ERU ÞETTA ÖLL ÓSKÖPIN SEM INGA SÆLAND FÉKK Í GEGN??????

Ekki "seldi hún sig dýrt" en það eru  allar lýkur á því að LANDRÁÐIN verði henni dýr eins og löðrungurinn hjá Gunnari á Hlíðarenda, hérna um árið.....

Persónuafsláttur hækkar í 68.691 kr.

Athugasemdir

[Helga Kristjánsdóttir, 22.12.2024 kl. 11:59]

Góð samlíking hjá þér Jóhannn.

[Jóhann Elíasson, 22.12.2024 kl. 12:38]

Þakka þér fyrir Helga mín.  Ég er enn að jafna mig á þessu og þegar ég rak augun í þessa frétt í morgun varð ég enn reiðari yfir því hvernig manneskjan hefur látið taka sig í óæðri endann og virðist bara hafa líkað það ágætlega.....

[Örn Gunnlaugsson, 22.12.2024 kl. 14:01]

Yfir ráðherrastólum svífur dýrðarljómi hjá þeim sem þá eiga að verma þó skjólstæðingarnir verði ekkert endilega varir við þennan ljóma. En ég átta mig ekki á að þessi glampi hafi átt að geta blindað blessaða konuna í ljós þess hvers eðlis fötlun hennar er.

[Jóhann Elíasson, 22.12.2024 kl. 14:10]

Eftirmæli hennar verða ekki glæsileg, Örn........

[Guðbjörg Snót Jónsdóttir (IP-tala skráð) 22.12.2024 kl. 14:37]

Góð samlíking. Spurhingin er þá, hvort hún muni launa þetta eins og Hallgerður forðum tíð. Nógu ætti hún að vera skapstór til þess, eins og sagt er að hún sé. En hérna er komin óskaríkisstjórn RÚV, leyfi ég mér að segja,en varla okkar almennings. Ég var að velta því fyrir mér í morgun, hvort fólk sjái ekki eftir því að hafa valið þessa flokka, þegar frá líður, og fer að koma í ljós, hvað þær Kristrún og Þorgerður ætla að gera, og hvernig er að lifa við ríkisstjórn þeirra, sem mun koma vel við pyngjuna, og vegur þyngst, þegar fólk vill velja flokka til að stjórna landinu. Við botnuðum bara ekkert í því, hvaða "plan" Kristrún var að auglýsa að þau hefðu. Ætli við sjáum nokkuð af því plani? Ég er ekki viss um það. Ég veit bara það, að fólk mun sjá eftir því að hafa ekki kosið Bjarna og Sigurð Inga áfram til valda hér, þegar kemur í ljós, hvers konar stjórn verður á landinu hjá þeim Kristrúnu og Þorgerði, svo að ekki sé talað um þetta eilífa ESB-rugl í Þorgerði. Svo er það þetta með grein 35, og hvernig það mál verður nú afgreitt á Alþingi. Með samþykkt þeirrar ályktunar værum við hálf komin inn í ESB, finnst mér. Mér líst afar illa á þetta, og ég er sannfærð um það, að almenningur á eftir að sjá mikið eftir því að hafa kosið þessa ríkisstjórn yfir sig. Það er víst alveg áreiðanlegt. Ég er því að vona, að þessi stjórn verði ekki langlíf. Ég get ekki sagt annað.

[Örn Gunnlaugsson, 22.12.2024 kl. 14:38]

Held reyndar að súrnunin á þessu samsulli verði hröð. En hvað varð um öll loforð flokks fólksins? Þau er hvergi að finna í hinum nýja sáttmála. Er Ragnar Reykás eitthvað með puttana í þessu ?

[Jóhann Elíasson, 22.12.2024 kl. 15:28]

Já Inga Sæland og Ragnar Reykás virðast eiga nokkuð margt sameiginlegt....

[Stefán Jónsson (IP-tala skráð) 22.12.2024 kl. 17:16]

Já, Inga fékk ekki neitt fyrir sinn snúð, þrátt fyrir kakóið og rjómann. Kannski hækka lífeyrisgreiðslur og aðrir molar, en öll önnur af málum FF blása í rokinu og eru háð skilyrðum hinna tveggja flokkanna um að í staðinn verði Inga et.al. að sitja ekki hjá við aðildaratkvæðagreiðsluna.

Svo að þrátt fyrir að hafa ekki fengið nein völd, þá mun FF kjósa með umsókn um aðlögun að 4. Ríkinu á næsta ári. Sú sem fer fyrir þessari einsmálsríkisstjórn, Kristrún, hefur sagt nýlega að aðildarumsóknin fari í atkvæðagreiðslu. Um daginn var þetta nefnt, að mig minnir í Staksteinum, en misskilið á þann hátt að málið færi í ÞJÓÐARatkvæðagreiðslu. Það sagði Kristrún aldrei, hún meinti atkvæðagreiðslu á þinginu þar sem það mun verða samþykkt með öllum atkvæðum stjórnarþingmanna. Enda ætlar hún að taka Jóhönnu Sig. á þetta og neita þjóðinni að ráða, og við vitum vel að Halla er ekki að fara að virkja 26. grein stjórnarskrárinnar.

