ÞAÐ KEMUR EKKI NÝR FLUGVÖLLUR Á MORGUN - ÞVÍ VERÐUR AÐ STYRKJA NÚVERANDI FLUGVÖLL Í VATNSMÝRINNI NÚNA.

Þessi skýrsla "Rögnunefndarinnar" var hvorki fugl eða fiskur.  Kannski gerði ég mér meiri vonir um einhverja afgerandi niðurstöðu vegna þess að það var búið að tala um hana eins og að við útkomu skýrslunnar myndu öll vandamál, varðandi Reykjavíkurflugvöll leysast.  En því fór sko fjarri, fyrir það fyrsta hefur umboð nefndarinnar verið afskaplega takmarkað og alls ekki til þess fallið að leysa úr málefnum Reykjavíkurflugvallar í dag.  En það sem kom út úr þessu var, að Flugvöllurinn í Vatnsmýrinni, verður þar í næstu framtíð og meðan svo er VERÐUR AÐ TRYGGJA ÞAR ÓBREYTTA STARFSEMI og þar með að hin svokallaða NEYÐARBRAUT verði til staðar.  Það verður að koma á sátt um flugvölllinn þar sem hann er og Dagur B og félagar verða að láta af ÖLLUM til burðum til að koma flugvellinum í burtu, að minnsta kosti næstu árin.

Glapræði gagnvart öryggi

Athugasemdir

[Guðbjörg Snót Jónsdóttir (IP-tala skráð) 26.6.2015 kl. 10:54]

Er hægt að búast við einhverri afgerandi niðurstöðu frá nefnd, þar sem Dagur borgarstjóri situr sjálfur í, sá, sem er þegar búinn að ákveða, að flugvöllurinn skuli fara, hvað sem hver segir, og er sífellt að reyna að grafa undan flugvellinum í Vatnsmýrinni? Það held ég varla. Mér eins og fleirum finnst þessi Rögnunefnd vera tóm sýndarmennska, fyrst Dagur situr í henni, óvinur vallarins númer eitt? Ég átti ekki von á miklu frá slíkri nefnd satt að segja. Flugvöllurinn í Vatnsmýrinni er besti og hagstæðasti kosturinn, finnst mér. Það er alltaf talað um ónæði og hávaða frá flugvellinum. Ekki finnst nágrönnum hans, sem búa í háskólahverfinu og Skerjafirðinum það, frekar en háskólastúdentunum, sem eru orðnir vanir þeim hljóðum. Þau teljast til umhverfishljóða. Þegar ég var í HÍ í gamla daga, þá tók maður varla eftir hávaðanum af flugvélunum. Ég er líka alin um í nágrenni vallarins og fannst vorið alltaf komið, þegar ég heyrði og sá litlu rellurnar á sveimi yfir Reykjavík, og mundi sakna þess að heyra ekki í þeim eða sjá þær, ef flugvöllurinn færi. Ég skil ekki þetta fólk, sem þolir engan umhverfishávaða, hvorki kirkjuklukkur eða flugvélaþyt, varla bíla heldur. Ég held, að það ætti að eiga heima einhvers staðar annars staðar en í borgum og bæjum þessa lands, og leyfa okkur hinum að vera í friði með okkar umhverfishljóð, sem við erum vanari en svo, að þau séu okkur til ama.

[Pétur D. (IP-tala skráð) 26.6.2015 kl. 16:59]

Ég bjó líka um tíma ca. 200 metra frá flugbraut 13/31 og fannst engin truflun að hreyfilgnýnum.

Þetta verkefni var meingallað frá byrjun og skilaði engu. En kostaði samt skattgreiðendur alls hátt í 40 milljónir (20. maí: 35 millj.):

http://www.mbl.is/frettir/innlent/2015/05/20/rognunefndin_kostad_35_milljonir/

Heildarábatinn við að byggja flugvöll í Hvassahrauni og leggja niður Reykjavíkurflugvöll á svo að skila kannski 100 milljarða krónum, ef ekkert af því neikvæða (þ.m.t. aukinn ferðatími til og frá Rvk. og töpuð mannslíf) er tekið með í reikninginn.

http://www.mbl.is/frettir/innlent/2015/06/25/82_til_123_milljarda_heildarabati/

Ég veit ekki hvort eitthvað muni gerast á næsta ári í þessu leiðindamáli, en ég efa það. Og flugvellinum líður bezt þar sem hann er, í Vatnsmýrinni.

[Jóhann Elíasson, 26.6.2015 kl. 19:30]

Ég bara sé ekki fyrir mér að það sé sátt um flugvöll á öðrum stað en í Vatnsmýrinni.  Og í ljósi þess er ég á því að það eigi að byggja þar upp sómasamlega aðstöðu fyrir innanlandsflugið og það eigi bara að hætta þessu karpi í eitt skipti fyrir öll.  Dagur B og félagar verða barasta að fara að almenningsálitinu, svona einu sinni og hætta þessu draumaveseni að gera Reykjavík að einhverjum "múmíndal" með reiðhjólastígum og bíllausri borg án flugvallar eða annarra samgangna, fyrir utan reiðhjólin að sjálfsögðu.