ÞETTA VARÐI BJÖRN VALUR MEÐ KJAFTI OG KLÓM (AÐALLEGA KJAFTI) Í SILFRINU FYRR Í DAG.............

Það var dapurlegt að horfa upp á málflutning Björns Vals í "Silfrinu" fyrr í dag, sem einkenndist af HROKA, RANGFÆRSLUM og DÓNASKAP.  Dónaskapur hans fólst að mestu leiti í því að grípa í sífellu frammí fyrir öðrum sem voru gestir Egils í þætti hans og yfirgnæfa þá.  Þau sem stóðu upp úr í þessum umræðum voru þau Benedikt Sigurðsson og Eygló Harðardóttir og má gera ráð fyrir því að Eygló hafi náð inn mörgum atkvæðum fyrir Framsóknarflokkinn í þessum þætti.  Lilja Mósesdóttir lét Björn Val eiginlega slá sig út af laginu og hafði sig freka lítið í frammi.

Harma efnahagslegt ofbeldi stjórnvalda

Athugasemdir

[Óskar Guðmundsson, 2.10.2011 kl. 20:42]

Það er nefnilega svo að á Íslandi í dag heyrist meira í þeim sem hafa hátt en þeim sem hafa rétt fyrir sér.

[Gunnr (IP-tala skráð) 2.10.2011 kl. 21:05]

Björn Valur keyrir þessa umræðuhefð sem er dæmigerð fyrir íslenska umræðu og raunar er þetta stíll sem Davíð Oddsson var frægur fyrir á sínum tíma og ekki gleyma fjandvininum Ólafi Ragnari Grímssyni. Keyrt áfram með rangar fullyrðingar og með ofstopa.

Raunar er Lilja Mósesdóttir ruglukollur og hefur fengið á sig helgislepjuímyndina sem hún Jóhanna Sigurðardóttir (fyrrum heilög Jóhanna) hefur í raun misst.

Það eru ótrúleg gullkornin sem hafa komið frá henni Lilju. Þessi skattheimta á útflutningsgreinar er glórulaust bull og mun í raun stuðla að landflótta gjaldeyrirskapandi starfsemi raunar stórskaðlegt. Hitt var að gefa íslensku krónunni nýtt nafn og lauma henni aftur inn og fleirra mætti telja.

Ég hef raunar fylgst með stjórnmálaumræðu í Þýskalandi, Noregi og Svíþjóð og íslensk stjórnmálaumræða er eins og bera saman Evrópska meistaraboltann við að vera komin í 4-5 deild í mýrarbolta. Sauðnautaumræða fyrir síðustu þinglok og það að menn séu að endurtaki ræður úr ræðustól Alþingis er eins og vinnubrögð á vernduðum vinnustað. Það eru Alþingismenn sjálfir sem hafa dregið niður virðingu á Alþingi og ekki er ég að mæla því bót sem lítilsvirðir Alþingi með að henda eggjum eða skemdum matvælum á þingheim eins og í gær.