ER ÞETTA EINA RÁÐIÐ GEGN VERBÓLGUNNI EÐA ER SEÐLABANKINN BARA RÁÐALAUS????

Mín persónulega skoðun er sú að það sé RÁÐALEYSI og JARÐTENGINGARSKORTUR sem er að hrjá peningastefnunefnd Seðlabanka Íslands. JARÐTENGINGARSKORTUR segi ég vegna þess að þetta fólk gerir sér ekki grein fyrir því að þegar fólk ræður EKKI LENGUR við að greiða afborganirnar af ÓVERÐTRYGGÐU LÁNUNUM, þá er því "ýtt" út í að breyta láninu yfir í VERÐTRYGGT LÁN, ÞÁ HAFA STÝRIVAXTABREYTINGAR EKKERT AÐ SEGJA en vegna eðlismunar á þessu tvennu þá eru  afborganir af VERÐTRYGGÐUM LÁNUM ALLTAF "JAFNAR" ÚT LÁNSTÍMANN EN Á ÓVERÐTRYGGÐUM LÁNUM VERÐUR FYRSTA AFBORGUNIN HÆST OG SVO LÆKKAR HVER AFBORGUN UPP FRÁ ÞVÍ OG SVO KOLL AF KOLLI.  Þá ætla ég enn að  benda á það að það  eru nokkur ár síðan að sýnt var fram á það að það er ekki það samhengi milli STÝRIVAXTASTIGS og VERÐBÓLGU sem áður var talið.  En það virðist vera að  þetta fólk í peningastefnunefnd hendi námsbókunum og hætti að lesa um leið og það útskrifast, þannig að það er  ekki hægt að búast við því að  þetta STÝRIVAXTAKJAFTÆÐI hætti fyrr en að sú kynslóð sem er núna í HAGFRÆÐINÁMI kemst að í PENINGASTEFNUNEFND.  Mestu mistökin sem voru gerð á sínum tíma var að AFNEMA BINDISKYLDU Á SÍNUM TÍMA (ég kalla það afám að lækka bindiskyldu úr 10% í 1%) ÉG HEFÐI TALIÐ ÞAÐ MUN VÆNLEGRA AР HÆKKA BINDISKYLDUNA MUN MEIRA FREKAR EN STÝRIVEXTINA.............

Stýrivextir hækkaðir um 1,25 prósentustig

Athugasemdir

[Guðmundur Ásgeirsson, 24.5.2023 kl. 10:53]

Heill og sæll. Það er ekki nema von að þetta virki ekki þegar peningmagni í umferð hefur verið leyft að aukast svo mikið að hartnær fimmta hver króna í umferð varð til á undanförnum tveimur árum. Ekkert hefur verið gert til að draga úr því og engar aðgerðir hafa verið boðaðar í því skyni. Þeir sem valdið hafa virðast alls ekki fatta þetta einfalda atriði.

Tiltekin aðgerð gæti þó dregið mjög skarpt úr peningamagni í umferð: Ef allir sem eru með lán frá banka myndu endurfjármagna og taka í staðinn lán hjá lífeyrissjóðnum sínum. Það hefði áhrif samstundis því þegar útlán banka er endurgreitt þá hverfa þeir peningar úr umferð, en lífeyrissjóðir prenta ekki lánsfé heldur lána þeir fé sem er þegar í umferð.

Þegar þeir sem valdið hafa sitja aðgerðalausir hjá og leika jafnvel á fiðlu meðan Róm brennur, verður almenningur að grípa til sinna ráða og slökkva bálið.

[Rúnar Már Bragason, 24.5.2023 kl. 11:32]

Já þetta fer að minna á textabrot Bubba: "Ekki benda á mig, þetta kvöld var ég ..." Alltaf einhverjum örðum um að kenna. Fyrst var það Tene, síðan ríkið og nú atvinnurekendur. Á sama tíma var launasamningum fagnað.

