HVERNIG ÆTLAR HANN AÐ "VERJA" LÍFSKJÖRIN MEÐ VAXTAHÆKKUNUM???

Það fór ekkert á milli mála, við lestur viðtalsins við hann í Morgunblaðinu þann 3. ágúst (í gær), að þarna fer afburða maður og mjög vel að sér í sinni grein og verð ég að segja að margt sem hann sagði var algjörlega rétt en ég fékk það svolítið á tilfinninguna að hann horfði svolítið "þröngt" á vandamálin.  Veröldin er ekki alveg svart/hvít til dæmis á að vera hægt að vinna á verbólgu en um leið að auka kaupmátt og þá virðist það vera tækifæri í því fólgið að horfa til styrkleika hagkerfisins og veikleika og spila á þetta hvorttveggja í stað þess að hengja sig á "gamalgróna" standard hagfræðikenningar, sem kannski virka ágætlega í stórum hagkerfum eins og í Bandaríkjunum, en alls ekki víst að þessar kenningar virki nokkuð hér á landi, til dæmis hafa stýrivextir hvergi verið hærri en hver hefur árangurinn verið?  Kannski væri ráð  fyrir peningastefnunefnd að endurskoða alveg frá grunni starfshætti sína???????

Seðlabankastjóri varar vinnumarkað við

Athugasemdir

[Sigurður I B Guðmundsson, 4.8.2022 kl. 09:51]

 Situr einhver úr verkalýðsfélagi eða lífeyrissjóði í þessar svokallaðri peningastefnunefnd? 

[Jóhann Elíasson, 4.8.2022 kl. 11:13]

Nei, Sigurður þetta eru allt opinberir starfsmenn sem hafa komið sér vel fyrir innan kerfisins og eins og fram kemur í bloggfærslunni hjá mér: HVERJU HAFA ÞESSAR STÝRIVAXTABREYTINGAR EIGINLEGA SKILAÐ OKKUR Í GEGNUM ÁRIN???????

[Guðmundur Ásgeirsson, 4.8.2022 kl. 22:57]

Vaxtahækkanir á þegar teknum lánum hafa engin áhrif á peningamagn í umferð, heldur færa það bara til, úr vösum launþega í löngu yfirfullar fjárhirslur bankanna.

[Jóhann Elíasson, 5.8.2022 kl. 08:23]

Ég minnist hvergi nokkurs staðar á peningamagn í umferð en eins og þú segir Guðmundur, kemur það vaxtahækkunum EKKERT við en það sem vaxtahækkanirnar gera óumdeilt er að RÝR kjör almennings.....

[Guðmundur Ásgeirsson, 5.8.2022 kl. 14:41]

Alveg sammála. Réttlætingin fyrir þessum vaxtahækkunum er að þær séu nauðsynlegar til að slá á verðbólgu, en ég var bara að benda á að það geta þær ekki gert.

[Jóhann Elíasson, 5.8.2022 kl. 21:02]

Það er alveg hárrétt hjá þér og sérstaklega þar sem verðbólga er innflutt þá skiptir ekki nokkru máli fyrir þá verðbólgu hvort stýrivextir hækki á Íslandi.  Auk þess hefur það verið hrakið að samband vaxta og verðbólgu sé til staðar en sennilega veit peningastefnunefnd ekkert um það.....