ÞAÐ Á EKKI AF VESTMANNAEYINGUM AÐ GANGA!!!!!!!!!

Gömul og úr sér gengin ferja er sett í slipp og forráðamenn hennar lögðu sig ekki fram til að fá almennilegt skip í staðinn og þá var bara fenginn næstlakasti kosturinn (Lakari kostur hefði verið að fá Grímseyjarferjuna í verkið, en kannski hefur hún ekki verið á lausu) sem hægt var hér innanlands og ákveðið var að Baldur yrði þarna í ferðum á meðan, spurningin er hvort þeir á Breiðafirðinum geti bara sleppt því að hafa ferðir þennan tíma eða ætlar Vegagerðin að sjá til þess að halda vegunum á sunnanverðum Vestfjörðum ökufærum þennan tíma og hvað með eyjarnar á Breiðafirði?  Svo á að fara,  sú framkvæmd er hafin, að gera ferjuhöfn í Bakkafjöru, sem að öllum líkindum verður "STÆRSTA SLYS Í SAMGÖNGUSÖGU ÍSLANDS".  HVERNIG VERÐUR EIGINLEGA SAMGÖNGUM MILLI LANDS OG EYJA HÁTTAÐ Í FRAMTÍÐINNI?

Enn falla ferðir Baldurs niður

Athugasemdir

[Jón Snæbjörnsson, 17.9.2009 kl. 14:28]

þeir er ansk óheppnir að fá svona brælur í marga daga

[Björn Jónsson, 17.9.2009 kl. 14:37]

Jón, satt hjá þér en þó aðeins að hálfu leyti, þetta hafa verið trillu brælur.

Hvernig hefði verið staðið að þessu ef þetta hefði verið á norðvesturlandi ??

[Guðný (IP-tala skráð) 17.9.2009 kl. 14:41]

„spurningin er hvort þeir á Breiðafirðinum geti bara sleppt því að hafa ferðir þennan tíma eða ætlar Vegagerðin að sjá til þess að halda vegunum á sunnanverðum Vestfjörðum ökufærum þennan tíma“

Vegagerðin heldur ekki vegum á sunnanverðum Vestfjörðum ökufærum. Þar er nú manndrápsholur og má þakka fyrir að ekki hafa orðið stórslys.

[Jakob Falur Kristinsson, 17.9.2009 kl. 14:55]

Ég er sammála þér í því að ferjan Baldur hentar ekki í þetta verkefni.  Það hefði verið hægur vandi að fá leigt gott skip erlendis á meðan Herjólfur er í slipp.  Auk þess er verið að brjóta samninga við Vegagerðina um áætlunarsiglingar yfir Breiðafjörð, sem falla auðvitað niður á  meðan Baldur, liggur í Þorlákshöfn og bíður eftir logni.

[Páll Sig (IP-tala skráð) 17.9.2009 kl. 14:55]

Norðurlandamót Barnaskóla í skák á að hefjast í fyrramálið út í Eyjum. Spurning hvernig keppendur fara á milli.

[Jóhann Elíasson, 17.9.2009 kl. 14:58]

Ég held að þarna sé alfarið um að kenna óhæfum og duglausum starfsmönnum Vegagerðarinnar, það hafi bara ekki verið farið að leita að almennilegu skipi til að leysa Herjólf af í tíma og þar af leiðandi eru þessi mál í ólestri.  Sagt er að það sé til lausn á öllum vandamálum.

[Guðmundur (IP-tala skráð) 17.9.2009 kl. 16:03]

Þetta ýtir kannski á eyjabúa að koma sér upp á fastalandið og hætta búsetu á þessu skeri þarna suður af landinu!!!

Nei að öllu gamni slepptu þá var þetta fyrirsjáanlegt hverjum þeim sem þekkir til þessara mála. Ferjan Baldur er ekki smíðuð fyrir úthafssiglingar, sem leiðin milli Eyja og Þorlákshafnar er klárlega. Haustbrælur eru ekki viðburðir sem gerast á 10 ára fresti eða sjaldnar þannig að auðvitað hefði þurft að fá alvöru skip. Mér skilst þó að gríðarlega aukinn kostnaður við að leigja skip erlendis frá vegna áhagstæðs gengis sé stóra málið.

