Árið 2004 var sagt að kvótakerfið Íslenska væri mannréttindabrot, nú árið 2008 eru menn loksins að ranka við sér, hvað veldur?

  Í nóvember 2004 kom út bókin "Stjórnkerfi fiskveiða í nærmynd" eftir Guðbjörn Jónsson.  Einhverra hluta vegna fór útgáfa þessarar bókar ekki hátt og til að mynda fór þessi útgáfa algjörlega framhjá mér og þó legg ég nokkuð mikið á mig til þess að komast yfir öll rit sem fjalla um sjávarútveg og sjávarútvegsmál hvaða nafni sem það kallast.  Það var bloggvinur minn Hallgrímur Guðmundsson, sem lét mig vita af tilvist þessarar bókar og sagði hann mér að það væri mjög margt í þessari bók sem kæmi verulega á óvart.  Eftir að hafa rætt við Hallgrím fór ég af stað til þess að verða mér úti um bókina, en viti menn hún fannst hvergi ekki einu sinni á bókasöfnumen ég verð að viðurkenna að ég reyndi ekki að fá bókina á Þjóðskjalasafninu svo endirinn varð sá að ég fletti höfundinum upp í símaskránni og hafði samband við hann ég átti við hann afskaplega gott samtal, hann tók málaleitan minni mjög vel og varð úr að hann kom í heimsókn til mín með eintak af bókinni ásamt fleiru sem hann hafði skrifað um mörg málefni sem eru mér ofarlega í huga.  Eftir að hafa talað við manninn, sannaðist enn einu sinni að viska og innsæi ráðist EKKI af prófgráðum eða því hvað menn hafa eitt mörgum árum á skólabekk, því ekki hef ég átt samtal við marga menn sem eru betur að sér um málefni líðandi stundar.  Hér til hægri er mynd af höfundi bókarinnar.  Loksins þegar ég hafði bókina undir höndum var tekið til við lesturinn og ekki var bloggvinur minn hann Hallgrímur neitt að ýkja þegar hann sagði að það væri margt þarna sem kæmi á óvart: Fyrir það fyrsta vantar mikið á að allur sá aragrúi laga sem hefur verið settur í sambandi við kvótakerfið standist stjórnarskrána, strax þarna árið 2004 bendir Guðbjörn Jónsson á að kvótakerfið sé brot á mannréttindum, svona mætti lengi telja en ég ætla ekki að telja upp efni þessarar stórmerkilegu bókar hér í þessu bloggi mínu heldur vil ég hvetja alla sem einhvern áhuga hafa á að kynna sér þessi mál til að hafa samband við Guðbjörn Jónsson og verða sér úti um þessa bók.

Athugasemdir

[Aðalheiður Ámundadóttir, 23.7.2008 kl. 15:21]

Þessa bók rak líka á fjörur mínar fyrir tilviljun, þó ég hafi lengi áður verið að sanka að mér efni um sama mál...

Svo vil ég vekja athygli á því að mannréttindabrot kvótakerfisins voru 'kunngerð' árið 1998 í Valdemarsdómi Hæstaréttar.  

[Jóhann Elíasson, 23.7.2008 kl. 15:30]

Þakka þér fyrir þitt innlegg, ég verð bara að viðurkenna vankunnáttu mína en ég hafði bara ekki skoðað Valdimarsmálið með þessum "gleraugum".  Það sem mér finnst furðulegast er að eitt grundvallaratriði þess að sett lög öðlist gildi, er að lögin stangist ekki á við stjórnarskrána, hvernig í ósköpunum stóð því á því að lögin um stjórn fiskveiða öðluðust gildi?

[Guðbjörn Jónsson, 23.7.2008 kl. 16:02]

Kæri Jóhann!  Þakka þér fyrir að vekja athygli á þessari bók og sérstaklega þau hlýju orð sem þú lætur falla í minn garð. Ég vona að mér auðnist að rísa undir  þessu hóli.

Það var óneitanlega töluvert sjokk, eftir að hafa eytt þremur árum í að lesa allt sem sagt hafði verið og skrifað á Alþingi um fiskveiðistjórnun, frá upphafi til ársins 2003, að endirinn skylda vera sá að engar bókaverslanir treystu sér til að selja bókina. Þær endursendu hana allar.  Hvað þar liggur að baki verður aldrei sannað; enda verður engin tilraun gerð til slíks.

Það var fyrst árið 1987, sem ég benti á, með skýrum rökum, að framkvæmd fiskveiðistjórnunar væri utan lagaheimilda og briti í bága við stjórnarskrá og mannréttindi. Síðan þá hef ég stöðugt andæft framkvæmd fiskveiðistjórnunar og tekist að hrekja stjórnvöld frá ýmsum brotaþáttum. Má þar t. d. nefna lögbrotin við Kvótaþing og breytingar á lögunum um nytjastofna sjávar. Þar fækkaði mannréttindabrotum verulega eftir útkomu bókarinnar. Ævinlega þegar fiskveiðistjórnun er rædd á opnum fundum, hef ég óskað eftir því, við frummælendur eða fylgismenn kvótakerfisins, að þeir létu mér í té afrit af samþykktum Alþingis fyrir þeirri framkvæmd sem viðhöfð væri við stjórnunina.  Enginn hefur enn geta sent mér þessar lagaheimildir; enda eru þær ekki til.

Bestu þakkir og gangi þér allt í haginn.

Kveðja,  G. J. 

[Haraldur Haraldsson, 23.7.2008 kl. 16:09]

Algjörlega sammála þessu Jóhann/,Kveðja Halli gamli

[Hallgrímur Guðmundsson, 24.7.2008 kl. 00:00]

Ég tek undir það að þessi bók ætti að vera skyldulesning. Það væri hreinlega ekki svo galið að koma henni inn í skóla landsins.

[Guðrún María Óskarsdóttir., 24.7.2008 kl. 00:35]

Sæll Jóhann.

Ég hefi lengi fylgst með þvi sem Guðbjörn hefur fram að færa og ég fékk þessa bók að láni hjá félaga mínum í Frjálslynda flokknum á sínum tíma.

kv.gmaria.

[Ólafur Ragnarsson, 25.7.2008 kl. 17:50]

Sammála framanskráðu.Hef ekki séð þessa bók.

[Jóhann Elíasson, 26.7.2008 kl. 12:21]

Ólafur minn, hafir þú ekki lesið umrædda bók hvet ég þig eindregið til þess að verða þér úti um hana, því ég VEIT að þér á eftir að finnast hún MJÖG áhugaverð.  Þú ert mikill fræðimaður í þér, þó ekki væri nema fyrir það, væri bókin áhugaverð fyrir þig.