FÓLKI FINNST ÞESSI "AF ÞVÍ BARA RÖK" EKKI NÆGJA TIL BREYTINGA

Jú og líka þau "rök" "Að það sé hægt að fara í matvöruverslanir sums staðar erlendis og kaupa vín".  En þó svo að þetta frumvarp sé orðið árvisst hjá "stuttbuxnastrákunum" er það líka orðið árvisst að það sé fellt.  En það koma alltaf upp nýjar kynslóðir "stuttbuxnastráka" og allir virðast þeir eiga það sameiginlegt að læra EKKI af fyrri reynslu "stuttbuxnastrákanna" og halda því áfram með sömu þvæluna ár eftir ár.

Vilja ekki áfengi í matvöruverslanir

Athugasemdir

[Gunnar (IP-tala skráð) 13.11.2015 kl. 10:31]

af Norðurlöndunum þá er  það bara Danmörk sem leyfir þetta í verslunum.
Svíþjóð, Noregur, Finnland og Færeyjar hafa öll sama fyrirkomulag og ísland

[Geir Ágústsson, 13.11.2015 kl. 11:35]

Í Noregi má selja venjulegan bjór í venjulegum búðum til kl. 8 á kvöldin. Í Finnlandi má selja áfengi að 4,7% styrkleika í venjulegum stórmörkuðum. Það eru því bara Íslendingar og Svíar sem viðhalda þessari algjöru ríkiseinokun.

Danir hafa valið að herma frekar eftir barbararíkinu Þýskalandi en fóstruríkjunum á Norðurlöndunum.

Að viðhalda núverandi fyrirkomulagi hefur fyrst og fremst verið rökstutt með "allt er svo frábært núna - mikið úrval og margir sölustaðir og gott aðgengi því ÁTVR vill fyrir engan muni espa upp andstöðu við sig - en um leið hátt verð og erfitt aðgengi því drykkja má ekki vera of mikil". Sem sagt þversögn ef einhver slík er til. Og íhaldssemi - mikil íhaldssemi og ótti við að AÐRIR muni fara sér af voða á meðan stjórnmálamennirnir fylla vínskápana sína á hverju ári með fríhafnarvodka. 

[Jóhann Elíasson, 13.11.2015 kl. 14:34]

Ég bjó í Noregi á námsárunum og í matvöruverslunum mátti selja bjór, eins og Geir bendir á, en sá hængur var á að þar var eingöngu hægt að fá tvær söluhæstu bjórtegundirnar.  Þetta var útskýrt með því að verslanirnar væru ekki að leggja út í mikinn lagerkostnað vegna þessara vara.  Þetta er einmitt það sem andstæðingar þessa frumvarps hafa verið að benda á AÐ ÞESSI BREYTING, EF AF VERÐI, LEIÐI TIL ÞESS AÐ VÖRUFRAMBOÐ VERÐI MINNA OG EINSLEITARA og myndu þá einhverjir segja AÐ "FRELSIÐ" VÆRI NOKKUÐ DÝRU VERÐI KEYPT.