Þeir halda áfram að berja hausnum í steininn......

Þessir "kálfar" virðast ekki ennþá búnir að skilja það að þeir eru hér á landi í óþökk meirihluta þjóðarinnar.  Hvað skildu þeir hafa á milli eyrnanna?

Aðgerðasinnar hengdu borða á Ráðhús Reykjavíkur

Athugasemdir

[Jóhann Elíasson, 22.7.2007 kl. 21:19]

Það hefur ekki verið meirihluti landsmanna.

[Pálmi Gunnarsson, 22.7.2007 kl. 21:47]

Jóhann - þessir „kálfar“ eru fólk eins og ég og þú. Trúlega hafa þeir heila milli eyrnanna eins og ég og þú. Það sem þessir kálfar hafa fram yfir mig og þig er að þeir láta álit sitt á mikilvægum málum í ljós með hætti sem þú greinilega þolir ekki. Það sem ég þoli ekki við sjálfan mig varðandi þessi mál er að ég skuli ekki drullast til að festa svona borða upp á nokkrum stöðum. Við erum að styðja blóðböðla í gegnum fyrirtæki sem framleiða ál og það er ekki ásættanlegt.

[Jóhann Elíasson, 22.7.2007 kl. 21:55]

Það er að sjálfsögðu öllum frjálst að hafa sínar skoðanir en það eru takmörk fyrir því hvernig menn tjá skoðanir sínar, sumir virðast vera tilbúnir til að gera hvað sem er til þess að koma skoðunum sínum á framfæri og þar með talið að beita skemmdarverkum, það finnst mér ekki í lagi, hver svo sem málstaðurinn er.

[Haukur Viðar, 22.7.2007 kl. 23:03]

Þá ætti það að gleðja þig að ekki voru framin nein skemmdarverk. Hvorki við ráðhúsið, né Orkuveiturhúsið

[Jón Aðalsteinn Jónsson, 22.7.2007 kl. 23:06]

Samála þér Jói allir mega hafa sýnar skoðanir og eiga að vera trúir þeim. Mér hefur dottið í hug að það mætti setja upp þorp hér í líkingu við þorp Amish fólksins ekkert rafmagn ekkert heitt vatn engin klósett eða klósett pappír og auðvitað torfbæir.  Veit ekki hvort þetta er svona hjá þeim en veit að þeir afneita nútíma brölti. Í rafmagnsvíra eru notaðir málmar einnig vatnslagnir eða þá plast og ekki er það betra þökin yfir höfðum okkar eru klædd með áli. Eigum við að hætta að nota járn það eru fleiri vopn framleidd úr járni heldur en úr áli. ekki getum við með góðri samvisku notað járn. Tölvur hvað ætli sé mikið ál í einni tölvu það er ansi mikið tölvur eru líka nútíma hernaðartól hugsið um það. Mig langar til að vita hversvegna það er svo mikil andstaða gegn áli er það vegna þess að einskonar Lúkasar histerya hefur gripið þjóðina og hún stekkur á þetta afmarkaða svið og sér ekki neitt annað eða er þekkingin ekki meiri en svo að einn apar upp eftir öðrum. Veit ekki en eins og ég sagði í byrjun það gæti verið lausn að skapa þeim sem vilja lifa í því sem að þeir kalla sátt við umhverfið aðstöðu til þess í þorpum sem að byggja á umhverfis vænni stefnu án nokkrar notkunar áls eða annara málma sem framleiddir eru á nútíma máta. Ekki hugsa um vindmyllur rafgeyma eða sólarsellur það er ál í þessu öllu saman meira að segja reiðhjólunum ykkar.