Leiðin sem Guðmundur talar um mun ekki leysa málið en enginn vill minnast á raunverulega vandamálið. Ríkið er alltof stórt og vaxtahækkanir hafa seint áhrif þar. Ekkert frekar en á alla flóttamennina sem koma og þarf að finna húsnæði fyrir. Það er alltof lítið af húsnæði á höfuðborgasvæðinu sem veldur of mikilli spennu. Þar á þéttingastefnan stærstan þátt. Að lokum það að fyrirtækin komast upp með að henda vaxtahækkunum strax út í verðlagið sem leiðir til enn meiri verðbólgu.

Alveg með ólíkindum að eftir rúma 40 ára reynslu með verðtryggð lán þá heldur Seðlabankinn að enn sé hægt að hækka vexti út í eitt. Þrátt fyrir að sögulega sýni að gengur afar hægt að fara þá leið þegar verðtryggð lán eru annarsvegar.

Bindisskyldan var nú hækkuð úr 1% í 2%.

[Gunnlaugur Hólm Sigurðsson, 24.5.2023 kl. 11:34]

Hefur ekki virkað hingað til, Þeir gætu til dæmis bannað verðtryggð lán og tengt krónuna við Evru, það gæti kannski virkað og í stað þess að ráðast á almenning, gætu þeir ráðist á bankana og stöðvað okurvexti þeirra, íbuðarlán í Færeyjum ber 1.8% vexti og eru tengdir Evru og þurfa ekki verðtryggingu, þeir eru 55.000 en við bjánarnir erum 390.000. Ísland er rekið áfram af þjófum. þeir eru eins og geðsjúklingar með hamar, muna ekki að hann kramdi á þeim fingurinn síðast þegar þeir börðu puttann í mauk.

[Jóhann Elíasson, 24.5.2023 kl. 11:35]

Lífeyrissjóðirnir eru með mjög svipuð kjör og viðskiptabankarnir.  Peningamagn í umferð, sem slíkt hefur mjög lítil áhrif á verðbólgu en aftur á móti hefur það áhrif á verðbólguna "HVERNIG" þetta peningamagn í umferð verður til (hvort peningarnir eru eigið fé eða lánsfé).  Það er ansi margt sem hægt er að gera í því ástandi sem er uppi til dæmis að draga úr fjárfrekum og mannfrekum aðgerðum (borgarlína er þar fremst í flokki og ýmsar aðrar opinberar framkvæmdir væri hægt að nefna).......

[Jóhann Elíasson, 24.5.2023 kl. 11:46]

Rúnar, þrátt fyrir að bindiskyldan hafi verið hækkuð úr 1% í 2% er það ekki nokkur hækkun og hefur  ekki nokkuð að segja í baráttunni við verðbólguna.  Í athugasemdinni hérna á undan fór ég aðeins yfir það hvers vegna tillögunar hjá Guðmundi virka ekki......

[Gunnlaugur Hólm Sigurðsson, 24.5.2023 kl. 11:48]

Það hlítur að vera eitthvað mikið að Hagsstjórninni hér á landi ef þarf að reka landið á okurlánum og glæpamensku, eins og bankar á norðurlöndum kalla þetta þegar þeir sjá lán frá Íslendingum sem koma með ánauðina til leiðréttingar hjá þeim.

[Jóhann Elíasson, 24.5.2023 kl. 11:57]

Gunnlaugur, hvernig  getur það að tengja Íslensku krónuna við evru og hvaða rök eru fyrir því?  Og að banna verðtryggð lán í mínum huga þarf fyrst og fremst að reikna verðtrygginguna RÉTT ÚT sjá viðkomandi "link":  ER ÚTREIKNINGUR VERÐTRYGGINGAR EITT MESTA SVINDL SÖGUNNAR??? - johanneliasson.blog.is

[Jóhann Elíasson, 24.5.2023 kl. 12:01]

Það er alveg rétt hjá þér Gunnlaugur að Efnahagsstjórnunin hér á landi hefur verið í "klessu" frá upphafi lýðveldisins, það er ekki flóknara en það og ekki nokkuð útlit fyrir neinar breytingar þar á.......

