Hryðjuverkafólkið enn á ferð.

Þessir verktakar á svæðinu eru bara að uppfylla samninga, en það er umhugsunarefni ef farið er út í umdeildar framkvæmdir að verktakar skuli þurfa í tilboðum sínum, að gera ráð fyrir því að "kaffihúsanáttúruverndarsinnar" stöðvi vinnu og vinni skemmdarverk á vélum og tækjum í þeirra eigu.  Nei þetta "lið" ætti bara að halda áfram að vera á einhverju kaffihúsinu í 101 og vera þar halda áfram að lepja sitt "Soyjalatté" ef það stendur í svona löguðu þá kólnar bara "Soyjalattéið" á meðan. 

Mótmæli í Helguvík friðsamleg

Athugasemdir

[Grétar Rögnvarsson, 19.7.2008 kl. 15:10]

Rosalega er ég sammála þér Jói þetta er óþolandi líður sem aldrei hefur gert handtak, og skilur ekki einu sinni að fólk þarf að hafa vinnu.

[Tommi (IP-tala skráð) 19.7.2008 kl. 15:32]

Því miður vaðið þið báðir (Jóhann og Grétar) í villu. Þetta fólk er ekki á kaffihúsum og flest allt er í fullri vinnu og með meiri laun og menntun en ykkur kemur til hugar. Auk þess er það mun eldra en blaðamenn láta í veðri vaka.  En þið eruð því miður ekki þeir einu sem hafa ranghugmyndir um þá sem eru að mótmæla, það virðist ekki vera og hefur ekki verið vinsælt að ganga á móti straumnum.

[Sigrún Jóna (IP-tala skráð) 19.7.2008 kl. 15:44]

Þetta er óþolandi fólk sem þarna er að verki.

Þeim sem eru með góða menntun er skömm að henni og skattpeningunum hefur betur verið varið í þá sem minna mega sín.

Og um aldur þeirra er það að segja, að aldur er enginn mælikvarði á visku eða vit.

Kannski mikla reynslu, en stundum er sú reynsla mannskemmandi.

[Grétar Rögnvarsson, 19.7.2008 kl. 16:54]

Þú segir nokkuð Tommi, það vil nú svo til að ég bý á Eskifirði og var oft vitni af mótmælunum fyrir austan, en hvað um það, ef þetta er hámenntað fólk sem stendur í þessu, þá  veit ég ekki til hvers það er að mennta sig ef það má ekki framkvæma og skapa störf fyrir menntað fólk. Það er bara einfaldlega mín skoðun að fólk sem býr í Reykjavík kemur það bara ekkert við hvort byggt er t.d álver á Reyðarfirði sem skapar störf fyrir fjölda manns og gerir svæðið þægilegra til búsetu. Sorry félagi, veit bara hvernig þetta hefur virkað á okkar samfélag, þetta hefur bara verið til góðs fyrir alla íbúa Fjarðabyggðar meir að segja þá fáu sem voru á móti, þeir fá þá allavega eitthvað fyrir húsin sín ef þeir vilja flytja.

[Sigrún Jóna (IP-tala skráð) 19.7.2008 kl. 17:05]

Og margir Reykvíkingar unnu við virkjunina og byggingu álversins.

Svo uppbygging á Austurlandi, teygði anga sína og velmegun til höfuðborgarsvæðisins.

En annað mál er að ef við í R.vík megum ekki hafa skoðun á því sem gerist í öðrum sveitarfélögum, þá skulu íbúar þeirra, ekki skipta sér af okkar.

Afskiptaleysi virkar í báðar áttir. Er það ekki?

[Grétar Rögnvarsson, 19.7.2008 kl. 17:46]

Sammála þér Sigrún, og margir fluttu á svæðið, jú jú það mega allir hafa skoðanir en við austfirðingar og aðrir landsmenn erum ekki spurðir hvort stækka eigi álver í Straumsvík eða byggja fleiri Kringlur sem skapa atvinnu fyrir fólk á Sv-horninu.

[Sigrún Jóna (IP-tala skráð) 19.7.2008 kl. 19:11]

Hafnfirðinga voru spurðir og svöruðu. Mér kom þetta ekki við.

