ASÍ er ekki lengur málsvari láglaunafólks !!!!!!!!

ASÍ er stærsti hagsmunaaðili lífeyrissjóðanna, sem eru helsti dragbítur þess að verðtrygging skulda verði afnumin.  ASÍ semur fyrir láglaunafólk um laun sem ekki nægja til framfærslu.  Ekki þurfa forráðamenn ASÍ að draga fram lífið á þeim launum, sem þeir semja um fyrir umbjóðendur sína.  Það er ekki mikill vandi að rökstyðja það að verkalýðshreyfingin í landinu er komin nokkuð langt frá uppruna sínum.  Hvaða skilaboð ætla þeir að flytja þjóðinni í þessari fundarherferð sinni?

Líflegur ASÍ-fundur í kvöld

Athugasemdir

[Lúðvík Júlíusson, 18.11.2008 kl. 21:27]

ASÍ vill í ESB og Evru og afnám verðtryggingar þá um leið.  Það eru skilaboð ASÍ.

Í núverandi 'kreppu' þá vill ASÍ lækkun greiðslubirði og sértækar aðgerðir fyrir þá sem þurfa meiri aðstoð.

Ef verðtrygging væri afnumin við núverandi aðstæður eða fryst undir verðbólgu þá myndi enginn vilja lána til húsnæðiskaupa, verð á fasteignum myndi því lækka enn meira og eign fólks í fasteignum sínum myndi gjörsamlega þurrkast út og meira en það.

[101 (IP-tala skráð) 18.11.2008 kl. 21:28]

Kosningabarátta Samfylkingarinnar er hafinn og forseti ASÍ ríður á vaðið með áróðursfundi   til undirbúnings

Fundarefnið er "Fagra ESB" en ekki lausn mála dagsins í dag.

[j.a. (IP-tala skráð) 18.11.2008 kl. 21:34]

A.S.I.  nálgast óðfluga samsvarandi samtök í Svíþjóð  sem eru L.O.  Þau eru komin langt frá grasrótinni.  Þau setja ógrynni fjár í Sosialdemokrataflokkinn, sem er pólitískur flokkur. þá skiljið þið "fnykinn" þar á bæ.  Á Íslandi eru það einstaklingar í verkalýðsfélögunum sem eiga að fylgjast með þessu og mæta á "fundi".  Burt með V.R. foringjann, og þá sem honum líkjast.

[Jóhann Elíasson, 18.11.2008 kl. 21:35]

Lækkun greiðslubyrði?  Lúðvík þetta verður þú að skýra betur ASÍ hefur þvert á móti lagst gegn afnámi verðtryggingarinnar segir að það verði "banabiti" lífeyrissjóðakerfisins en um leið gleyma þeir því að ef félagsmennirnir missa vinnuna í hrönnum, þá greiða þeir ekki í lífeyrissjóði né borga verðtryggðu lífeyrissjóðslánin.

[Jóhann Páll Símonarson, 18.11.2008 kl. 21:38]

Heill og sæll Jóhann.

Ég gæti sagt mikið um lífeyrissjóðina því ég hef gert athugasemdir á aðalfundum hvernig þeir haga sér og væri mikið efni að skrifa um. Hvað með kostnað sem kostar að reka sjóðinn sem er með ólíkindum hár.

Það sem ég vil segja varðandi ASÍ þetta er máttlaust félag sem knýr smá félög um greiðslur sem þau standa ekki undir. Fyrir utan hvað hefur komið út úr ASÍ undan farin ár. það mun á næstu árum verða algjör hreinsun í verkalýðsfélögum á næstu árum.

Jóhann Páll Símonarson.

[Lúðvík Júlíusson, 18.11.2008 kl. 22:04]

Jóhann,

frumvarp um greiðslujöfnun vegna verðtryggðra fasteignalána liggur fyrir Alþingi.  Þeir sem nýta sér úttæðið lækka greiðslubyrði sína um 10% í desember en um ca 17% í lok næsta árs.  Miðað er við efnahagsspá Seðlabankans.

Ég stakk upp á því í grein í Morgunblaðinu fyrir tveimur árum síðan að peningarnir væru settir inn á verðtryggða bankabók með 4% vöxtum, eða eitthvað sambærilegt, og gagnrýndi áhættusækni sjóðanna.  Það voru engin viðbrögð.

Ég sagði fyrir 3 árum að við kæmum út úr þessu 'góðæri', eins og það var kallað þá, fátækari en þegar við fórum í það.  Það voru engin viðbrögð.

Það vilja allir græða, með afnámi verðtryggingar í dag eða frystingu þá mun stór hópur í þjóðfélaginu græða gífurlegar upphæðir.  Hvernig á að ná þeim peningum?  Afnám verðtryggingar við núverandi aðstæður lækkar íbúðaverð, hvernig á að koma í veg fyrir það?