[Guðmundur Ásgeirsson, 24.5.2023 kl. 12:16]

Þegar lífeyrissjóðir lána eigið fé þá eykst peningamagn í umferð ekki, því þeir þurfa fyrst að hafa "eignast" það fé (fengið það greitt til sín) áður en hægt er að lána það. Þetta er ólíkt bönkum sem "prenta" lánsfé og þurfa því ekki að hafa fengið það fé greitt til sín til að geta veitt lán. Sjá óvenju heiðarlegt svar forsætisráðherra við fyrirspurn um nákvæmlega þetta:

873/153 svar: verðbólga og peningamagn í umferð | Þingtíðindi | Alþingi

     3.      Hvaða áhrif hafa lánveitingar lífeyrissjóða á peningamagn í umferð?
    Þegar innlánsstofnun veitir lán verður samtímis til nýtt samsvarandi innlán og þannig eykst peningamagn. Það sama á ekki við þegar lífeyrissjóður veitir lán þar sem sú fjárhæð sem er lánuð var áður hluti af innlánum lífeyrissjóðsins eða bundin í öðrum fjárfestingum. Útlán lífeyrissjóða hafa þannig ekki sömu beinu áhrif á peningamagn og þegar innlánsstofnun veitir lán.

[Helgi Jónsson (IP-tala skráð) 24.5.2023 kl. 12:56]

Ég tek eftir því að Útvarp sögu liðið nefnir ekki fílin í postulínsbúðinni þ.e krónan.

[Jóhann Elíasson, 24.5.2023 kl. 12:59]

Guðmundur, þér virðist vera frekar illa við að lesa það sem þú ert ekki alveg sammála.  Þetta svar um peningamagn í umferð sem þú vísar í, er ekkert eitthvað heilagt plagg eins og þú virðist halda.  Það sem þú getur verið óheyrilega mikill "FERKANTAÐUR LEÐURHAUS" er alveg með ólíkindum.  Peningamagn í umferð er ekki stóra vandamálið hér á landi frekar en annars staðar, VANDAMÁLIÐ ER EFNAHAGSSTJÓRNUNIN já peningamagn í umferð er hluti efnahagsstjórnunarinnar en að lítill hluti og alls ekki sá hluti sem skitir sköpum.Þú ert að reyna að gera þig gildandi í umræðum sem þú virðist hafa mjög takmarkaða þekkingu á......

[Jóhann Elíasson, 24.5.2023 kl. 13:08]

Helgi, krónan hefur EKKERT eð verðbólguna að gera heldur efnahagsstjórnunin. Krónan og evran eru bara gjaldmiðlar og hafa ekki sjálfstæða hugsun en þessir gjaldmiðlar eru lagaðir að hagkerfi vissra þjóða en þeir gera ekkert einir og sér það eru eingöngu þið LANDRÁÐAFYLKINGARMENN og VIÐREISNARLIÐIÐ sem reynið að halda þessu fram en það er svo furðulegt að þið getið ALDREI nefnt NEIN rök máli ykkar til stuðnings heldur eruð þið allraf með einhverjar upphrópanir.......

[Magnús Sigurðsson, 24.5.2023 kl. 13:12]

Sæll Jóhann, ég held að þú sért að hitta naglann á höfuðið þegar þú nefnir bindiskylduna sem stjórntæki Seðlabankans. 

Annars held ég að þetta snúist í sjálfu sér ekki svo mikið um verðbólgu.

Þessar hundkúnstir eru til þess eins ætlaðar að slá ryki í augu fólks þegar hrein fjárplógsstarsemi er í gangi.

Þetta vaxtastig mun leiða til eignaupptöku á heimilum, og í því er þetta lið vel sjóað.

[Jóhann Elíasson, 24.5.2023 kl. 13:21]

Magnús, að mörgu leyti er ég sammála þér. Í flestum öðrum  löndum er STÝRIVAXTASTIGIÐ um 50% af VERÐBÓLGUSTIGINU en á Íslandi er þetta hlutfall MUN HÆRRA, HVER SKYLDI VERA ÁSTÆÐAN FYRIR ÞVÍ???????