Áætlun Samfós og Viðreisnar er að lýsa yfir, að eftir að aðildarumsóknin hefur verið afgreidd, verður AÐLÖGUNIN sett í þjóðaratkvæðagreiðslu sem verður orðið allt of seint. Aðlögunin (sem Jón Bjarnason stöðvaði fyrir 14 árum) tekur 3-4 ár, þ.e.a.s. að eftir að íslenzka stjórnkerfið hefur innleitt alla tugi þúsunda af lagabálkum Lissabon-sáttmálans, þá verður ekki aftur snúið, enda mun þá ESB ekki virða neinar þjóðaratkvæðagreiðslur né frjálsar kosningar.

[Guðmundur Ásgeirsson, 22.12.2024 kl. 18:19]

Árleg hækkun á persónuafslætti er einfaldlega bundin í lög um tekjuskatt: "Persónuafsláttur skal í upphafi hvers árs taka breytingu í réttu hlutfalli við mismun á vísitölu neysluverðs við upphaf og lok næstliðins tólf mánaða tímabils að viðbættum 1,0% framleiðnivexti á ári."

Vísitöluuppfærslan hefur verið í lögunum frá árinu 2006, löngu áður en Inga Sæland hóf þátttöku í stjórnmálum. Árið 2021 bætti þáverandi ríkisstjórn við 1% framleiðnivaxtaruppbótinni. Hér því ekki um að ræða neitt nýmæli heldur reglubundna árlega uppfærslu.

[Guðmundur Ásgeirsson, 22.12.2024 kl. 18:21]

Stefán Jónsson. 2. grein stjórnarskrárinnar leyfir ekki ESB aðild og þingmenn verða samkvæmt 47. grein að vinna drengskaparheit að henni sem þeir eru bundnir af. Það þarf ekki að beita 26. grein til að virkja þessi stjórnarskrárákvæði, því þau gilda alltaf.

[Jóhann Elíasson, 22.12.2024 kl. 18:32]

Já Inga lét spila með sig og þær stöllur Þorgerður Katrín og Kristrún spiluðu á hana eins og fiðlu og bókstaflega höfðu hana að fífli.  Ég lýt þannig á að þetta sé ríkisstjórn Þorgerðar Katrínar, þar sem hún fékk ALLT sitt í gegn og þau ráðuneyti sem nýtast henni best til að koma okkur inn í ESB eins og virðist vera hennar HELSTA málefni skítt með allt annað.  Já forsetinn okkar er handónýtur, KANNSKI FÁUM VIÐ BARA YFIR OKKUR ÞAÐ SEM VIÐ EIGUM SKILIÐ, BÆÐI FORSETA OG ÞING?.

Tek undir spádóma þína Stefán og einnig tek ég undir orð Geirs Haarde: "GUÐ BLESSI ÍSLAND".......

[Jóhann Elíasson, 22.12.2024 kl. 18:37]

Guðmundur. hingað til hafa Ráðherrar ekki vílað fyrir sér að brjóta stjórnarskrána og komist upp með það.  Hvað fær þig til að halda að eitthvað frekar verði farið eftir henni núna??????

[Guðmundur Ásgeirsson, 22.12.2024 kl. 18:58]

Jóhann. Ég veit vel að ráðherrar hafa stundum brotið stjórnarskrá. Alþingi hefur líka stundum sett lög sem brjóta í bága við stjórnarskrá. Afleiðingarnar af því eru að þá er viðkomandi gjörningur ógildur eða lagasetning að vettugi virðandi, með öðrum orðum ómarktæk. Þess vegna getur þingmeirihluti svo sem alveg samþykkt að efna til þjóðaratkvæðagreiðslu um næstum hvað sem er en það getur samt ekki haggað neinu sem gildir samkvæmt stjórnarskránni. Segjum sem svo að haldin verði þjóðaratkvæðagreiðsla og í kjölfarið gengið til "viðræðna" við ESB. Sama hvað út úr því kemur verður samt ekki hægt að gera gildan aðildarsamning því slíkur samningur getur ekki vikið frá því sem segir í stjórnarskránni. Fólk sem vill beita sér gegn ESB aðild ætti að hafa þetta í huga og halda á lofti í sínum málflutningi.

[Stefán Jónsson (IP-tala skráð) 22.12.2024 kl. 19:30]

Guðmundur, má ég benda þér á 21. og 28. grein stjórnarskrárinnar:

21. gr.
Forseti lýðveldisins gerir samninga við önnur ríki. Þó getur hann enga slíka samninga gert, ef þeir hafa í sér fólgið afsal eða kvaðir á landi eða landhelgi eða ef þeir horfa til breytinga á stjórnarhögum ríkisins, nema samþykki Alþingis komi til.

Þetta sem er feitletrað ónýtir ákvæðið fullkomlega, því að Alþingi er ekki treystandi fyrir neinu.