Kringlur og Smáralindir, þeirra njóta allir Íslendingar! Þar vinna líka utanborgarbúar, sem hafa af einhverjum ástæðum orðið að flytja suður. Sama sem;atvinnuskapandi fyrir alla sem búa á Íslandi

Allavega hitti ég á þeim stöðum fleiri vini og fyrrum nágranna úr Eyjafirðinum, en ég geri oft þegar ég skrepp til þess landshluta.

Og finnst mér gott að hitta þá.

Foreldrar mínir voru af landsbyggðinni. Og flestir sem þá voru að byrja sinn búskap, sóttu til Reykjavíkur, og urðu ekki fyrir aðkasti"innfæddra"

Ég er fædd og uppalin í Reykjavík og fluttist norður.

Þá fyrst varð ég var við landshlutaríg. Hef megnustu skömm á fólki sem finnst lítið til annarra landsmanna komið, en þeirra sem búa við bæjardyrnar hjá þeim.

( Og svo er tekið á móti útlendingum á þessum svæðum, en þola ekki eigin landsmenn ef þeir eru ekki frá réttu landshorni. ) 

[Sigrún Jóna (IP-tala skráð) 19.7.2008 kl. 19:12]

En þessi umræða er komin útfyrir upphaflega efnið

[Jakob Jörunds Jónsson, 19.7.2008 kl. 19:26]

Svo má ekki gleyma því að þökk sé þessum iðnaði, þá hefur ungt fólk á landsbyggðinni möguleika á að koma aftur ''heim'' eftir að það líkur löngu námi fyrir sunnan eða erlendis. Þetta hefur verið ein orsök landsbyggðarflóttans hingað til. Það hafa einfaldlega ekki verið nógu mörg störf fyrir ungt fólk á landsbyggðinni að sækja í að loknu námi.

Þetta er vonandi að breytast núna með auknum iðnaði og þeirri þjónustu honum fylgir. En auðvitað er einhverjum útlendum terroristum alveg skítsama um einhverja íslendinga á landsbyggðinni!

[Grétar Rögnvarsson, 19.7.2008 kl. 20:40]

Sigrún kannski er umræðan komin út fyrir efnið en þú mátt ekki misskilja mig, ég hef enga andúð fólki úr öðrum landshlutum, það sem ég meinti vara að fólkið sem er að berjast gegn atvinnuuppbyggingu  ekki bara á landsbyggðinni heldur líka í Rvk er allt sama fólkið. Í flestum tilfellum veruleikafyrtir einstaklingar sem hafa lítið sem ekkert unnið um ævina.

Jakob þetta er akkúrat rétt sem þú segir ég er búinn að sjá marga koma úr námi að vinna í álverinu fyrir austan, og svo hafa margir uppgjafa sjómenn fengið vinnu þar menn hafa þá allavega möguleika á vinnu og ekki spurt um aldur bara heilsu.

[Árni Gunnarsson, 19.7.2008 kl. 23:58]

"Sagan" er alveg meinhrekkjótt kvikindi. Ég er langt frá sannfærður um að sagan komist að þeirri niðurstöðu eftir 50 ár að eina efnahagsúrræðið fyrir íslensku þjóðina á fyrstu árum 21. aldar hafi verið stöðug úttekt úr orkusjóðum Íslands til endursölu fyrir smánarverð.

Ég er líka langt frá sannfærður um að þessi vanræðaaðgerð í Helguvík stafi af andúð á uppbyggingu atvinnu á Íslandi. Vandræðaaðgerð sagði ég. Vandræðalegra þó að horfa upp á íslensk stjórnvöld örbjarga án aðstoðar erlendra málmbræðslufyrirtækja.

Ég hygg að dómur sögunnar um þetta tímabil komi mörgum þeim á óvart sem nú horfa á atvinnumöguleika íslensku þjóðarinnar með einu auga í miðju enni.

En ósköp er ég hræddur um að þessi handjárnaleikur og kranapríl hafi lítið vægi í þeirri pólitísku deilu um grundvallaratriði sem nú stendur yfir.