Fótbolti fyrir alla...

Fjaðrafokið, sem orðið hefur út af þessu atviki í fótboltaleik ÍA og Keflavíkur, er með ólíkindum.  Nú er ég bara "sófaáhugamaður" en ég tel mig nú samt geta haft skoðun á svona löguðu.  Þarna get ég ekki betur séð en að Keflvíkingar séu að sópa mjög svo alvarlegum mistökum markmanns síns undir teppið og reyna að koma sökinni á Bjarna Guðjónsson. Fyrir það fyrsta, þá myndi enginn heilvita maður reyna skot af svona löngu færi til þess að skora.  Það er ekki mikið mál að vera markmaður og halda "hreinu" þegar ekki er skotið á markið en loksins þegar skotið er á markið og það langt utan af velli og geta þá ekki varið.  Segir það ekki nokkuð um getu viðkomandi markmanns?  Þessi maður ætti bara að fara að æfa sig betur og liðsfélagar hans ættu nú bara að fara að lýta í eigin barm og fara að athuga hver hinn eiginlegi sökudólgur í þessu máli er?

Hvenær verður mælirinn fullur???

Það er ekki nóg með að Norðmenn hafi verið að "dunda" sér við það, óáreittir síðustu árin og áratugina, að "stela" af okkur Íslendingasögunum og merkum einstaklingum, heldur er það nýjasta að reyna að stela fallegu lagi, sem hefur fyrir löngu komið sér fyrir í hjarta okkar Íslendinga og komið sér þar vel fyrir.  Að sjálfsögðu er ég að tala um lagið SÖKNUÐ eftir Jóhann Helgason, en Norski "tónsmiðurinn" Rolv Lövland, hefur eignað sér lagið en er svo óforskammaður að hann gerði á því mjög lítilvægar breytingar, en líklega duga þessar "breytingar" honum ekki fyrir dómstólum.  Eins og flestum er kunnugt þá sló þessi breyting í gegn í flutningi Josh Groban og heitir í hans flutningi "You Raise Me Up".Nú hefur Jóhann Helgason stefnt Rolv Lövland (meira en Íslensk stjórnvöld hafa gert í meintri þjófnaðartilraun Norðmanna) og óska ég Jóhanni Helgasyni velfarnaðar í þessu máli.

Í framhaldi af þessu vill fólk kannski vita ástæðuna fyrir því hvers vegna Norðmenn eru svona nískir.  Jú forfaðir Norðmanna var Skoti og formóðirin Gyðingur.

Ný sannindi....

.....Eru engin takmörk fyrir því hvað maðurinn getur verið "óheppinn" í tilsvörum?  Í viðtali við CBS-sjónvarpsstöðina sagði hann: "Slæmt mataræði orsakast af því sem við borðum".

Hver er utanríkisráðherra?

Í hádegisfréttum á RUV áðan, talaði Ingibjörg Sólrún Gísladóttir utanríkisráðherra, um það að það ynni með okkur Íslendingum að standa utan ESB í framboði okkar til að fá sæti í öryggisráðinu.  Hún hefur hingað til verið harðasti talsmaður þess að Ísland gangi í ESB, kjósendur hennar hljóta að spyrja hvað sé í gangi?  Ætli Sjálfstæðisgengið sé búið að þagga niður í henni að hún viti ekki hvort hún sé að koma eða fara lengur, eða gerir hún bara allt fyrir ráðherrastólinn?  Svo hefur hún að sjálfsögðu "góðan" aðstoðarmann þar sem Kristrún Heimisdóttir er, en alltaf þegar ISG, hefur "blaðrað" einhverja vitleysu (sem gerist ansi oft að mínu mat) og er flokksapparatinu ekki að skapi, þá er Kristrún Heimisdóttir kölluð til, til að lágmarka þann skaða sem ISG  hefur valdið með ummælum sínum.

Ef þessi ummæli eru skoðuð, þá er ég ekki viss um hver er utanríkisráðherra á Íslandi, Geir Haarde eða Ingibjörg Sólrún Gísladóttir.

Eru engin takmörk?

Fyrir hvað menn geta verið "leiðitamir".  Það eru engin rök tekin gild, sama hversu vel þau eru rökstudd, ef þau koma ekki frá skósveinum LÍÚ, HAFRÓ .

Verðum að aðstoða byggðir

Þjóðhagslega hagkvæmt að leggja sjávarbyggðir landsins niður.......