48. gr.
Alþingismenn eru eingöngu bundnir við sannfæringu sína og eigi við neinar reglur frá kjósendum sínum.
… 1)

Þetta ákvæði þýðir að þingmenn geta gert það þeim lystir, svo fremi sem formaður þingflokksins (sem einnig gerir það sem honum/henni lystir) sé sammála, þannig að alþingiskosningar eru bara leikrit.

Það er athyglisvert, að upphaflega voru tvær málsgreinar við 48. grein, en 2. málsgrein var felld úr gildi árið 1991 og finnst ekki lengur á netinu, það er engu líkara en Alþingi vilji leyna einhverju sem þjóðin má ekki vita um. Ég vil nefna að þetta ákvæði í dönsku stjórnarskránni hefur ekki 2. málsgrein, svo að það er ekki gott að vita hvernig 2. málsgrein tengdist samvizku þingmanna ("§ 56 Folketingsmedlemmerne er ene bundet ved deres overbevisning og ikke ved nogen forskrift af deres vælgere").

[Stefán Jónsson (IP-tala skráð) 22.12.2024 kl. 19:35]

Leiðrétting: Ég átti auðvitað við 21. og 48. greins stjórnarskrárinnar.

[Guðmundur Ásgeirsson, 22.12.2024 kl. 21:27]

Stefán.

Upphaflegan heildartexta stjórnarskrárinnar má finna á þingskjali 153 frá 63. löggjafarþingi 1944–1945. Þar var 2. málsgrein 48. greinar svohljóðandi: "Embættismenn þeir, sem kosnir verða til Alþingis, þurfa ekki leyfi stjórnarinnar til þess að þiggja kosninguna, en skyldir eru þeir til, án kostnaðar fyrir ríkissjóð, að annast um, að embættisstörfum þeirra verði gegnt á þann hátt, sem stjórnin telur nægja." Á bls. 136 í seinna bindi skýrslu stjórnlaganefndar frá 2011 segir um þessa gömlu málsgrein: "Með stjskl. nr. 56/1991 var 2. mgr. felld niður. Það ákvæði fjallaði um rétt embættismanna til að taka við þingmennsku og átti sér ekki hliðstæðu í dönskum stjórnlögum."

Orðalag 1. málsgreinar 48. greinar þýðir ekki að þingmenn geti gert það sem þeim lystir, heldur að þeir þurfi ekki að hlíta fyrirmælum frá kjósendum, ríkisstjórn eða neinum öðrum. Með öðrum orðum séu þeir sjálfstæðir í störfum sínum, þó innan þess ramma geti þeir vissulega kosið að fylgja flokkslínum eins og gjarnan tíðkast, ekki síst hjá flokkum í ríkisstjórn. Þeir eru eftir sem áður alltaf bundnir af drengskaparheiti sínu við stjórnarskrá samkvæmt 47. grein og mega því ekki aðhafast neitt sem brýtur gegn henni.

Varðandi orðalagið "nema samþykki Alþingis komi til" í 21. gr. þá er það viðbót við þá meginreglu að undirritun (utanríkis)ráðherra og Forseta þurfi á samning við önnur ríki svo hann öðlist gildi. Það þýðir að ef slíkir samningar hafa í sér fólgið afsal eða kvaðir á landi eða landhelgi eða ef þeir horfa til breytinga á stjórnarhögum ríkisins, þá þarf þar að auki samþykki Alþingis fyrir því, sem er í raun viðbótaröryggisventill. (Orðalagið "breytingar á stjórnarhögum ríkisins" má rekja til samkomulags frá 1855 um stöðu hertogadæmanna Slésvíkur og Holtsetalands gagnvart Danakonungi eftir deilur um stjórnskipulega stöðu þeirra í danska ríkinu og það á því ekki við hér eins og er fjallað nánar um í skýringum stjórnlaganefndar frá 2011.)

Hvorug greinin sem þú vísar til breytir neinu um ákvæði 2. greinar stjórnarskrárinnar sem hefst á orðunum: "Alþingi og forseti Íslands fara saman með löggjafarvaldið." Þar sem ESB aðild hefur í för með sér framsal á hluta löggjafarvalds aðildarríkja til stofnana ESB, rúmast það ekki innan þessa ákvæðis og því er ekki heimilt að gera neina samninga við önnur ríki eða ríkjasambönd sem fela í sér framsal löggjafarvalds til þeirra, hvorki með eða án samþykkis Alþingis.

[Guðjón E. Hreinberg, 23.12.2024 kl. 12:26]

Frábærar lögskýringar frá Guðmundi, og hef engu við að bæta. En minn skilningur á ákvæðinu um afsal fullveldis yfir landi og lögum, hefur verið sá að landsferðurnin á tíma Konungsríkisins 1920 til 1944 hafi verið sá að ólíklegt væri að bæði Alþingi og Forseti yrðu sammála um slíkt afsal, og ef þeir reyndu myndi almenningur þrýsta á þá s.s. reynt var í tengslum við EES samninginn 91-93.

Bestu kveðjur.