Menn vita að ekki er hægt að bjóða náttúruöflunum byrgin.

...og því ætti þessi niðurstaða ekki að koma mönnum á óvart.  Ef það væri hægt að gera þarna almennilega höfn, væri það löngu búið.  Það er sama hvað "misvitrir" bæjarstjórar væla.

Meirihluti andvígur Bakkafjöru

Athugasemdir

[Fjarki , 25.2.2008 kl. 15:13]

Með öðrum orðum þær prófanir og líkön sem hafa verið byggð og gerð á síðustu árum eru bara bull og tímasóun hjá Siglingamálastofnun, er það, það sem þú ert að segja?

Ég man líka eftir því í sögu tíma, þá voru hávær mótmæli hjá Framsóknarmönnum þegar þær hugmyndir komu upp að leggja sæstreng til Evrópu á sínum tíma.

Þeir lögðust hart gegn því með þeim orðum að það væri engin framtíð í því nema fyrir kjaftakerlingar.

Er ekki viss um að þeir vilji rifja það mikið upp! 

Set þín orð á sama bekk!

Þetta hefur verið gert í öðrum löndum með ágætis árangri svo að það er ekki verið að finna upp hjólið. 

[Jóhann Elíasson, 25.2.2008 kl. 15:24]

Já, Fjarki það er það sem ég meina og ef þú trúir alveg blint á það sem sérfræðingarnir gera skalt þú bara skoða verk Siglingamálastofnunar í gegnum tíðina og þá sérðu að þeir eru líka mannlegir og gera mistök.  Þegar þú fullyrðir að þetta hafi verið gert í öðrum löndum með ágætis árangri, þá skaltu nú passa þig að fara rétt með,  sannleikurinn er sá að þetta hefur EKKI verið gert fyrir opnu hafi við þær aðstæður sem eru í Bakkafjöru, að reyna að færa rök fyrir máli sínu með lygum er ekki líklegt til árangurs.

[Ásthildur Cesil Þórðardóttir, 25.2.2008 kl. 15:33]

Ég veit ekki betur en sjómenn og skipstjórar hafi varað við þessari hafnargerð.  Hverjir ættu að þekkja betur til en einmitt sunnlenskir skipstjórnarmenn.  En það má aldrei spyrja þá sem þekkja náttúruna af eigin raun, það verður allt að fara fram í reiknilíkönum á teikniborðum sérfræðinganna, þannig hafa mörg mistökin verið gerð og m.a. kostað mannslíf því miður.

[Jakob F. (IP-tala skráð) 25.2.2008 kl. 16:27]

Nákvæmlega Fjarki, svo voru menn á móti Hvalfjarðargöngunum, það átti ekki að vera hægt. 

"Ef það væri hægt að gera þarna almennilega höfn, væri það löngu búið"

Ef menn leggðu upp með þetta í hverja einustu framkvæmd sem menn væru að fara að takast á við þá væri mannkynið komið svona c.a 1000 þúsund árum skemur í tækniþróun en við erum í dag.

En svona er þetta, sumir "misvitrir" stýrimenn halda að nokkur ár á sjónum geri þá að hæfustu hafnargerðarmönnum í heiminum. Svona spádómar dundu yfir þjóðina þegar fara átti að gera göng í gegnum hvalfjörðinn, þar hafði aldrei verið gerð göng áður en samt var það hægt, sömu spádómar dundu yfir þjóðina þegar mönnum datt í hug að gera höfn í þorlákshöfn, þar hafði aldrei verið gerð höfn áður og samt var það hægt, og sömu spádómar dundu yfir þjóðina þegar mönnum datt í hug að gera höfn í Grindavík.  Sérfræðingar á hafnargerðarsviði segja höfn í Bakkafjöru hvorki fyrstu hafnargerðina við þessar aðstæður né þá síðustu.

Þau rök "Ef það væri hægt að gera þarna almennilega höfn, væri það löngu búið" halda ekki vatni, enda væri þá varla búið að gera eina einustu framkvæmd í heimnum ef menn færu alltaf eftir þessum "rökum".

Svo ætla ég að benda Ásthildi á að skiptjórnarmenn á suðurlandi hafa verið boðaðir á fundi með Siglingamálastofnun, að sjálfsögðu ekki allir en margir hverjir, t.d skipstjórinn á herjólfi ofl, haldnir hafa verið opnir fundir þar sem almenningur hefur getað komið sínum hugsunum á framfæri.  Annars eru margir skipstjórnarmenn og sjómenn á suðurlandi sem er fylgjandi þessari framkvæmd, en kannski eru þeir bara allir "misvitrir" af því að þeir hafa þá skoðun að þetta sé hægt eins og verkfræðingar hafa bent svo réttilega á að sé hægt og prófanir og reiknilíkön þeirra staðfesta.

Það getur vel verið að þessi framkvæmd sé svo ekki hægt, hef ekki hugmynd um það en það þarf sterkari rök en "Ef það væri hægt að gera þarna almennilega höfn, væri það löngu búið" sem mótvægi við þeim rannsóknum og prófunum sem gerðar hafa verið og staðfesta öll að þetta sé hægt, það sjá það allir að þessi rök halda ekki vatni.

[Hafsteinn Viðar Ásgeirsson, 26.2.2008 kl. 23:55]

Ég minnist þess nú aldrei að hafa heyrt að ekki væri hægt að gera höfn í Þorlákshöfn og hvað þá Grindavík??? Það heldur því enginn fram heldur held ég, að ekki sé hægt að gera höfn þarna á söndunum, það er hinsvegar spurningin um hvort það er vit í því með tilliti til þess að hún verði nothæf eins og ætlast er til. Það verður farið í þessa hafnargerð og vonandi verður hún nothæf, það er ekki annað hægt en að vona það, en það er engin vissa fyrir því að svo verði.

Það er hinsvegar of seint að iðrast eftir dauðan og það verður ekki aftur tekið ef menn eru að gera þarna mistök.