Eru Íslendingasögurnar "Norskur"menningararfur?

Í morgun las ég stórmerkilega frétt í Fréttablaðinu en þar sagði (á forsíðu) " að Norska bókmenntaelítan hefði komist að þeirri niðurstöðu að VÖLUSPÁ og HEIMSKRINGLA SNORRA STURLUSONARséu tvö bestu bókmenntaverk Norðmanna". Handritin eru í fyrsta og öðru sæti á lista yfir 25 rit sem mælt er með að öll norska þjóðin lesi svo hún viti almennilega hver menningararfurinn er (Sjá meiri umfjöllun á www.dagbladet.no/kultur )

Þessi frétt kom mér svosem ekki alveg í opna skjöldu.  Ég bjó í Noregi í rúm tvö ár (vegna náms) þar las ég Íslendingasögurnar á norsku og það sem sló mig sérstaklega var að þar var hvergi minnst á Ísland og sem dæmi má nefna að Hlíðarendi í Fljótshlíð gat alveg verið einhver bær á vesturströnd Noregs.  Við Íslendingar vitum betur en það er ekki nóg það þarf að gera eitthvað í því að kveða þessa vitleysu Norðmanna niður í eitt skipti fyrir öll.  Allir þekkja þrákelkni Norðmanna í sambandi við þjóðerni Leifs Eiríkssonar og fleiri dæmi væri auðvelt að nefna t.d. las ég í Aftenposten, umfjöllun um Eirík Hauksson, en þar er hann "Norsk-Íslenskur".

Kannski eru Norðmenn svo menningarlega fátækir að þeir þurfa að "stela" frá öðrum.  En eitt er víst að ef ekki væri fyrir Konungsbók Eddukvæða vissu Norðmenn ekkert um sögu sína.

Athugasemdir

[Ólafur Ragnarsson, 4.6.2007 kl. 18:36]

Ég tók einusinni dönsku"Oslóferjuna".Og í pakkanum var sight-seeing um Osló.Leiðsögumaðurinn (var að vísu kona)talaði mikið um "víkingana"en bara um norska og sænska víkinga.Ég lenti í stælum við hana og hún lofaði bót og betrun.Hvort það hefur svo skeð veit ég ekki.Kært kvaddur