UNDIRGEFNI "JÓHÖNNUSTJÓRNARINNAR" ER BARA BARNASKÍTUR MIÐAÐ VIÐ ÞAÐ SEM ER Í GANGI NÚNA.......

Það væri kannski ekki úr vegi að fjalla lítillega um STJÓRNARSKRÁRBROTIN og BLEKKINGARNAR varðandi það að ESB aðildarumsóknin var send inn í júní 2009 miðað við það sem er í gangi í dag.

Að mínu áliti standast lögin um þingssköp Alþingis númer 55/1991 þar sem „þingsályktunartillögur“ ber fyrst á góma við stjórnarskrárbreytingar árið 2001, EKKI stjórnarskrána.   Það  var svo ekki fyrr en árið 2020, sem skrifstofa Alþingis gaf út leiðbeiningar um HVERNIG vinna skyldi „þingsályktunartillögur“, fram að þeim tíma höfðu þær víst verið nokkuð skrautlegar margar hverjar.  Fyrst þegar var verið að verja það að bera skyldi fram mál sem „þingsályktunartillögur“, var því borið við að þar yrði aðeins um „SMÁMÁL“ að ræða sem væru það lítilvæg að ekki tæki því að fara með þau til forsetans til undirskriftar.  Fyrstu árin eftir árið 2001, eftir að þessu ákvæði var „laumað“ inn héldu menn sig við að  „smærri" málin voru afgreidd með þingsályktunartillögum, en í júní 2009 urðu ákveðin tímamót í þessum efnum; ÞÁ VAR SAMÞYKKT ÞINGSÁLYKTUNARTILLAGA UM AÐILDARUMSÓKN ÍSLANDS AР ESB (Þingsályktunartillaga 1/137 frá júní 2009).  Og ekki er hægt að segja að þarna sé um eitthvað SMÁMÁL að ræða, en samkvæmt mínum athugunum gerist það þarna að þingsályktunartillögum fjölgar alveg gífurlega.  En svo  við förum aftur að ESB umsóknin í júní 2009 þá er þarna ekki um neitt „SMÁMÁL“ að ræða.  Eftir óstaðfestum heimildum sem ég hef undir höndum, þá var þarna um að ræða ríkisstjórn Jóhönnu Sigurðardóttur og Steingríms Jóhanns Sigfússonar og þar var Utanríkisráðherra Össur Skarphéðinsson.  Þegar umsóknin kom til tals, „strandaði“ alltaf á því að Jóhanna og flokksmenn hennar höfðu þá staðföstu trú að þáverandi forseti lýðveldisins myndi ALDREI skrifa undir þessa umsókn, sem þýddi að þá yrði þjóðaratkvæðagreiðsla og það væri alveg einsýnt að þar yrði umsóknin FELLD og þar með yrði umsóknin dauð.  Þá datt einhverjum snillingi í hug  (sagt er að sá snillingur hafi verið Össur Skarphéðinsson) að leggja aðildarumsóknina að  ESB,  fram sem þingsályktunartillögu því þá þyrfti ekki að hafa ÁHYGGJUR AF FORSETANUM.  Hvort gjörningurinn væri brot á lögum væri seinni tíma vandamál.  Eftir þetta fóru mörg STÆRRI mál í gegnum þingið sem þingsályktunartillögur.   Það er er það vel merkjanlegt hvað þingsályktunartillögum hefur fjölgað mikið síðan 2009 og „þröskuldurinn“ á stærð málanna hefur hækkað.  Ég fór lauslega yfir þingsályktunartillögurnar sem hafa farið í gegn síðan 2009 þá kom í ljós að á 300 þingsályktunartillögur hafa farið í gegn sem varða BREYTINGAR á „viðaukum“ EES samningsins og ég sem hélt að ekki væri hægt að breyta gerðum samningi jafnvel þó aðeins sé um að ræða viðauka.  Ég er ansi hræddur um að margt athugavert kæmi í ljós ef allar þessar þingsályktunartillögur yrðu skoðaðar.  EES samningurinn er að verða landi og þjóð ansi kostnaðarsamur og farinn að "höggva" mikið í sjálfstæði þjóðarinnar og ekki síst fyrir atbeina ráðamanna þjóðarinnar, þess vegna get ég ekki betur séð en að það fyrir löngu orðið tímabært að segja honum upp. Standast flestar þessar þingsályktunartillögur stjórnarskrána? Á EKKI FORSETI ÞINGSINS EKKI AÐ SJÁ TIL ÞESS AÐ STJÓRNARSKRÁIN SÉ VIRT OG ER HANN AÐ SINNA STARFI SÍNU?

Nú þegar er þessi pistill orðinn of langur hjá mér og kannski er EKKI þörf á því að telja upp ÖLL þau STJÓRNARSKRÁRBROT og önnur lagabrot, sem núverandi Forsætisráðherra og Utanríkisráðherra hafa framið frá því að þær tóku við stjórnartaumunum hér á landi.  Framganga þeirra tveggja við að koma landinu inn í ESB á sér enga hliðstæðu í sögunni og þá slær framganga Utanríkisráherra ÖLLU VIÐ og meira að segja er hún  nú þegar með EINA LANDRÁÐAKÆRU á bakinu og það kæmi mér ekki á óvart að ÖNNUR bættist við.  En  LANDRÁÐAKAFLI Almennu hegningarlaganna er með þeim STÓRA GALLA að ráðherra ákveður um framgang mála (kæran sem slík fer sinn gang og hlýtur sína afgreiðslu en RÁÐHERRA tekur ákvörðun um hvort skuli ÁKÆRA í málinu) og það verður að teljast MJÖG ólíklegt að DÓMSMÁLARÁÐHERRA sem er meðflokksmaður Utanríkisráðherra og á henni þar  að  auki að þakka ráherrastólinn að þakka fari að taka þátt í að "draga" hana fyrir dóm.   Ég sé ekki neina aðra leið út úr þessum ógöngum sem við erum í en ð Inga Sæland slíti þessu stjórnarsamstarfi enda verður ekki séð að Flokkur fólksins hafi fengið eitt einasta af sínum málum í gegn í þessu stjórnarsamstarfi, hingað til.  Að mínum dómi væri þetta EINA fær leiðin fyrir Ingu Sæland til að koma í veg fyrir að Flokkur Fólksins HVERFI af Alþingi Íslendinga í næstu kosningum.......