Ég veit líklega ekki hvernig ég get sannfært fólk núna eins og mér tókst ekki að sannfæra fólk þá.

[Jón Aðalsteinn Jónsson, 18.11.2008 kl. 22:50]

Við erum alltaf sammála Jói bara mismikið eins og í Reykholti í gamla daga .

Lúðvík Mín skoðun varðandi það sem er að ske núna er að það sé einskonar sýndarveröld þessir peningar voru aldrei og eru ekki til það voru engin verðmæti þarna á ferðinni nema ímynduð. Hversvegna eiga þá lán að hækka þegar að ímyndun er keyrð upp og líka þegar hún er tengd til baka. Maður á hús sem er 11 000 000 virði gervi hækkun segir honum að húsið sé 24 000 000 virði rikið hækkar öll gjöld miðað við ímyndað verðið lánin hækka vegna þess að ímyndunin veldur hækkun vísitölu allan tíman gerir eigandinn ekkert hann veit að þetta er vitleysa. Nú er blaðran sprengd og þá hækka lánin aftur þegar að leðiréttingin keyrir allt niðu. Mér finnst að minnsta kosti önnur leiðin annað hvort upp eða niður ætti að vera verðbótalaus ekki satt. Því að einu raunverulegu peningarnir sem inntir verða af hendi eftir þetta eru þeir peningar sem að lántakendur þurfa síðan að borga. Það eru peningarnir sem að er unnið fyrir með blóð svita og tárum en ekki krosseignatengslum og pappírsleik. Ef að ég borga X verðbætur þegar að húsið mitt hækkar um Y ætti þá ekki verðbætur að lækka um X þegar að húsið lækkar aftur um Y mér finnst það

[Jóhann Elíasson, 18.11.2008 kl. 22:56]

Þú bendir réttilega á að þeir sem nýta sér þetta úrræði "lækka" greiðslubyrði sína um 10% en ég myndi nú fara varlega í að spá um efnahagshorfur í framtíðinni, en þarna fylgir böggull skammrifi, þarna er eingöngu um að ræða tímabundna frestun vextir og verðbætur tímabilsins leggjast við höfuðstólinn svo þetta "úrræði" er eins og að pissa í skóinn sinn, það er þægilegt á meðan hl.... er volgt en það kólnar og það hratt og þá verður tilveran enn verri en áður.  Þú segir að afnám verðtryggingar lækki íbúðaverð, gott og vel, samkvæmt fasteignasölum er ekki mikil hreyfing á fasteignamarkaðnum og við erum að horfa upp á verulega lækkun á fasteignamarkaði nú þegar.  Uppstokkun á fasteignamarkaði er hvernig sem á það er litið óumflýjanleg með eða án verðtryggingar.

[Lúðvík Júlíusson, 19.11.2008 kl. 00:37]

Jóhann og Jón,

við erum alveg sammála.  Það þarf virkilega að setjast niður og ákveða hver eigi að borga og hvaða áhrif það hefði.

Uppstokkun á öllu þjóðfélaginu er það sem þarf.  Við erum búin að lifa eins og konungar(og drottningar) síðust ár en það gengur ekki lengur.

Það verður að ræða alla þá kosti sem eru í stöðunni á þann hátt að allir viti hverjir þeir eru og hvað þeir muni kosta.

[Hólmfríður Bjarnadóttir, 19.11.2008 kl. 01:35]

Verðtryggingin er tilkomin vegna þess að gjaldmiðillinn okkar er svo lítill og veikur. Við erum að greiða þennan mikla fórnarkostnað vegna krónunnar.

Lífeyrissjóðakerfið okkar er talið vera með því besta og öruggast í heiminum. Það eru margar þjóðir sem öfunda okkur af því. Verkalýðshreyfingin hefur sem betur fer náð að eflast á síðustu árum, þrátt fyrir að verið væri að grafa undan velferð og jöfnuði með ýmsu móti.

Hún hefur náð að standast það álag sem fylgdi miklum innflutningi á erlendu vinnuafli, sem ekki þekkti sinn rétt varðandi kaup og kjör hér á landi. Auðvitað tókst ekki að vernda kjör alls þessa fólks, en miklu var samt áorkað.

Þegar við göngum í ESB verður það mikil kjarabót fyrir alla, launafólk sem aðra. Þetta skynja félagsmenn innan ASÍ og samþykktu áskorun/ályktun á þingi sínu nú í haust sem hvetur til inngöngu í ESB sem fyrst. Verðið er að fylgja þeirri samþykkt eftir nú og er það vel.

Það er algjör blekking að halda að hægt sé að taka verðtrygginguna af lánum meðan við höfum krónuna. Ég bíð með óþreyju eftir því að vertryggingin verði afnumin og því vil ég ganga sem fyrst inn í ESB.