STRANDVEIÐAR ERU "LÍFLÍNA" FYRIR BYGGÐ Á LANDSBYGGÐINNI...........

En að sjálfsögðu gerir Matvælaráðherra sér ekki nokkra grein fyrir þessu frekar en öðru.  Og ef hún ætlar sér að gera eitthvað þá er hún ekki að  láta LAGABÓKSTAFINN EITTHVAÐ VERA AÐ ÞVÆLAST FYRIR SÉR (hvalamálið er besta vitnið um það og svo var hún DÆMD fyrir lagabrot þegar hún var Umverfisráðherra).  Reyndar minnir mig að það hafi verið í Ráðherratíð Kristjáns Þórs Júlíussonar, en "landshlutakerfið" í strandveiðunum var lagt af (enda var Kristján fulltrúi stórútgerðarinnar í sjávarútvegsráðuneytinu) og nú ætlar Matvælaráðherra að festa sig í sessi sem fulltrúi stórútgerðarinnar MEÐ ÞVÍ AÐ STÖÐVA STANDVEIÐARNAR.  Kannski heldur hún að með því geti hún bjargað sér út úr "hvalaklúðrinu???? Það koma fréttir alls staðar af landinu að allt sé sneisafullt af fiski en samt er NIÐURSKURÐUR í fiskveiðiráðgjöf HAFRÓ ár eftir ár.  Ég hef nokkuð oft, skrifað hérna á bloggið um hinar "vísindalegu" aðferðir HAFRÓ og hversu marktækar ég tel að þær séu, nú hef ég lesið blaðagreinar eftir skipstjóra sem taka undir með mér og hefur mér fundist að "undiraldan" í þessum efnum sé að þyngjast verulega.  Ég og margir aðrir hafa löngum sett fram þá kröfu að handfæraveiðar smábáta verði gefnar frjálsar og það strax.  Þá koma ráðamenn og aðrir varðhundar kerfisins (síðast Fjármálaráðherra) og segja: „af hverjum á þá að TAKA þann kvóta?“ Svarið er ÞAÐ ÞARF EKKI AÐ TAKA ÞANN KVÓTA AF NEINUM.  Ég hef áður talað um það að „stofnstærðarmælingarnar“ hjá HAFRÓ eru ekki nein MERKILEG VÍSINDI og engin einasta ástæða til að fara að „veiðiráðgjöf“ þeirrar stofnunar upp á kíló. Nýlega ákvað Alþjóða hafrannsóknarráðið að leggja til að AUKA veiðar á kolmunna um 81% á næsta ári og hver er ástæðan? jú það "fannst" eitthvert viðbótar magn.  Er þetta ekki vísbending um að það sé eitthvað að hafrannsóknum víðar en á Íslandi? Veiðigeta þeirra sem stunda handfæraveiðar er mjög sennilega ekki meiri en um það bil 30.000 tonn á ári án þess að nokkrar takmarkanir séu settar þar á (takmarkanir þarf reyndar að setja á fjölda báta stærð þeirra og annað).  En veðráttan og fleira setur á takmarkanir, sem þarf til og punktur og pasta.  Svo þarf að taka af margar takmarkanir sem hafa verið settar á vegna strandveiða til dæmis þetta veiðisvæðakjaftæði, annað hvort eru menn á handfæraveiðum eða ekki það skiptir ekki nokkru máli á hvaða „svæði“ þeir eru.  Að þeir megi ekki veiða nema eitthvað ákveðið magn í hverri veiðiferð er alveg FÁRÁNLEGT, suma daga veiðist vel og svo er ekkert að fá aðra daga, þannig er það bara.  Þá er eitt mál, ÞAÐ AÐ AÐEINS MEGI VERA EINN MAÐUR Á ÞESSUM STRANDVEIÐIBÁTUM ÆTTI HREINLEGA AÐ BANNA, ef eitthvað kemur uppá þar sem einungis er einn maður á bát getur sá maður ENGA BJÖRG SÉR VEITT ef eitthvað alvarlegt gerist, ÞETTA ER EINFALDLEGA ÖRYGGISATRIÐI.

En aftur að frjálsum handfæraveiðum.  Að mínu áliti eru þessar tillögur þingmanna VG lítið annað en "bútasaumur" og ekki annað að sjá en að þær geri lítið annað en að lengja í hengingarólinni. sem hefur verið sett um háls smábátasjómanna. Að koma með tillögu um að smábátasjómenn fái að veiða 8,3% af leyfilegum heildarafla í stað 5,3% (aukning um heil 3%), er að mínu mati bara móðgun við smábátasjómenn.  EINS OG ÉG HEF SAGT ÁÐUR, ÞÁ ÞARF AÐ TAKA HEILDAR FISKVEIÐISTJÓRNUNARKERFIÐ ALVEG Í GEGN OG HÆTTA ÞESSUM EILÍFÐAR "BÚTASAUMI"............ 

 

Ekki frekari heimildir til strandveiða

Athugasemdir

[Magnús Sigurðsson, 10.7.2023 kl. 17:19]

Sennilega er ekki um víða veröld annað eins haftakerfi og eftirlitsiðnaður eins og á Íslandi. Strandveiðar smábáta ættu að vera frjálsar, annað er lögleysa gagnvart búsetu og lifibrauði fólks. Smábátaveiðar hafa aldrei ógnað fiskistofnunum við landið og það er engin hætta á offjölgun smábáta, til þess eru landsmenn of latir.

[Magnús Sigurðsson, 10.7.2023 kl. 17:20]

Góður og þarfur pistill að vanda Jóhann, svo því sé haldið til haga.

[Jóhann Elíasson, 10.7.2023 kl. 18:26]

Og það sem er verst af þessu öllu saman Magnús, ER AÐ ÞEIR SEM UM ÞESSI MÁL FJALLA AFA EKKI "HUNDSVIT" Á ÞVÍ SEM ÞEIR ER AÐ FJALLA UM........