ÞAU GERA SÉR LÍKLEGA GREIN FYRIR STÖÐU SINNI OG FLOKKSINS..........

En þau fáu sem eftir eru eiga líklega enn eftir að meðtaka og sætta sig við raunveruleikann og einhver þeirra eiga eftir að kyngja mikilmennskubrjálæðinu, hrokanum og ósvífninni, sem hefur einkennt þau í störfum þeirra hingað til...

Meirihluti þingmanna VG farinn á brott

Athugasemdir

[Sigurður I B Guðmundsson, 21.10.2024 kl. 16:11]

Svandís Svavarsdóttir er sem betur fer búinn að rústa VG og er það eina sem hún hefur gert að viti. En veit það ekki!!

[Jóhann Elíasson, 21.10.2024 kl. 17:00]

En það versta er það að hún vill ekki horfast í augu við það sem raunveulega er að gerast með flokkinn.... 

[Guðbjörg Snót Jónsdóttir (IP-tala skráð) 21.10.2024 kl. 18:52]

Eigum við samt ekki að segja, að Kata hafi lagt grundvöllinn að hruni flokksins með því að fara úr formanns- og forsætisráðherrastólnum og sækjast eftir embæætti forseta landsins? Það finnst mér nú, enda hefur hún kannske verið búin að fá nóg af að smala saman þessum villtu köttum, sem hún varð að búa að til þess tíma. Kata var ekki aðeins límið í ríkisstjórninni heldur flokknum  líka. Vandséð verður, hvort hefði verið hægt að finna slíka manneskju, sem hún er, og hefði getað tekið við keflinu af henni í flokknum. Svandís er ekki sú manneskjan, því miður, og mér finnst hún líka hafa breyst, eftir að hún veiktist þarna, og veikindin breytt henni. Ég er búin að þekkja hana lengi, alveg frá því hún var í borgarstjórninni á síðustu öld fyrir Alþýðubandalagið, en mér fannst hún alltaf dálítið sér á parti, og ekkert líkjast föður sínum, held líka, að hún hafi lítið lært af honum, enda skilnaðarbarn. Mér þótti hún alltaf heldur leiðinleg, og ég átti erfitt með að átta mig á henni og sjónarmiðum hennar. Ég veit ekki, hver eiginlega hefði getað tekið við af Kötu, og Steingrími þar á undan, svona sterkum persónuleikum, eins og þau hafa verið. VG varð niðurstaðan af því, þegar Alþýðubandalagið klofnaði í tvennt, helmingurinn fór til liðs við Samfylkinguna, en rótækasti hlutinn varð eftir og stofnaði þennan flokk VG. Það hefur margt breyst síðan í pólitíkinni, og ég veit ekki nema VG sé hálfgerð tímaskekkja í dag. Ég skil samt vel, að þingmenn VG séu óhressir með framkomu Svandísar ekki síst í sambandi við starfsstjórnina, sem hún þverneitaði að vera í, og harðneskjuleg ummæli um Bjarna, eiginlega hreinan dónaskap, svo ekki sé fastara að orði kveðið, enda hafa þeir þingmenn staðið í þeirri meiningu, að þeir ættu í stjórnarsamstarfi, - sama hvað, og maður getur ekki hlaupist undan því sísona, hvað sem hver segir, fyrr en kjörtímabilinu lýkur, og hefur þeim eflaust fundist Svandís svíkja ekki bara samstarfsflokkana og kjósendur, heldur þá sjálfa og flokkinn líka. Þannig lít ég á það.