Það er allsstaðar verið að draga úr og gæði þjónustu við landann skerðast. M.a.s. löggæslu- og björgunarþjónusta, sem að mínu mati ætti síðast að hreyfa við, hefur orðið fyrir hnífnum. Það þarf því engan að undra að þessi leið hafi verið farin varðandi afleysingu fyrir Herjólf.

[Jón Snæbjörnsson, 17.9.2009 kl. 16:14]

skil samt ekki alveg þetta 3,5 metra ölduhæð - veit af mun minni bátum þarna úti sem eru að veiða ágætlega á þessu svæði núna - örlítið austar kanski en þeir eru í mun verri sjó en þetta.

hver fann upp þetta viðmið þrír komma fimm ? kelling í landi kanski ?

[Jóhann Elíasson, 17.9.2009 kl. 16:34]

Þessi "STOFUSKIP" (ferjurnar) hlíta öðrum lögmálum en við þekkjum og geta ekki siglt með farm ef eitthvað hreifir sjó.

[Jón Snæbjörnsson, 17.9.2009 kl. 16:49]

Stofuskip ? 6000 tonna flutningaskip fengu þetta nafn líka - ég var á þessum hér og komumst við nokkuð klakklaust á milli lands og eyja - ferjur er náttúrulega misjafnar eins og við þekkjum Jóhann - þekki svo sem ekki Baldur

 þannig að ég skil stundum ekki þetta tal allt

[Jón Snæbjörnsson, 17.9.2009 kl. 16:53]

svo má sjóbúa vel eða þá sleppa ákveðnum flutningum telji menn stafa hætta af þeirri vöru.

[Jóhann Elíasson, 17.9.2009 kl. 17:12]

Fyrirgefðu Jón, ég ætlaði ekki að vera með "skæting" þó þessi athugasemd mín virki kannski sem slík.  Það sem ég átti við var að þessi skip eru með mjög viðkvæman farm bíla og fleira, sem varla þola nokkra hreyfingu og svona "kollur" eins og Baldur hafa bara ekki sjóhæfni til að sigla fyrir opnu hafi.  Því miður dugir ekki að sjóbúa vel en aftur á móti er það góð hugmynd að sleppa bara einhverjum flutningum t.d hefði kannski átt að sleppa bílaflutningum í þessu tilfelli.

[Jón Snæbjörnsson, 17.9.2009 kl. 18:58]

ég er sallarólegur Jóhann - en þetta er auðvitað slæm staða fyrir Eyjamenn eins og hún er í dag

[Helgi Þór Gunnarsson, 17.9.2009 kl. 20:27]

Sæll Jóhann, það er ekki nóg með það að þeir nenntu ekki að leita að betra skipi heldur tímdu þeir því ekki heldur, það eru til vóst fullt af betri skipum víða um heim. Tvo daga í röð hefur vegna sjávarfalla ekki verið hægt að taka bíla og vagna frá borði, og hefur það tafist um tvo tíma í hvort skipti.

Gárungarnir hér í Eyjum segja að þetta ástand gefi raun á það sem koma skal næsta haust í Bakkafjöru.

Kær kveðja frá Eyjum.

[Jóhann Elíasson, 17.9.2009 kl. 22:46]

Ég er þess fullviss að svipað þessu verður ástandið næsta haust ef ekki verra þegar Bakkafjaran verður komin í gagnið, Helgi og þá dugir ekki einu sinni að biðja almættið að hjálpa sér.

[Anna Grétarsdóttir (IP-tala skráð) 18.9.2009 kl. 12:20]

þessi viðmiðun af ölduhæð er upprunnin hjá skrifstofublók í Siglingamálastofnun, hann tekur mið af bauju við Surtsey þar sem yfirleitt er nokkuð meiri ölduhæð en á siglingarleiðinni sem þýðir að ferðir Baldurs falla oft niður þó svo hann geti vel siglt.

þetta er svipað og þegar sagt er frá veðurfréttum í Eyjum, rok á Stórhöfða en logn niðr'í bæ...