[Sigurður I B Guðmundsson, 24.5.2023 kl. 16:30]

Hef verið og er á móti inngöngu í ESB en þessi óstjórn hlýtur að vera vatn á Myllu þeirra sem vilja ganga þar inn. 

[Jóhann Elíasson, 24.5.2023 kl. 16:45]

INNLIMUNARSINNARNIR nota ALLT sem getur hugsanlega nýst þeim Sigurður....... 

[Tómas Ibsen Halldórsson, 24.5.2023 kl. 19:19]

Hér um daginn voru á landi okkar staddir "sérfræðingar" á vegum Alþjóða gjaldeyrissjóðsins" AGS. Þeir létu hafa það eftir sér að hér þyrfti enn að hækka vexti verulega. AGS er með puttana í seðlabönkum víða um heim og virðast stjórnvöld fara eftir þeirra ráðleggingum. Ég tel að yfirþyrmandi eyðsla ríkisins eins og í kolefnisgjöld sem engin veit í hvers vasa lenda, stríðsrekstur í austur Evrópu, fund sem átti að koma Kötu Kobba og Dísu Gylfa á háan stall en kostaði okkur skattgreiðendur óheyrilegar upphæðir, nú svo og mörg önnur útgjöld sem ekki skila neinu nema hækkandi skattgreiðslum okkar og börnum okkar í framtíðinni.

Annars verð ég nú að taka undir með Guðmundi að með því að færa lántökur yfir í lífeyrissjóðina, sem bjóða hagkvæmari vaxtakjör fyrir lántakendur en bankarnir gera, þá má benda á það að lífeyrissjóðirnir eiga mikið fé sem notað hefur verið til að kaupa allskonar hlutabréf hér á landi og víða um heim. Þessum fjármunum sem eru í eigu lífeyrisþega ætti í auknum mæli að nýtast þeim sjálfum í fjárfestingarskini þar sem kjörin eru betri en bankarnir bjóða uppá en eru þó þannig að viðhalda og auka eigur sjóðanna lífeyrisþegum til hagsbóta í framtíðinni.

[Guðmundur Ásgeirsson, 24.5.2023 kl. 19:44]

Ofaukning peningamagns í umferð er ávísun á verðbólgu. Þetta vita allir sem þekkja sögu Weimar lýðveldisins í Þýskalandi 1921-1923. Það er ekki mín hugdetta heldur söguleg staðreynd.

Frá því að verðbólga hér landi rauf efri vikmörk verðbólgumarkmiðs fyrir rúmum tveimur árum hefur peningamagn í umferð aukist um fjórðung. Nú erum við að upplifa afleiðingarnar.

Besta leiðin til að draga úr verðbólgu er að sleppa því að skapa hana til að byrja með. Einhver leyfði samt fimmtu hverri krónu í umferð að verða til á síðustu tveimur árum.

[Jóhann Elíasson, 24.5.2023 kl. 20:09]

Tómas, "sérfræðingar" AGS,  eru nú ekki alveg með puttana á púlsinum varðandi efnahagsstjórn hér á landi sem kom heldur betur í ljós eftir HRUNIÐ 2008, þar kom í ljós að þeir gerðu sér ekki nokkra grein fyrir verðtryggingunni né höfðu nokkra einustu hugmynd um hvernig hún átti að virka eða hvert hlutverk hennar átti að vera.  Það er ljóst að sólin skín ekki út um ra....... á þessum "sérfræðingum" og ekki verður séð að ráðleggingar þeirra verði til þess að smjör drjúpi hér af hverju strái.   Því miður verð ég að segja þér Tómas að tillaga Guðmundar um að lífeyrissjóðirnir sjái um lánin vegna íbúðakaupanna er afleit, á árunum 1960 - 1980 var sú leið reynd það gekk ágætlega fyrstu árin en þegar fór að líða á var talað um að allt væri betra en að lífeyrissjóðirnir sæju um þetta og svo fór að lokum að aðrar leiðir voru farnar.  Þó svo að lífeyrissjóðirnir séu eign almennings er það síður en svo almenningur sem stjórnar þeim.......

