínu! 

Gamall maður gekk niður að höfn og sá tvær stúlkur sitja á viðarbunka. Hann spurði stúlkurnar, hvað þær væru að gera. Þær sneru upp á sig og sögðust vera að veiða. Já, og sitjið á beitunni! sagði karl.

Svo er það hinn eini og sanni K.N.: Stúlka gaf skáldinu vettling.

Glaður ég með þökkum þigg

það sem mér er boðið,

ástúðlega að því hygg,

einkum sé það loðið.

Gamall landi:

Að vita á mér einhver skil,

ef ykkur skyldi langa til:

hingað kom ég Fróni frá,

flækst hef víða um lönd og sjá. 

Kvenfólkið mér kærast er,

og konur flestar unna mér. 

Getinn er ég og fæddur flón

í Flóanum og heiti - Jón.

Trúarþörf:

Lífsins besta happahjú,

himnesk vonin þrýtur.

Þá er flestum þörf á trú,

þegar konan hrýtur.

Og að lokum er það "Gráa svæðið":

Einatt lætur Einar minn,

er hann þá með rjóða kinn,

fjaðralausa fuglinn sinn

fljúga í Jóu hreiðrið inn.

-------

Það fór á milli fóta minna

frá honum eitthvað vott.

En það var ekki að því að finna,

það var nógu gott. 

---------

Þrátt fyrir taman þegna sið,

þeim er sama nú orðið, 

hvort aftan, framan eða á hlið

þeir eiga gaman fljóðin við.

----------

Langar, þreyir, hjalar, hlær.

hikar, bíður, grundar,

sprangar, eygir, falar, fær,

fikar, ríður, brundar.

[Jóhann Elíasson, 26.3.2021 kl. 06:57]

Þeir eru góðir föstudagsmorgnarnir, sem þú býður uppá........

[Sigurður I B Guðmundsson, 26.3.2021 kl. 10:25]

Já það er gaman að þessu!