 

Farið að minna á undirgefni Jóhönnustjórnarinnar

Athugasemdir

[Guðmundur Ásgeirsson, 31.7.2025 kl. 17:02]

Þingsályktanir hafa ekki lagagildi heldur eru þær í raun aðeins pólítískar yfirlýsingar. Stundum er reyndar bundið í lög að leggja skuli fram tiltekna stefnumörkun í formi þingsályktunartillögu svo sem fjármálaáætlun, vegaáætlun, flokkun virkjanakosta o.s.frv. Slíkar stefnur eða áætlanir hafa þá yfirleitt ákveðinn afmarkaðan gildistíma þangað til verða uppfæra og þeim er líka alltaf að breyta ef þörf krefur því slík ályktun getur ekki bundið hendur Alþingis til að breyta fyrri ákvörðunum sínum.

Varðandi EES samninginn, þá hefur verið innbyggt í hann frá upphafi ferlið sem er fylgt við að taka nýjar reglur upp í hann og það er gert með þeim breytingum á viðaukum sem þú vísar til. Með öðrum orðum hefur samningurinn alltaf gert ráð fyrir því að regluverkið geti verið breytilegt enda eru eldri reglur oft uppfærðar eftir endurskoðun á grundvelli fenginnar reynslu af framkvæmd þeirra, rétt eins og lög eru stundum endurskoðuð og endurnýjuð. Ekkert í samningarétti bannar samningsaðilum að samþykkja viðauka við samning eða breyta skilmálum hans. Þessar þingsályktanir sem þú vísar lúta að framkvæmd þessa ferlis við að taka upp nýjar reglur upp í EES-samninginn því ef þær kalla á breytingar á íslenskum lögum þarf heimild Alþingis svo að fulltrúar Íslands í sameiginlegu EES-nefndinni geti samþykkt upptöku þeirra. Slík upptaka í EES-samninginn hefur þó ekki bein lagaáhrif að íslenskum rétti heldur þarf Alþingi alltaf að samþykkja lög til að innleiða EES-reglur eftir að þær hafa verið teknar upp í samninginn. Þetta virðist kannski nokkuð flókið ferli enda er það ekki einfalt en ég vona að skýringin sé upplýsandi.

[Jóhann Elíasson, 31.7.2025 kl. 17:22]

Af því sem þú skrifar er nokkuð ljóst að þú hefur algjörlega misst af því út á hvað þessi pistill  fjallar raunverulega um eða getur verið að þú viljir ekki vita það????

[Guðmundur Ásgeirsson, 31.7.2025 kl. 17:28]

Sæll Jóhann. Ég held að ég hafi alveg náð því um hvað pistillinn fjallar en ég vildi bara bæta við smá fróðleik sem ég vona að sé gagnlegur.

Við erum væntanlega sammála um að stjórnarskráin leyfir ekki aðild Íslands að ESB. Þess vegna finnst mér öll þessi umræða um að sækja um eða fara í aðildarviðræður einfaldlega markleysa og sóun á tíma, kröftum og fjármunum.

[Jóhann Elíasson, 31.7.2025 kl. 18:18]

Kannski hef ég verið óþarflega "hvass og biðst ég afsökunar á því.  Það sem ég átti aðallega við er að það hefur verið, að mínu mati, gengið alltof frjálslega fram í því að "nota" þingsályktunartillögurnar og hvernig hefur verið gengið fram þar er brot á STJÓRNARSKRÁNNI, að  mínu mati.  Ég er líka að segja að það sem var gert árið 2009.þegar umsóknin var send er klárlega STJÓRNARSKRÁRBROT og svo er ennþá lengra gengið í dag.....

[Guðmundur Ásgeirsson, 1.8.2025 kl. 00:58]

Sæll og allt í góðu lagi. Efnislega er ég alveg sammála þessu. Það samræmist ekki stjórnarskrá að reyna að leggja upp í vegferð að markmiði sem hún leyfir alls ekki.

[Helga Kristjánsdóttir, 1.8.2025 kl. 04:06]

 Það hitnar all svakalega í andstæðingum Esb aðildar,les í dag að Sigmundur Davið nefni umsóknina Frankenstein-umsókn. Reiðin rennur af okkur þegar við erum viss og löglærðir hafa sannfært okkur.Að minnsta kosti mig  hjá skólasystur minni. Geri þá að gamni minu og raula "úrsulla'la la,í rauðu skónum (auglýsing)

[Jóhann Elíasson, 1.8.2025 kl. 05:45]

Þakka þér fyrir Guðmundur........

[Jóhann Elíasson, 1.8.2025 kl. 05:47]

Helga, þessi ríkisstjórn er ekki í neinum "TAKTI" við fólkið í landinu......