[Jóhann Elíasson, 24.5.2023 kl. 20:22]

Guðmundur, það er alveg merkilegur andskoti hvað þú virðist sjá þér skylt að koma með hverja vitleysuna á fætur annarri og halda fram eins og einhverjum "heilögum" sannleik.  Verðbólgan í Weimar lýðveldinu 1921-1923, var alls ekki vegna aukins peningamagns í umferð heldur var þar á ferðinni svokölluð EFTIRSPURNARVERÐBÓLGA, SEM SKAPAÐIST VEGNA VÖRUSKORTS.  Það er nokkuð ljóst að þú veist ekki nokkurn skapaðan hlut um hagfræðileg málefni og ráðlegg ég þér að lesa þér til um þau mál áður en þú gerir tilraun til að tjá þig um þau.......

[Guðmundur Ásgeirsson, 24.5.2023 kl. 20:39]

Jóhann. Ert þú þá handhafi sannleikans að þínu mati?

[Jóhann Elíasson, 24.5.2023 kl. 20:48]

Hvað varðar efnahagsmál er ekki nokkur vafi á því að ég stend þér mun framar en hvort ég sé handhafi sannleikans er ég ekki alveg viss um.....

[Guðmundur Ásgeirsson, 24.5.2023 kl. 23:43]

Hvað leggur þú þá til að verði gert til að koma böndum á verðbólgu og vaxtastig Jóhann?

[Jóhann Elíasson, 25.5.2023 kl. 07:09]

Fyrst og fremst á að koma böndum á útgjaldaaukningu hins opinbera, nýta betur þær tekjur sem ríkið gæti haft með því að gera umbætur á til dæmis virðisaukaskattskerfinu með því að einfalda það og gera það "effektífara", gera hælisleitendakerfið mun einfaldara og um leið mannlegt, nýta betur þær auðlyndir sem við höfum til ráðstöfunar, segja upp EES samningnum og Schengen samningunum, taka húsnæðisliðinn út ú neysluvísitölunni (reyndar er neysluvísitalan án húsnæðisliðsins til staðar nú þegar en sú vísitala er EKKI notuð í dag ástæðuna fyrir því hreinlega veit ég ekki).  Margt fleira er hægt að gera og yrði of langt mál að telja það upp hér en það sem ég hef talið upp hér er aðeins sýnishorn af því sem hægt er að gera og ljóst að tækifærin eru mörg, það er bara að nýta þau og hafa viljann........

[Sigurður I B Guðmundsson, 25.5.2023 kl. 09:52]

Hver af "fjórflokknum" heldur þú að taki undir þessar hugmyndir þínar? 

[Jóhann Elíasson, 25.5.2023 kl. 10:00]

ENGINN Sigurður, það er heila málið en það er ekki hægt að segja að ég sé ekki með neinar hugmyndir að lausnum......  

[Sigurður I B Guðmundsson, 25.5.2023 kl. 10:24]

Vonandi mun annað hvort flokkur fólksins eða miðflokkurinn eða báðir taka þessar tillögur alvarlega. 

[Jóhann Elíasson, 25.5.2023 kl. 10:32]

Ég hef sent marga "pósta" á bæði Sigmund Davíð og Ingu Sæland í gegnum tíðina og aldrei fengið nein svör, ég hef enga trú á að þetta fólk geri nokkurn skapaðan hlut frekar en aðrir....

[Sigurður I B Guðmundsson, 25.5.2023 kl. 11:00]

Þú hefur þá reynt þitt besta. Þetta verður þá líka vatn á myllu þeirra sem vilja ganga í ESB. Kannski er það seinasta vonin um breytingar á þessu sérhagsmuna landi!!

[Jóhann Elíasson, 25.5.2023 kl. 11:26]

Já Sigurður, ekki getum við sagt að útlitið framunda sé bjart...........

