Kastljós kvöldsins......

Aldrei hefur Davíð Oddsson verið í miklum metum hjá mér, hvorki sem stjórnmálamaður né embættismaður, en maðurinn verður að njóta sannmælis og það væri ekki sanngjarnt annað en að segja að hann hreinlega átti kastljósiðí kvöld og það alveg skuldlaust.  Sigmar Guðmundsson var dónalegur, spurði (sjálfsagt hefur honum sjálfum þótt spurningarnar góðar) dónalegra spurninga,  greip ítrekað frammí fyrir viðmælanda sínum þegar hann reyndi að svara spurningum, sem oftar voru ekki mönnum bjóðandi og reyndar fór svo að Davíð setti setti ofan í við hann fyrir ÓVANDAÐA OG ÓGAGNRÝNA fréttamennsku, þetta er einmitt málið að blaða- og fréttamenn eru orðnir svo "heiladauðir" og "gagnrýnislausir" að þeir bara birta "fréttir" algjörlega "gerilsneiddar" og fyrirfram matreiddar.  Segir þetta okkur ekki að fjölmiðlarnir þurfa á því að halda að fara í smá "naflaskoðun".

Athugasemdir

[Helgi Þór Gunnarsson, 25.2.2009 kl. 00:03]

Sæll Jóhann, ég get varla verið meira sammála þér núna eins og oft áður, því Davíð hefur alltaf verið í mínum huga þegar hann var forsætisráðherra einskonar "einræðisherra" því miður, og það er rétt hjá þér kæri bloggvinur að maðurinn (Davíð) á að njóta sannmælis. Það er spurning hvort fréttarmenska á Íslandi þurfi bara ekki að lenda í einskonar hruni (bankahruni).

Kær kveðja frá Eyjum.

[Guðrún María Óskarsdóttir., 25.2.2009 kl. 01:35]

Sæll Jóhann.

Fréttamenn eru að verða eins og Gróa á Leiti og sem aldrei fyrr voru nú spurningarnar þess efnis hjá Sigmari hinum háæruverðuga í kvöld.

kv.Guðrún María.

[Ásthildur Cesil Þórðardóttir, 25.2.2009 kl. 11:40]

Mér fannst Davíð var dónalegur líka, og reyndar alveg búin að vera.  Legg til að þessi maður fari að hvíla sig og leyfa sprækara fólki að spreyta sig á hinum mikla vanda sem við stöndum frammi fyrir.