SÝNIR ÞETTA MÁL EKKI AÐ ÞAÐ VERÐUR AÐ FARA AÐ SKOÐA SAMGÖNGUMÁL LANDSMANNNA Í HEILD SINNI?????

Það sem er að eyðileggja allt saman er þessi eilífi "bútasaumur" í samgöngumálum landsins. Áratugum saman eru að koma upp "neyðartilvik" í samgöngumálum svæða víðsvegar um landið og oftast er brugðist við þessum neyðartilfellum á einhvern hátt en það er EKKERT SAMRÆMI í þessum aðgerðum.  Að mínu áliti verða þessi vinubrögð til þess að samgöngur landsins verða mun dýrari en þyrfti að vera.......

Líklegast að flugleiðin verði boðin út

Athugasemdir

[Magnús Sigurðsson, 6.3.2025 kl. 13:19]

Hárrétt athugað Jóhann, -samgöngumálin þarf að skoða í heild, -og gott betur.

Fram undir aldamót var t.d. pósti út um land dreift með flugi, hópferðabílar á sérleifi keyrðu farþegum frá stærstu flugvöllum á helstu þéttbýlisstaði á þjónustusvæði flugleiðarinnar og póstinum með.

Þessi aðferðafræði stutti við hvað annað ásamt fluginu svo ekki þurftu að koma til niðurgreiðslur úr ríkissjóði svo neinu nam. 

Undir aldamótin kom hagfræðin inn hjá póstinum, eitthvert séníið reiknaði það út að pósturinn gæti keyrt sjálfum sér út á land á lægra verði.

Það vita allir framhaldið, pósturinn er rekinn á gríðarlegum ríkisstyrkjum, og mannauðs- og viðmótsstjórarnir þar á bæ búnir að komast að því að það borgar sig ekki lengur að bera hann út, ekki ef þeir eiga að fá útborgað eitthvað sjálfir.

Þetta er ekki bara pósturinn sem er svona snjall, því svona reiknar hver hagræðinguna í sínu horni, og þeir einu sem borgar sig að hafa þegar dæmið er skoðað eru reiknimeistararnir sjálfir.

Svipað má segja um vöruflutninga um landið, sem eru búnir að sliga þjóðveginn gjörsamlega, -þeir flutningar voru að mestu fluttir af sjó á land í lok síðustu aldar. Svona fer þegar skaðmenntað fólk er látið skipuleggja og reiknar eitthvað sem það hefur ekki hundsvit á.

[Jóhann Elíasson, 6.3.2025 kl. 14:35]

Hverju orði sannara Magnús og það sem verra er, að með þessum "hringlandahætti" verður öll þjónusta bæði dýrari og verri.........