VAR ANDSTAÐAN GEGN ÍSLANDI AÐ MESTU HRÆÐSLUÁRÓÐUR STEINGRÍMS JOÐ????

Þetta er oft búið að segja á meðan mest gekk á að gera Íslendinga að nýlenduþrælum Breta og Hollendinga og nú eru menn meira að segja farnir að tala um að Íslendingum beri ekkert að borga fyrir GRÆÐGI Breskra og Hollenskra sparifjáreigenda.  Þeir tóku jú áhættuna af því að leggja peningana inn á þessa reikninga einhvern tíma var sagt að því hærri ávöxtunin væri þeim mun meiri væri áhættan en Breskir og Hollenskir sparifjáreigendur vildu bara hreinlega ekki taka mark á þessu.  Eins og fram kemur í fréttinni er ekkert um annað að ræða en að setjast við samningaborðið og semja upp á nýtt og þá á einhverjum VITRÆNUM forsendum.

Hegðun Breta og Hollendinga ekki sæmandi

Athugasemdir

[Ásthildur Cesil Þórðardóttir, 1.9.2009 kl. 08:18]

Það læðist að manni sá grunur að þetta sé að mestu leyti heimatilbúinn hræðsluáróður, af hvaða orsökum sem það nú er.  Annar en að troða okkur með góðu eða illu inn í Evrópusambandið.  Viðsnúningur Steingríms frá því fyrir kosningar er mér hulin ráðgáta.  Hvað varð til þess að hann snérist svona á einum punktinn?  Einn ágætur þjóðverji sagði við mig að sennilega væru allir þeir sem harðast ganga fram í að setja landið inn í ESB búnir að fá góð loforð um fínar stöður í Brussel, eða bitlinga hér heima, sem landsherrar eða álílka.  Hann sagði þetta vera taktikina í Sambandinu við að koma þjóðum þangað inn.  En ég kalla þetta ekkert annað en landráð. 

[Brynjólfur Árnason, 1.9.2009 kl. 08:28]

Hafið þið horft á heimildarmyndina Zeitgeist?

Hún er sláandi og mest hvað auðvelt er að setja Ísland í dag, inní þessa atburði sem talað er um í fyrrihluta myndarinnar.

Ég hvet alla sem hafa áhuga á málefnum landsins að horfa á þessa mynd og dreifa henni sem víðast.

Hægt er að horfa á myndina hér: http://video.google.com/videoplay?docid=-594683847743189197

[Kristín (IP-tala skráð) 1.9.2009 kl. 13:59]

Hræðslu áróður JÁ, 

Vanhæfni JÁ,

Troða Íslandi inn í Evrópusambandið  JÁ,

Þekkingrleysi, heimska og virðingarleysi gagnvart íslenskri þjóð,  JÁ 

[Helga Kristjánsdóttir, 1.9.2009 kl. 14:25]

  Góð öll!   Er ekki búin að sjá þessa heimildarmynd,ætla að sjá hana hér í kvöld.

[siggi (IP-tala skráð) 1.9.2009 kl. 15:34]

Mæli með þessu

http://www.youtube.com/watch?v=a7D21rPpBrk

http://www.wiseupjournal.com/?cat=24

[Loftur Altice Þorsteinsson, 1.9.2009 kl. 20:12]

Jóhann, einu vitrænu forsendurnar sem við getum farið eftir er Tilskipun 94/19/EB, sem fjallar um innistæðu-trygginga-kerfin. Samkvæmt þessari tilskipun og ótal öðrum gögnum frá ESB megum við ekki taka ábyrgð á innistæðu-tryggingum, ekki frekar en aðrar aðildarþjóðir Evrópska efnahagssvæðisins.

Eigum við að setjast að samningaborði ? Um hvað eigum við að semja ? Ef Bretar og Hollendingar vilja hafa af okkur fé, þá verða þeir að sækja það fyrir dómstólum. Annars eru kröfur stjórnvalda í þessum löndum einnig marklausar, því að ríkin hafa ekki réttarstöðu til að sækja bætur í Tryggingasjóðinn. Það hafa einungis þeir sem áttu inneignir á Icesave-reikningum.

[Jóhann Elíasson, 1.9.2009 kl. 21:49]

Finnst þér samningurinn, um Ices(L)ave sem Svavar og félagar gerðu við Breta og Hollendinga virkilega ásættanlegur og því ekki ástæða til að semja aftur á VITRÆNUM forsendum?  Ríkin sem slík gerðu upp við reikningseigendurna og "lánuðu" Íslenska ríkinu út á það gengur Ices(L)ave samningurinn en samt sem áður hefur ágreiningurinn um það hvort Íslendingar EIGI að bera einhverja ábyrgð á þessum reikningum ekki verið útkljáður og einhverra hluta vegna "VILJA" Bretar og Hollendingar EKKI fá úr því skorið fyrir dómstólum.  Ég persónulega myndi vilja dómstólaleiðina EKKI samninga en stundum verður að taka næstbesta kostinn.

[Loftur Altice Þorsteinsson, 1.9.2009 kl. 22:03]

Samningi Svavars þarf að hafna, EKKI að breyta honum beint eða óbeint. Úr því sem komið er, verðum við að fá kosningar og nýtt Alþingi til að hafna þessum fjanda. Það er hægt því að allt er hægt, ef vilji er fyrir hendi.