Hvað veldur að Steingrími er svona umhugað um að við verðum undirlægjur Norðmanna?????

Þeir eru að reyna, hægt og bítandi, að "stela" Íslendingasögunum, þeir eru búnir að átta sig á því að ef Íslendingar hefðu ekki haldið til haga sögunni, þá vissu þeir ekkert um eigin sögu en í stað þess að viðurkenna þessa staðreynd þá hafa þeir með sögufölsunum og yfirgangi EIGNAÐ sér þessar sögur og meira að segja hafa þeir eignað sér landafundina og ganga  svo langt að segja að Íslenskan sé "gammel Norsk", hvað er þá "gammel Dansk"?  Í ÖLLUM milliríkjasamningum, sem Ísland hefur gert við Noreg, hefur hallað á okkur Íslendinga, hvers vegna ætti að verða breyting þar á nú?

Tilbúin í viðræður um samstarf

Athugasemdir

[gisli hjalmarsson (IP-tala skráð) 3.2.2009 kl. 12:01]

flott hjá Steingrími

[Gunnlaugur Ingvarsson (IP-tala skráð) 3.2.2009 kl. 12:49]

Þetta er nú alls ekki maklegt hjá þér um Norðmenn.

Þvert á móti hefur Norska þjóðin sýnt Íslandi og Íslendingum sérstakan heiður og mikinn sóma, við sem Sögueyjan erum í sérstöku uppáhaldi hjá lang stærstum hluta Norsku þjóðarinnar.  Auðvitað erum við og landið okkar stór hluti þeirrar merku sögu, jafnt og Noregur og Norska þjóðin er stór hluti Íslenskrar sögu. Auðvitað köllum við Íslendinga sem flytja til annarra landa Íslendinga í af fyrstu annarri og jafnvel 3 og fjórðu kynslóð. Nákvæmlega eins og Norðmenn gerðu gagnvart landnámsmönnunum sem komu frá Noregi til þessarar óbyggðu norðlægu eyju.

Varðandi það að Norðmenn hafi sýnt okkur óverðskuldaða hörku í samningum er heldur ekki alls kostar rétt. Þvert á móti höfum við þar oftsinnis verið óbilgjarnir og frekir, eins og í Smugu deilunni og jafnvel líka í flökkustofni eins og Norsku síldinni. En í öllum þessum deilum hafa náðst mjög góðir samningar fyrir okkur Íslendinga. Svo góðir að Norskum sjómönnum og útvegsmönnum hefur blöskrað eftirgjöfin gagnvart þessum yfirgangi Íslendinga. 

Sama má segja um samninga okkar við Norðmenn á Dreka svæðinu þar náðum við mjög góðum gagnkvæmum samningum líka, samningum sem e.t.v. verða okkur mjög verðmætir síðar meir.

Einnig má benda á í alþjóða samstarfi svo sem í Norðurlandaráði hjá Nato og hjá Sameinuðu þjóðunum og víðar þar hafa Norðmenn nánast ætíð stutt sjónarmið Íslendinga með ráðum og dáð og sýnt okkur að þeir meta þennan litla bróður sinn af verðleikum.  

Í þeim miklu hremmingum sem við höfum nú gengið í gegnum hafa fáar þjóðir heims sýnt okkur meir samúð og hluttekningu en Norðmenn og Færeyingar. Og meira en það þeir hafa sýnt stuðning sinn í orði og verki. Það var meira en hægt er segja um heimsveldið Bretland og allt Kommizara veldi ESB sem sýndi sko heldur betur sitt skítlega eðli. 

Þessvegna eigum við að taka samstarfi við Noreg fagnandi.

Samstarfi sem auðvitað byggist upp á jafnræði tveggja sjálfstæðra bræðraþjóða, sem bera gagnkvæma virðingu hvor fyrir annarri.  

[Jóhann Elíasson, 3.2.2009 kl. 13:12]

Gunnlaugur, á hvaða lyfjum ert þú eiginlega, hefur þú haft einhver samskipti við Norðmenn eða búið þar?  Hvar varst þú eiginlega þegar Smugudeilan var?  Ég bjó t.d í Noregi og þar "afrekaði" ég það t.d að lesa Íslendingasögurnar á norsku, það sem var athyglisvert við það var, að þar er hvergi nokkur staðar minnst á Ísland t.d getur Hlíðarendi í Fljótshlíð alveg verið bær á vesturströnd Noregs.  Með fullyrðingar þínar um að Norðmenn hafi gefið mikið eftir í sjávarútvegsmálum gagnvart Íslandi svo að sjómönnum hafi blöskrað.  Hvenær blöskrar ekki hagsmunahópum þegar samningar eru gerðir?  Ég veit nú ekki til þess að Íslenskir sjómenn séu mjög ánægðir með það að Norðmenn hafi loðnukvóta á Íslandsmiðum.  Það er nú bara einfaldlega ekki rétt hjá þér að Norðmenn hafi nánast alltafstutt sjónarmið Íslendinga á vettvangi NATO, Saneinuðu Þjóðanna og Norðurlandaráðs, enda nefnir þú engin dæmi máli þínu til stuðnings.

[Karma (IP-tala skráð) 3.2.2009 kl. 13:21]

Þú vilt sem sagt ekki myntsamstarf við Norðmenn vegna þess að þér hugnast ekki þýðing Íslendingasagnanna á norsku?

Góð rök og vel úthugsuð.

[Jóhann Elíasson, 3.2.2009 kl. 13:26]

Voðalega geta nú menn verið málefnalegir í sínum málflutningi, Karma.

[Karma (IP-tala skráð) 3.2.2009 kl. 15:41]

Þessi bloggfærsla þín bíður einfaldlega ekki uppá mjög málefnalega svör.

Þú ert á móti myntbandalagi við ákv. þjóð vegna þýðingu Íslendingasagnanna og milliríkjasamninga, sem þú tekur þó ekki fram hvernig halli á okkur.

Ég get bent þér á það að enginn hefur neytt okkur að skrifa undir neina milliríkjasamninga við Norðmenn þannig ef það hallar á okkur í einhverjum þeirra er það á ábyrgð þeirra íslensku ráðamanna sem skrifuðu undir þá samninga. Þetta var nú allavega málefnalegt.

[Jóhann Elíasson, 3.2.2009 kl. 15:49]

Hefur nokkur talað um það að Íslendingar hafi verið neyddir til þess að gera milliríkjasamninga við Norðmenn?  Talandi um að vera málefnalegur.  Í samningum þurfa upphaflegar kröfur að vera sanngjarnar gagnvart báðum aðilum.

[Karma (IP-tala skráð) 3.2.2009 kl. 16:04]

Nei en þú kvartar yfir að á okkur halli í öllum samningum en virðist ekkert kvektur út í þá sem undirrituðu samninginn.

Ef annar aðili er með ósanngjarnar kröfur þá skrifar hinn ekki bara möglulaust undir, það eru aðrar leiðir til að leysa slík mál.

[Jóhann Elíasson, 3.2.2009 kl. 16:19]

En segja ekki kröfur viðsemjandans eitthvað um hann?

[Karma (IP-tala skráð) 4.2.2009 kl. 10:50]

Jú þær sýna að hann hefur hagsmuni þegna sinna í fyrirrúmi. Þess vegna treysti ég Norðmönnum vel til að halda krónu sinni sterkri og því gott ef við getum troðið okkur í myntbandalag mei þeim.