VERÐUR ÞESSU MÁLI EKKI FYLGT EFTIR??????????

Skúli Helgason gengur svo langt SAKA FRÉTTASTOFU RÚV UM RANGFÆRSLUR.  Ætlar fréttastofan að láta kyrrt liggja?????

Segist hafa keypt hús á yfirverði

Athugasemdir

[Eygló, 22.1.2010 kl. 03:01]

Það er nú tæpast ALLT satt og rétt sem í fréttum segir. Sjaldnast þó held ég án ásetnings.

Ég hef svoleiðis hraðlogið að góðum vinum, af því að ég hafði verið rangt mötuð.

Hitt er sjálfsagt að hið rétta komi í ljós, þ.e. hvor fari með rangt mál, kaupandinn eða RÚV

[Jóhann Elíasson, 22.1.2010 kl. 09:31]

Mér er nokkuð sama en sannleikurinn þarf að koma í ljós hvoru megin sem hann liggur.  Ég er alls ekki að halda því fram að fréttastofa RÚV fari alfarið með rétt mál, enda er það oftast þannig að þegar tveir deila þá er sökin sjaldnast alfarið hjá öðrum ailanum.

[Arnar (IP-tala skráð) 22.1.2010 kl. 13:38]

Skúli leggur á borð allar staðreyndir málsins sem afar auðvelt er að athuga hvort eru réttar eða ekki ef Fréttastofa RÚV hefur áhuga á því að fara rétt með.

Í fyrsta lagi keypti hann húsið af fasteignasölu sem var búið að vera með það í nokkra mánuði í opnu söluferli og auglýst þannig að hver sem er hafði tækifæri til að kaupa (sumsé enginn "útvalinn").

Í öðru lagi var það fasteignasalan sjálf sem ástandsmat  húsið og verðlagði svo á 70 milljónir. Hafi það verið gjafverð þá lá það tilboð að minnsta kosti opið fyrir hverjum sem var mánuðum saman og því Skúla Helgasyni með öllu óviðkomandi.

Í þriðja lagi keyptu Skúli og fjölskylda húsið á verði sem var YFIR ásettu verði svo enginn afsláttur var veittur þegar hann keypti af fasteignasölunni.

Ef til eru gögn sem hrekja þessar staðreyndir hlýtur fréttastofa RÚV að birta þau og raunar ámælisvert að hafa ekki gert það strax. Ef þau gögn eru ekki til þá skuldar RÚV þingmanninum afsökunarbeiðni fyrir dylgjur.

[Bjarni (IP-tala skráð) 22.1.2010 kl. 18:53]

Þó ég þekki ekkert til Skúla Helgasonar, ef undan er skilinn góður tónlistarsmekkur hans, þá þekki örlítið til þessa máls og tel mig knúinn til að koma þeim upplýsingum að. Ég tek það líka fram að ég hef ekkert með Samfylkinguna að gera og kem þessum upplýsingum alls ekki til skila af pólitískum ástæðum heldur eingöngu til þess að umræða sem þessi sé sanngjörn og að ekki sé verið að hengja bakara fyrir smið.

Málið er að ég hef undanfarið verið að leita mér að húsnæði í Reykjavík og hef því fylgst nokkuð náið með markaðnum og þetta umrædda hús í Gnitanesi kom einmitt til álita þegar það var auglýst til sölu síðla sumars á 70 milljónir. Húsið kom á fasteignasíður rétt fyrir helgi, sennilega seint á fimmtudegi og það fylgdi auglýsingunni að seljandi þekkti húsið ekki mikið þar sem hann hafi eignast það í skuldaskilum sem þýðir augljóslega að einhver bankanna sé seljandi. Á föstudeginum hringdi ég í fasteignasalann sem var með húsið á söluskrá til þess að fá frekari upplýsingar um þetta hús. Fasteignasalinn tjáði mér að húsið væri vissulega talsvert stórt í fermetrum en það væru tvennt við það að athuga.

1. Húsið sem var byggt 1995 hafi aldrei verið fullklárað þannig að mikla vinnu og kostnað þyrfti að leggja í það

2. Þó húsið væri vissulega stórt í fermetrum væri inni í tölunni talsvert mikið gluggalaust og lélegt rými

Ég var staddur úti á landi og gat því ekki skoðað húsið en það seldist strax eftir helgina og hvarf af fasteignavefnum.

Niðurstaðan er því sú að Skúli Helgason keypti húsið á opnum markaði og á 3 milljónir meira en uppsett verð. Það er hins vegar rangt samkvæmt því sem ég fæ best séð að húsið hafi verið lengi á sölu nema það hafi hreinlega ekki verið auglýst fyrr en á þessum tímapunkti.

Það er furðulegt að sá sem vinnur fréttina skuli ekki athuga bakgrunn málsins og bera það undir viðkomandi því ég sé ekki betur en að þessi sala hafi verið eins eðlileg og hver önnur og að rangt sé að bera Skúla Helgason jafn þungum sökum og fréttin gefur í skyn.