[Pálmi Gunnarsson, 22.7.2007 kl. 23:33]

Kæri Jón Aðalsteinn ... ég hef ekki heyrt í málflutningi þeirra sem eru á móti stóriðjuverum og massavirkjunum á Íslandi að þeir séu  á móti áli. Ég hef t.d. ekkert á móti áli eða stóli en ég er mótfallinn því að við seljum sálu okkar fyrir þessa framleiðslu. Ég er á móti stríðsbrölti í hvaða mynd sem það birtist mér og ein birtingarmyndin er í gegnum þessi fyrirtæki sem við bjóðum uppí dans fyrir seðla. Reyndar skilst mér á hagfræðingum fyrir alltof litla seðla þannig að eitthvað er verið að reikna vitlaust. Svo hef ég nokkrar áhyggjur af náttúruraskinu og menguninni sem fylgir tilkomu þessarra stóriðjuvera, tel jafnvel að okkar fagra land mætti nýta með einhverjum viskulegri hætti til að framfleyta þjóð sem miðað við málflutning álskalla, virðist við það að deyja út. Þú mátt flytja í Amish þorpið þitt og ég skal koma í heimsókn til þín. Stundum eru ákveðin þægindi fólgin í einfaldleikanum, ég finn það þegar ég er fjarri tölvu og TVíinu og hef ekkert annað til að hugga mig við en náttúruhljóðin. Láttu mig bara vita hvenær þú flytur inn. Ég mæti með kerti og spil.

[Guðrún María Óskarsdóttir., 23.7.2007 kl. 01:59]

Þessi mótmæli einskorðast því miður við afar fátt vitrænt og gera það eitt að varpa rýrð á baráttu fólks hér á landi fyrir virðingu fyrir náttúrgæðum og réttlátum aðferðum mannsins við útdeilingu þeirra.

kv.gmaria.

[Árni Gunnarsson, 23.7.2007 kl. 09:30]

Þakka þér Pálmi fyrir að halda uppi vörnum fyrir okkur þessa heilalausu.

Guðrún María. Ég held að okkur vanti stóran hóp "heilalausra" með ósköpin öll af málningu og marga kílómetra af áletruðum borðum. Og svo vantar okkur líka helling af peningum til að borga þessu fólki kaup fyrir:

Að stunda sýnileg mótmæli fyrir utan Alþingishúsið, skrifstofur Hafró, Fiskistofu, Sjávarútvegsráðuneytið, svo eitthvað sé nefnt.

Til að mótmæla yfirvofandi tortímingu á helstu nytjastofna okkar í hafinu, yfirvofandi tortímingu sjávarbyggðanna ásamt fjölmörgu fleira í þeim málafloki.

Þetta gæti verið byrjunin.

Vegna þess að ef svona aðgerðir duga ekki þá fer að styttast í aðrar og verri leiðir.

             Því miður!

[Pálmi Gunnarsson, 23.7.2007 kl. 10:04]

Guðrún María -  var það vitrænt af mér og þér að taka þátt í hernaðarbrölti Bandaríkjamanna?  er vitrænt af okkur að tengjast erlendum stóriðjufyrirtækjum með afar vafasaman feril? 

hvað áttu við þegar þú talar um „virðingu fyrir náttúrugæðum og réttlátum aðferðum mannsins við údeilingu þeirra“ ertu að grínast???

[Haraldur Haraldsson, 23.7.2007 kl. 10:54]

Maður á að virða friðsamleg mótmæli,og ekki sist hvað varðar eyðingu lands okkar til Álframleiðslu eingöngu/Halli gamli

[Jón Aðalsteinn Jónsson, 24.7.2007 kl. 23:26]

Þakka boðið Pálmi og tek því kannski tel sjálfan mig náttúruverndarsinna enda alin upp í sveit og væri þar enn ef að atvinnutækifæri hefðu verið til staðar þegar kom að því að velja samastað. En ég vil líka að fólk geti tryggt börnum sínum afkomu. Ég horfði á búskap og byggð í heima héraði hægt og rólega leggjast af þangað til Norður ál byggðist. Nú hefur byggðaþróun á vesturlandi snúist við fólk getur verið áfram á jörðum sínum og er ekki nauðbeygt að selja þær til eignamanna og flytjast á mölina. Því styð ég stefnu sem að byggir upp iðnað því hvort sem okkur líkar betur eða ver þá vill svo til að þau lönd sem veita þegnum sínum best lífskjör byggja að miklu leiti á iðnaði.