UM ÁSTAND LEIGUBIFREIÐA.......

Kunningi minn var að koma til landsins um daginn, erlendis frá og eins og svo margir tók hann leigubíl frá Leifsstöð og heim til sín uppi á Ásbrú.  Leiðin var nú ekki löng og var gjaldið fyrir ferðina víst mjög sanngjarnt og bílstjórinn, sem var frá Afganistan víst mjög þægilegur og mjög kurteis.  En það var ekki þetta sem ég vildi ræða heldur ástand leigubifreiðarinnar, BIFREIÐIN VAR ALLT AÐ ÞVÍ BREMSULAUS ,ÞEGAR VAR STIGIÐ Á BREMSUNA, VAR BARA JÁRN Í JÁRN (bremsuklossarnir voru bara búnir).  Ég veit að það er SKYLT að fara með ÖLL ökutæki til skoðunar EINU SINNI Á ÁRI en mér finnst afskaplega undarlegt að það skuli gilda það sama um einkabít, sem eru  eknir þetta frá 20.000 km - 35.000 km á ári og svo leigubíla sem eru  keyrðir 150.000 km - 250.000 km.  VÆRI EKKI RÁÐ AÐ LEIGUBIFREIÐUM OG LANGFERÐABIFREIÐUM OG SAMGÖNGUTÆKJUM TIL FARÞEGAFLUTNINGA YFIRLEITT, VÆRI GERT SKYLT AÐ FÆRA BIFREIÐINA TIL SKOÐUNAR AÐ MINNSTA KOSTI ÞRISVAR SINNUM Á ÁRI........

Athugasemdir

[Mathías (IP-tala skráð) 16.4.2025 kl. 15:19]

Leigubíl á að skoða á hverju ári. Þessi bíll sem þú talar um er sennilega skráður sem einkabíll og þá er hann ekki með sömu tryggingar og leigubíll og þá ekki með farþegatrygging.

[Jóhann Elíasson, 16.4.2025 kl. 16:06]

Já það er einmitt það sem mér datt strax í hug og þá kemur að alvarlega hlutnum, þá er viðkomandi ótryggður með öllu því leigubílar eru með allt aðrar tryggingar en einkabíll og ég skil bara ekki hvernig stendur á því að ekki er gerð almennileg "rassía" og þessi leigubílamál eru  ekki tekin almennilega í gegn......

[Jónatan Karlsson, 17.4.2025 kl. 07:28]

Sæll Jóhann.

Ég heyrði fyrir skömmu að bremsuklossar öðru megin að aftan byrjuðu að hljóma eins og þeir væru búnir, þannig að ég ók venju samkvæmt beint á Smurstöðina Klöpp og bað að fá nýja bremsuklossa að aftan og reyndar sömuleiðisum um olíuskipti sem voru að verða tímabær.

Nú til dags, þá tíðkast líka að skipta um diskana, þar sem þeir eru orðnir svo ódýrir - annað en hérna áður fyrr, þegar reynt var jafnvel að slípa þá gömlu ef þess þurfti.

Ég fékk fljótt eftir hádegi skilaboð um að sækja bílinn, en reikningurinn hljómaði upp á rúmar 130 þúsund og sagði verkstjórinn að skipta hefði líka um dælur o.fl. (sem voru þó ekki nema 3 - 4 ára frá þeirra síðustu endurnýjun á sama stað)

Auðvitað átti að hringja í mig (viðskiptavininn) og láta vita um þessa verðáætlun, sérstaklega þegar verðmiðinn fyrir litla viðgerð margfaldast - en því miður þá virðist þetta bara vera ástandið yfir línuna alla hér á Íslandi, líkt og í leigubíla ruglinu sem allir kvarta yfir.

Þessir viðskipta hættir þýða einfaldlega að snýr sér annað.

[Jóhann Elíasson, 17.4.2025 kl. 08:39]

Það er margt "skrítið" í sambandi við bílana í dg Jónatan og ekki síst hvað allt hefur styttri endingartíma en áður var, enda er sagt að þegar  framleiðendur selja EINA bifreið í dag þá séu þeir í rauninni búnir að selja SEX bíla, því að þessi EINI bíll þurfi FIMM í varahluti.  Með bremsudiskana þá er orðið svo lélegt járnið í þeim að þeir "spænast" upp þegar bremsað er en eins og þú manst örugglega þá vori þeir bara renndir ef þeir voru orðnir eitthvað ójafnir og dugðu þá oftast bílinn en nú eru þeir orðnir eins og smjör.  Allir boddíhlutir eru orðnir svo þunnir að ef bíll lendir í óhappi þá er ekki "hægt" að rétta hlutinn heldur verður að skipta um hann og svona mætti lengi telja.   Já heimur versnandi fer........