HVER ER ÁSTÆÐAN???????????

Ekki er með góðu móti hægt að segja að aðgerðir/aðgerðaleysi stjórnvalda eigi þarna þátt að máli en vissulega hefur lágt gengi hjálpað fiskvinnslunni mikið og eins og fram kemur í fréttinni, þá er ýsuaflinn aðeins svipur hjá sjón, en stærsti hluti óunnins útflutts fiskjar hefur hingað til verið ýsa.  En enn er mikið starf óunnið því mikið magn af fiski fer héðan til fullvinnslu og má þar nefna ALLAN fisk af frystitogurunum, en hann er allur unninn í neytendapakkningar af Bretum og eitthvað af Frökkum og Þjóðverjum.  Þá er ég nokkuð smeykur við þann fisk sem fellur til vegna "strandveiðanna" því á þeim tíma, sem þær standa yfir, eru sumarfríin í hámarki og hætt er við því að þá aukist útflutningur á óunnum fiski, en vonandi er þetta bara vænisýki í mér.

Dregur úr útflutningi á óunnum fiski

Athugasemdir

[Hafsteinn Viðar Ásgeirsson, 5.2.2010 kl. 12:52]

Já, ég held að þetta sé bara "vænisýki" Jóhann. Það sýndi sig síðasta sumar að þessi fiskur fór nánast allur til vinnslunnar hérna og einn stærsti kaupandinn á mörkuðunum sagði mér að hann vissi ekki hvernig þeir hefðu lifað af sumarið, ef ekki hefðu verið strandveiðarnar.

[Jóhann Elíasson, 5.2.2010 kl. 13:46]

Ég vona að þetta sé staðreyndin Hafsteinn.  En til að koma í veg fyrir allan misskilning, þá hef ég EKKERT á móti strandveiðunum sem slíkum ég fagna því að menn fái að veiða fisk án þess að vera "þrælar" LÍÚ klíkunnar, þó í litlum mæli sé.

[Hafsteinn Viðar Ásgeirsson, 5.2.2010 kl. 13:58]

Já, ég held það sé talsverð hlutfallsleg aukning á því sem fer um markaðina. Þó vissulega sé hún ótrúlega lítil, miðað við verðið, en það á auðvitað sínar skýringar í þessari Verðlagsstofu-glæpamennsku. En kosturinn við strandveiðarnar, sem ég veit að þú ert hlynntur, er að fiskurinn fer allur yfir markaði hér, enda skilyrði ef ég veit rétt?

[Árni Gunnarsson, 6.2.2010 kl. 01:12]

Við erum að horfa á fyrsta sumarið og hljótum allir að vona að þetta sé upphafið að eflingu strandbyggðanna. Fámennu byggðarlögin sem voru búin að missa alla von um endurlífgun bryggjumenningarinnar voru ekki undir þetta búin og misstu þess vegna fiskinn frá sér gegn um markaðina.

Ég leyfi mér að vona að þegar á næsta vori hefjist sú þróun að lítil fjölskyldufyrirtæki verði mynduð víða og skapi sér vinnu við að auka verðmæti þess afla sem berst á land.

Þessi fyrirtæki gætu auðveldlega verið í eigu sjómannanna sjálfra. Ég bind miklar vonir við að fólkið sjálft skilji að í þessari bryggjumenningu sem er svo nátengd sjávarplássunum á Íslandi felst verðmætt aðdráttarafl fyrir erlenda ferðamenn ef rétt er haldið á spilunum.

Versta hindrunin þar felst í ofskipulögðum byggingasamþykktum sveitarfélaganna þar sem öll áherslan er lögð á skipulagslíkön að erlendri fyrirmynd og reglum ESB.