[Örn Gunnlaugsson, 25.5.2023 kl. 18:49]

Ég vil leggja niður krónuna. Í staðinn borgum við bara hver öðrum í viðskiptum með hálfum eða heilum kjúklingi eða rollum (lifandi eða dauðum), eða bara brennivínsflösku sem er verðtryggð að fullu. Ef ég lána heiðarlegri fyllibyttu eina brennivínsflösku mun sama heiðarlega fyllibyttan skila mér flöskunni fullri til baka. Vinstri snillingarnir sem finnast að samborgararar þeirra eiga að borga allt fyrir þá myndu samt bara skila flöskunni þegar búið væri að drekka niður fyrir háls eða jafnvel nánast klára hana. Svoleiðis byttur eru mér nú ekki að skapi. Verst er þó að þeir sem drekka megnið úr flöskunni eru viðskiptabankarnir enda eru þeir allir veruleikafirrtir. Ég held þó að Ásgeir sé nokkuð edrú þegar hann tekur svona afdrifaríkar ákvarðanir enda gerir hann það örugglega í góðri trú um að hægt sé að temja landann. Þá trú tel ég hins vegar byggða á óraunhæfri bjartsýni.

[Guðmundur Ásgeirsson, 25.5.2023 kl. 20:17]

Jóhann. Takk fyrir tillögurnar, ég er sammála mörgum þeirra, en sumum ekki alveg eins og gengur og gerist. Það er bara mín skoðun sem ég má vonandi hafa í friði.

Sigurður. Báðir flokkarnir sem þú nefnir eru í stjórnarandstöðu og geta þess vegna ekki breytt neinu án samþykkis stjórnarmeirihlutans. Að því sögðu hefur Flokkur fólksins lagt fram margar góðar tillögur í þessu skyni, en því miður hefur meirihlutinn ekki veitt þeim brautargengi. Hvað hinn flokkinn sem þú nefndir varðar, hefur ekkert slíkt komið frá honum á þessu þingi.

Örn. Að leggja niður krónuna er engin lausn nema því fylgi a.m.k. hvað eigi þá að taka við. Vandamál peningamálastjórnunar á Íslandi er ekki krónan heldur offramleiðsla á henni. Þar myndi ég leggja til að taka í staðinn upp sem lögeyri stöðugasta gjaldmiðil á yfirborði jarðar: hina verðtryggðu íslensku krónu, sem þyrfti þá eðli máls samkvæmt að vera bannað að offramleiða.

Hér er ágæt skýring á því hvernig offramleiðslan á krónum í umferð hefur átt sér stað og áhrifum þess: Markaðs­sókn banka á í­búða­markaði kynti undir verð­bólgu - Innherji

"Tilfærsla nýrra íbúðalána frá lífeyrissjóðum til banka, sem átti sér stað eftir að vextir voru lækkaðir verulega í upphafi heimsfaraldursins, hafði þau áhrif að peningamagn í umferð jókst og þar með verðbólguþrýstingur. Ólíkt útlánum lífeyrissjóða eru bankalán þess eðlis að nýtt fjármagn verður til við veitingu þeirra."

[Örn Gunnlaugsson (IP-tala skráð) 26.5.2023 kl. 10:16]

Guðmundur, þess vegna vil ég leggja krónuna niður og nota kjúklinga, rollur og brennivínsflöskur til greiðslu fyrir viðskiptin. Það eru hlutir sem halda verðgildi sínu innbyrðis. Það er alveg morgunljóst að offramleiðsla á gjaldmiðli leiðir bara til rýrnunar hans og það kallast verðbólga í daglegu tali. En landinn vill halda partý alla daga og helst ekki láta renna af sér jafnvel þó hann hafi ekki efni á því. Svo væla allir yfir því hvað þeir hafa það skítt þó flestir hafi það bara nokkuð gott.

[Guðmundur Ásgeirsson, 26.5.2023 kl. 20:12]

Örn. Þetta er (að meðaltali) það sama og ég á við með því að innleiða verðtryggða krónu sem lögeyri.