Á hvaða leið er okkar guðsvolaða þjóðfélag?  Það kemur út skýrsla frá Hagfræðistofnun Háskóla Íslands, en þar er sagt að það sé þjóðhagslega hagkvæmt að hætta þorskveiðum einhvern tíma.  Eru þessir menn virkilega svo raunveruleikafirrtir að þeir geri sér ekki grein fyrir að peningarnir verða ekki til í bönkunum?  Reyndar sagði forstöðumaður Hagfræðistofnunar “Að sennilega myndu þeir sem taka á sig mestu skerðingarnar, vegna aflasamdráttar  ekki njóta “ávaxtanna”, þegar afli yrði aukinn aftur (en hvenær verður það?) einu orðin af einhverju viti (að mínu mati) í þessari skýrslu.En það má virða þessum mönnum hjá Hagfræðistofnun til vorkunnar, að þeir unnu út frá arfavitlausri skýrslu HAFRÓ.  Því eins og allir vita þá á sér stað hlýnun í hafinu og þar af leiðir að fisktegundir leita á önnur mið og tegundir færa sig til eftir breytingum sem verða á þeirra kjöraðstæðum.  Þetta virðast flestir vita nema sérfræðingar HAFRÓ, þeir byrjuðu sitt “togararall” fyrir meira en tuttugu árum á vissum “bleyðum” í kringum landið og enn þann dag í dag byggja þeir niðurstöður sinar á þeim fiski sem þeir fá á þessum “bleyðum” sínum.  Ekki að furða þó að veiðistofninn sé alltaf að minnka og þeir “týni” heilu árgöngunum af fiski.Hafrannsóknir eru dýrar, sérstaklega ef rannsóknirnar beinast ekki í réttan farveg.  Kristinn Pétursson fiskverkandi á Bakkafirði, hefur sýnt fram á það með mjög sterkum rökum, að vandamálið sé að fiskurinn í sjónum sé of mikill en en ekki of lítið af honum og hafi ekki það æti, sem hann þurfi og því sé hann farinn að éta undan sér.  En þetta skrifa sérfæðingar HAFRÓ ekki undir og því miður er hlustað á þá, þó svo að ekki hafi ráðgjöf frá þeim bæ reynst “þjóðhagslega hagkvæm”.

Gott að vita ...........

Samfylkingin hefur heldur betur breytt "stefnunni" í stóriðjumálum, eða kannski væri betra að tala um stefnuleysi.  Í kvöldfréttum hélt Ingibjörg Sólrún Gísladóttir því fram að stóriðjumálin væru ekkert á borði ríkisstjórnarinnar, það kemur ríkisstjórninni ekkert við hvar verður virkjað. Eru það þessi viðbrögð sem fólkið vildi þegar það greiddi ISG atkvæði sitt?

Óalandi og óferjandi.....

Það er ekki í lagi með þá hjá "Vegagerðinni" fyrst kaupa þeir gamalt og hundlélegt ferjuskrifli fyrir Grímseyinga og svo kemur fram núna að þeir "tíma" ekki að halda uppi almennilegum samgöngum við Vestmannaeyjar ........

Óborganlegt úr íþróttafréttum

Allir sem hlusta á lýsingar frá íþróttaviðburðum kannast við "gullkorn" sem hrjóta af vöum viðkomandi íþróttafréttamanns í hita leiksins.  Hér á eftir kemur ein slík en þar var hinn frábæri íþróttafréttamaður Samúel Örn Erlingsson að lýsa landsleik Íslendinga og Eista.

Íslendinga voru mun betri aðilinn í leiknum (þetta var áður en Eyjólfur Sverrisson tók að sér þjálfun landsliðsins) og sagði Samúel þá:  "Íslendingarnir leika sér að Eistunum".

Söguleg veiðiferð

Þannig er nú mál með vexti að ég fór að veiða á Þingvöllum síðustu nótt sem er ekki í frásögur færandi, nema fyrir þær sakir að þar lenti ég í svolítið skondnu atviki.

Ég var kominn á staðinn og byrjaður að veiða um hálf þrjú og barði smá stund án þess að vera var. Ég var kominn á stað sem kallast Alnbogi þegar ég fékk fyrsta fiskinn. Eftir smá viðureign landaði ég honum, þetta var bleikja rétt tæp tvö pund og mjög fallegur fiskur eins og bleikjan á Þingvöllum er yfirleitt. Þegar ég var búinn að landa henni kom í ljós að ég var ekki með neitt net til að geyma hana í svo ég lagði hana á jörðina við vatnsbakkann (það var búið að segja mér að maður ætti aldrei að leggja frá sér fisk á Þingvöllum) svo óð ég útí vatnið og hélt áfram að veiða, en ég fylgdist með fiskinum mínum.  Fljótlega sá ég hvar minkur kemur.  Hann horfði á mig smá stund og tók svo silunginn minn og hljóp í burtu.  Ég var að veiða þar til klukkan var rúmlega níu í morgun og fékk bara tvo aðra fiska annar var rúm 2 pund og hinn tæp 3 pund hvorttveggja rígvænar bleikjur.  En mikið sé ég eftir fiskinum sem helvítis minkurinn tók.