ÞVÍ MIÐUR ERU ÞETTA DRAUMÓRAR ENN SEM KOMIÐ ER.........

Það er afskaplega hæpið að fjárfestar fáist til að leggja fjármagn í þetta, þegar það skilar sér svona hægt til baka og á meðan ekki er svigrúm til að reka hér heilbrigðiskerfið og menntakerfið , svo nokkur sómi sé að, er vita vonlaust að láta sig dreyma um svona lagað.  Bara það eitt að ekki skuli gert ráð fyrir launakostnaði og launatengdum gjöldum, vegna rekstrarins, rýrir trúverðugleika skýrslunnar mjög mikið.  Miðað við þessar forsendur er engin  von til að fjármagna dæmið í einkaframkvæmd nema kannski að litlum hluta og þá er það með öllu vonlaust að ríkið geti komið að þessu "gæluverkefni".  Þannig að þessum draumi þarf að "loka" í að minnsta kosti nokkur ár...............

Stofnkostnaður hraðlestar 100 milljarðar

Athugasemdir

[Grímur (IP-tala skráð) 7.7.2014 kl. 20:38]

Þetta eru dæmigerðar Excel æfingar þar sem útkoman er ákveðin fyrst og svo er forsendunum breytt þar til allt lítur vel út.

 "Framtíðarsýn með stefnumarkandi  árangursmarkmiðum"  = FROÐA

[Jóhann Elíasson, 7.7.2014 kl. 21:31]

Ég þorði nú ekki að taka svo sterkt til orða en ég verð að vera alveg sammála þarna, Grímur.  Staðreyndin er nefnilega sú að útkoman fer alltaf eftir forsendunum og ef forsendunum er hagrætt þá fá menn það út sem þeir ætla.............

[Stefán (IP-tala skráð) 7.7.2014 kl. 21:52]

Það er rétt hjá þér, þetta verkefni er ekki framkvæmdanlegt eins og það lítur út núna, enda eru allar tölurnar fegraðar. Gera má ráð fyrir að miðverðið verði um 4.000 kr. í 2014-krónum og þá er flugrútan í alvarlegri samkeppni. Eina ástæðan fyrir því að flugrútan er 45 mínútur á leiðinni, er að hún fer gegnum miðbæ Hafnarfjarðar (til að ná í 1-2 farþega). Þegar hraðlestin kemur, þá mun flugrútan keyra beint frá BSÍ út á Hafnarfjarðarveginn yfir Öskjuhlíðina í stað Miklubrautar og síðan frá Fjarðarhrauninu út á Reykjanesbrautina og alveg sniðganga miðbæ Hafnarfjarðar. Þessar tvær hræður úr Hafnarfirði geta þá bara komið sér upp Fjarðarhraunið og beðið þar. Þannig getur ferðin frá BSÍ stytzt um kortér niður í 30 mínútur. Það fer enginn að borga tvöfallt hærra miðaverð bara til að komast 10 mín. fyrr út á völl. Stærsti hlutinn tekur frekar rútu eða lætur keyra sig.

Útreikningarnir á farþegum með lestinni er þannig allt of hátt, líka vegna þess að skýrslan hér gerir ráð fyrir að Reykjavíkurflugvelli verði lokað (sem gleður Dag og aðra flugvallar-óvini), þannig að allir innanlandsfarþegar þyrftu líka að skrölta til Keflavíkur. En það er ekkert útlit fyrir að Reykjavíkurflugvöllur verði nokkurn tíma lagður niður.

Ég veit heldur ekki hvaða máli skipta þessi 11 ár þegar byrjar að myndast hagnaður, því að verkefnið byrjar ekki að borga sig fyrr en eftir 102/(10,5 - 5,8) = 21,7 ár, enda stendur neðar í yfirlitinu réttilega 22 ár (með þessum fegruðu tölum). Ég spái því að fyrirtækin sem munu standa að þessu fari í þrot og allur pakkinn lendi á skattgreiðendum (sbr. Hörpuna) og við séum að horfa á 40 ára endurgreiðslutímabil. En Degi getur svo sem alveg verið sama, því að þetta er pólítísk agenda hjá honum tengt brotthvarfi Reykjavíkurflugvallar.

Því að þetta ERU fegraðar tölur, þ.e. gert er ráð fyrir allt of mörgum farþegum á ári til að reiknidæmið gangi upp. Og jarðgöng frá miðbæ Reykjavíkur til Straumsvíkur? Forget it. Til að svona verkefni borgi sig, yrðu svona lengstu jarðgöng á Íslandi allt of dýr. Það verður allt að vera ofanjarðar, nýta sér alla nútíma tækni og reynslu annarra ríkja, gjarnan monorail með rafseglum til að minnka viðnám/tap og þannig fer mjög lítið land undir miðað við það sem færi undir teina í báðar áttir (enn gert ráð fyrir að allt verði ofanjarðar til að spara ca. 50 milljarða). Og ef ferðin tekur bara 20 mínútur, þá er alveg nóg að hafa eina lest með 5 vögnum, sem fer á klst. fresti hvora leið. Þetta er nú bara flugvöllur í útnára lítils ríkis, það er ekki eins og þetta sé Heathrow Airport. Auk þess verður flugrútan keyrandi á hálftíma fresti. Og hver er svo sem að flýta sér?

