MEÐ BETRI DÆGURLÖGUM SEM SAMIN HAFA VERIÐ............

Lee Hazelwood samdi þetta stórkostlega lag og sennilega er það þekktast í flutningi hans og Nancy Sinatra en margir hafa spreytt sitt sig á flutningi þess.  Meira að segja flutti Hljómsveit Ingimars Eydal þetta lag, þetta lag naut gríðarlegra vinsælda í flutningi hljómsveitarinnar og má til gamans geta þess að hljómsveitarmeðlimir og fleiri kölluðu Ástu Sigurðardóttur Sumar Ástu eftir þetta, en Íslenski textinn er eftir Ástu Sigurðardóttur eiginkonu Ingimars Eydal.  Eins og áður segir þá hafa margir reynt sig við þetta lag en það er mitt mat að þetta sé Besti flutningurinn á þessu lagi en að sjálfsögðu dæmir hver fyrir sig.  Bono er mjög umdeildur og margir eru mjög ósáttir við hrokafulla framkomu hans en hvað sem öðru líður þá verður ekki mælt gegn því að hann er góður söngvari.......

Athugasemdir

[Sigurður I B Guðmundsson, 10.9.2025 kl. 09:28]

Hef aldrei heyrt þetta lag með þessum flytjendum en flott er það. 

[Jóhann Elíasson, 10.9.2025 kl. 10:09]

Þau fluttu þetta lag á tónleikum í Dublin og komu þessir tónleikar út á geisladiski einhvern tíma um aldamótin (ég man ekki alveg hvaða ár þetta var).  Þessi diskur fór nú ekki mjög hátt og ég veit ekki til að hann hafi verið til sölu hér á landi.  Þessi geisladiskur heitir "Live in Dublin", The Corrs.  Þarna koma meðal annars fram Bono og Ronny  Wood og þarna flytja þau systkinin mörg sín vinsælustu lög......

[Jens Guð, 10.9.2025 kl. 16:05]

Ég vissi ekki af þessum ljómandi ágæta flutningi.  Takk fyrir ábendinguna,

[Jóhann Elíasson, 10.9.2025 kl. 17:49]

Það var nú lítið að þakka Jens heldur vil ég þakka þér fyrir innlitið það er mér alltaf heiður þegar þú lítur við.   En það er annað lag líka þarna með sömu aðilum en það heitir "When The Stars Go Blue" það er nú ekki jafn gott en gott engu að síður.  Það kemur mér svo sem ekki á óvart að þú hafir ekki vitað  af þessum flutningi, þar sem þessi geisladiskur var aldrei til sölu  hér á landi.  Á þessum diski er skemmtileg útgáfa af Stones laginu "Ruby Tuesday" í flutningi The Corrs og Ronny Wood spilar þar á gítar (það er hægt að nálgast lagið á "You Tube")....

[Jens Guð, 10.9.2025 kl. 18:53]

Bestu þakkir fyrir áhugaverða fróðleikinn.