Var Hannes Hólmsteinn á lyfjum????

....þegar hann lét þau ummæli falla, "að efnahagsleg velsæld Íslendinga sé kvótakerfinu að þakka, einkavæðingu og öflugu lífeyrissjóðakerfi".  Þessi ummæli lét hann falla á ráðstefnu "um uppsprettu auðæfa í smáríkjum"  Hann kom ekki með neina marktæka útskýringu á þessum ummælum sínum og finnst mér það nokkuð miður að menn geti kastað fram fullyrðingum og "skoðunum" án nokkurs rökstuðnings.  "Ja hátt glymur í tómri tunnu".

Athugasemdir

[Georg Eiður Arnarson, 15.9.2007 kl. 16:59]

Sammála þessu. kv.

[Árni Gunnarsson, 15.9.2007 kl. 18:53]

Þegar örgeðja bloggari missir út úr sér illa ígrundaða ályktun eru það ekki mikil tíðindi til næsta bæjar. Þessi ályktun Hannesar H. er aftur á móti mikil tíðindi.

Hannes er lærifaðir ungra háskólanema og mótar að líkindum skoðanir þeirra allmargra. Hann er jafnframt einn af áhrifamestu vegagerðamönnum þess stjórnmálaflokks sem verið hefur næstum einráður síðustu áratugi í mótun reglna um nýtingu auðlinda þjóðarinnar.

Þegar Hannes Hólmsteinn segir að stærsta auðlind þjóðarinnar sé betur komin í því hlutverki að skapa fáeina milljarðamæringa en í því að treysta stoðir undir byggð í landinu þá eru það stór tíðindi og við þeim þarf að bregðast.

Hannes Hólmsteinn er einn allmargra sem tekið hafa hinn illvíga og ólæknandi sjúkdóm sem nefnist pólitísk trúarbragðasótt og snýst um að markaðs-og frjálshyggjan eigi að vera Alfa og Omega hverrar þjóðar.

Ég hef leyft mér að nefna þessa stjórnmálastefnu pólitík dauðans. Þessa skoðun hef ég haft í mörg ár og hún eflist með hverju ári eins og allir ættu að geta skilið.

[Mofi, 16.9.2007 kl. 10:08]

Við verðum að vona að hann hafi verið á einhverju svakalegu, fáránlegri fullyrðingu er erfitt að ímynda sér.

[Sigurður Karl Lúðvíksson, 19.9.2007 kl. 00:30]

Talandi um að rökstyðja mál sitt, Hannes Hólmsteinn hefur gefið út bækur sem rökstyðja mál hans og stúderað efnið í áratugi, vísindarlega og hugmyndafræðilega, skrafað og ráðgert við merka menn sem ómerka. Hvar er ykkar rökstuðningur? enginn rökstuðningur? hélt ekki!! Talandu um tómar tunnur, ef Hannes Hólmsteinn er það, þá eruð þið tómir tankar. Sé ekki örðu, ekki einn stakann staf, af rökstuningi hér, né ætla ég það af ykkur að hafa til þess vit að rökstyðja ykkar gjaldþrota þrælkunarsósíalisma.

[Jóhann Elíasson, 19.9.2007 kl. 12:20]

Ég hef lesið skrif Hannesar Hólmsteins og hvergi hefur hann komið með almennilegan rökstuðning fyrir ágæti kvótakerfisins og ekki sá hann sér fært að svara góðri blaðagrein Benjamíns H.J.Eiríkssonar, sem birtist í Morgunblaðinu 15 ágúst 1997.  Hafi Hannes stúderað málið í áratugi er afraksturinn afskaplega rýr, svo ekki sé nú meira sagt, ef þú telur það að "túlka" eitthvað efni svo það "passi" að frjálshyggjutrú, þá er ekki um rökstuðning að ræða heldur trúarbrögð.  Ég las nú bloggið þitt Sigurður og þar eru öfgarnar í fyrirrúmi og ekki kæmi mér það á óvart að þú sért harður fylgismaður frjálshyggjunnar.  Ég stend við hvert orð sem ég hef skrifað og þegar þú talar um að við höfum ekkert rökstutt af því sem við höfum skrifað bendir til þess að þú  hafir ekki skoðað málið vel.

[Sigmar Þór Sveinbjörnsson, 22.9.2007 kl. 17:27]

'Eg er löngu hættur að nenna að lesa greiar eftir Hannes Hólmstein