Þessi flotta mynd af lestarkerfinu í fréttinni er alveg út úr kú. Þarna er verið að apa eftir háhraðalestum Norðmanna, Japana og Frakka, þar sem í raun fara milljónir farþega milli staða og getur þess vegna borgað sig í þeim löndum, en það gerist ekki hér, farþegafjöldinn hér verður bara lítið brot þrátt fyrir bjartsýna spádóma.

Galdurinn við þetta er byggja hraðlestarkerfi eins ódýrt og hægt er, en samt eins öruggt og hægt er og láta lítilvægari atriði víkja, annars gengur þetta ekki upp. Enda ekki gert ráð fyrir miklum hraða, hámark 250 km/klst.

[Erlingur Alfreð Jónsson, 7.7.2014 kl. 21:59]

Þetta er ósköp einfalt: Við eigum ekki gjaldeyri til að setja í fjármögnun innlendra aðila á svona verkefni. Bara aðföng og búnaður, þ.e. teinar, lestir, merkja- og stjórnbúnaður o.fl. mundi kosta um 40-50 milljarða í erlendum gjaldeyri. Það er að mínu mati gjörsamlega útilokað að inlendir aðilar útvegi svona upphæð í erlendum gjaldeyri án aðkomu ríkis í formi ábyrgða. Þess vegna er froða að halda því fram að svo framkvæmd yrði einkaframkvæmd án aðkomu ríkis eða sveitarfélaga, eins og segir í skýrslunni, nema hún yrði fjármögnuð alla vega 50% með erlendri fjárfestingu. Min vegna, og jafnvel frekar, mætti hún vera 100% fjármögnuð að erlendum aðilum og losa íslenskt samfélag við áhættuna af þessum draumórum.

[Erlingur Alfreð Jónsson, 7.7.2014 kl. 22:03]

Stefán: Það er ekki rétt að gert sé ráð fyrir lokun Reykjavíkurflugvallar, þvert á móti er það tekið fram að forsendur séu að innanlandsflugið sé áfram í Vatnsmýrinni.

[L.T.D. (IP-tala skráð) 7.7.2014 kl. 23:00]

Hvar á að koma þessari lest fyrir, veit það einhver?

Ekki spurning að flugvöllurinn hverfi í náinni framtíð, money talks, bullshit walks.

Jarðgöng eða brú á milli Skerjafjarðar og Álftaness verður sem verða skal.

[Stefán (IP-tala skráð) 7.7.2014 kl. 23:11]

Erlingur, þá veit ég ekki hvaðan þessar farþegatölur koma (50% af öllum farþegum), nema bæðri flugrútan og SBK verði lögð niður og einkabílum verði bannað að fara inn á flugvallarsvæðið. Það er raunhæft að ætla að miðaverðið í lestina verði mun hærra en í rútuna, það hef ég alla vega reynslu af frá útlöndum, og það gerir það að verkum að fleiri muni ferðast með rútum (sérstaklega eftir eð leiðin verður stytt). Auk þess er fjöldi erlendra ferðamanna mun lægri 9 mánuði ársins en yfir hásumarið.

En eins og allir aðrir hér á síðunni hafa skrifað: Óraunhæfir draumórar eins og verkefnið lítur út núna. Og ætla menn virkilega að grafa lestargöng undir allt höfuðborgarsvæðið? Er þessum mönnum alvara? Sbr. "Það ein­fald­ar málið tölu­vert að það á að setja lest­ina í göng­um und­ir höfuðborg­ar­svæðið al­veg upp í Straums­vík. Því þurf­um við ekki að velja leiðina á milli hús­anna." Duh? 8( Þarna er greinilega verið að velja allra dýrustu lausnina í hreinum og skærum flottræfilshætti. Hvers vegna? hefur Jón Gnarr verið með puttana í þessu?

[Erlingur Alfreð Jónsson, 7.7.2014 kl. 23:23]

Stefán: Það stendur fremst í skýrslunni hverjar forsendurnar eru og þar er sagt að gert sé ráð fyrir að flugvöllurinn sé áfram í Vatnsmýrinni. Líka hvers vegna miðað er við 50% af farþegafjölda í millilandaflugi. Gert er ráð fyrir aukningu farþega til og frá landinu og tekið mið af nýtingarhlutfall lesta til og frá Gardemoen og Arlanda. En þetta verkefni er náttúrulega bara rugl og draumórar.

[Gunnar Th. Gunnarsson, 7.7.2014 kl. 23:37]

Þetta er liður í áróðri til að flytja innanlansflugið til kef.