Tíu þúsund eru tíu þúsund.

Guðjón og Guðrún konan hans bjuggu í Mosfellsbæ, nálægt
flugvellinum þar sem listflugvélar hafa aðsetur og æfa sig.
Oft og mörgu sinnum horfði Guðjón á þessar flugvélar leika
allskonar listir og hann fékk sér oft göngutúr til að skoða
vélarnar.

"Guðrún mín," segir Guðjón við konuna sína. "Mig langar svo
að fara í flugferð með svona listflugvél!"

Guðrún, sem stóð rétt hjá flugmanninum svarar Guðjóni strax
Og segir: "Guðjón, veistu að flugið kostar tíu þúsund og tíu
þúsund eru tíu þúsund."

Svona gekk þetta hvað eftir annað og alltaf mátti Guðjón,
karlanginn heyra í viðurvist flugmannsins sem stóð og gerði
vélina sína klára fyrir æfingaflug, skammyrði frá Guðrúnu
konunni sinni að flugið kosti tíu þúsund og að tíu þúsund
séu tíu þúsund krónur!

Einn sólríkan dag komu þau hjónin að flugmanninum og aftur
segir Guðjón við Guðrúnu sína: "Guðrún mín, mig langar svo
að fara í flugferð með svona listflugvél. Ég er orðin
háaldraður og ef ég fæ ekki að fara núna mun ég aldrei fá
að upplifa það að fara í svona vél!"

Guðrún er söm við sig og svarar á sama hátt og alltaf:
"Guðjón, veistu að flugið kostar tíu þúsund og tíu þúsund
eru tíu þúsund."

En þá vippar flugmaðurinn sér að þeim og segir: "Heyrið nú
kæru hjón. Ég skal fljúga með ykkur bæði en það er aðeins
með einu skilyrði og það er að þið megið ekkert segja á
meðan á fluginu stendur-engin öskur eða neitt!"

"Ef þið segið eitthvað á meðan við erum í loftinu þá verðið
þið að borga mér tíu þúsund krónur."

Þau hjónin tóku þessu boði strax og voru viss að þau gætu
haldið þetta út.

Flugmaðurinn flaug með þau í allskonar hringi, tók dýfur,
steypti vélinni niður, drap á henni og gerði allt til að
hræða þau hjónin og fá þau til að segja eitthvað svo að
hann myndi vinna sér inn tíu þúsund krónur. Flugmaðurinn
lenti svo vélinni og sagði: "Ja hérna hér... ég reyndi að
gera allt sem ég mögulega gat en það kom ekki eitt hljóð
frá ykkur og þetta er alveg magnað."
Þá segir Guðjón sem sat rólegur og sæll yfir fluginu:
"Ja...ég ætlaði að fara segja eitthvað við þið þegar Guðrún
datt út úr vélinni er þú hvolfdir henni, en tíu þúsund er
tíu þúsund!"

Eru kosningar til Alþingis framundan???

Miðað við stefnuræðu Forsætisráðherra, gæti manni dottið það í hug,  þar var lítið bitastætt nema það að honum var tíðrætt um mikil verkefni sem væru framundan.  Það eina sem hann sagði, sem ekki var kosningalykt af, var að nú væri "þenslan" á undanhaldi en hann skaut þessa "ekki kosningabombu" niður með því að segja að með góðri afkomu ríkissjóðs skapaðist svigrúm til skattalækkana.  Er manninum ekki sjálfrátt?  Hvernig er með heilbrigðiskerfið, félagsmálakerfið og samneysluna í heild sinni?  Hefur ekki skapast svigrúm til að gera þessa málaflokka þokkalega?  Um skattalækkanir er tómt mál að tala um án þess að til komi JAFNMIKILL SAMDRÁTTUR Í ÚTGJÖLDUM HINS OPINBERA Á MÓTI og ríkisstjórnin virðist ekki vera fær um að draga saman þensluna í rekstri ríkisins.

Traust afkoma ríkissjóðs forsenda fyrir frekari skattalækkunum

Fjárlagafrumvarpið á að vera raunhæft...

....en ekki einhver “fimmaurabrandari”, sem er því miður raunin með það frumvarp sem var kynnt fyrir alþjóð í gær.  Það lítur náttúrulega mjög vel út , við fyrstu sýn að fjárlagafrumvarpið sé kynnt með 30,8 milljarða króna afgangi (hefði fjárlagafrumvarpið verið gert upp í evrum væri útkoman ekki eins flott, kannski er þarna komin ein ástæðan fyrir því að Sjálfstæðisflokkurinn vill ekki ræða upptöku evru?), en ef frumvarpið er skoðað nánar, dofnar nú “glansinn” nokkuð mikið.Fjármálaráðherra, sem er menntaður dýralæknir (kannski er þar komin skýringin á misheppnaðri efnahagsstjórn landsins).  Í sumar var HÍ að bjóða upp á ókeypis námskeið, þar sem farið var yfir grundvallaratriði hagfræðinnar, eftir að hafa farið yfir þetta fjárlagafrumvarp, er ég á því að Fjármálaráðherra hefði nú haft mjög gott af því að fara á slíkt námskeið.Nú skulum við stikla á stóru varðandi fjárlagafrumvarpið, en ég tek það fram að ég vitna ekki beint í það heldur tíni ég fram nokkur atriði, sem mér finnst þurfa athugunar við. 

• Hagvöxtur er áætlaður 1,2% á næsta fjárlagaári, minnkar á milli ára.  En við verðum að gera okkur grein fyrir því að hagvaxtaraukningin síðustu ár hefur verið gríðarleg og eiga þar framkvæmdirnar austur á landi þar stærstan þátt en svo er annað sem fjármálaráðherra hefur ekki viljað ræða, hluti af hagvexti undanfarinna ára er borinn uppi af aukinni einkaneyslu, sem aftur er fjármögnuð með auknum lántökum heimilanna, þannig að ríkissjóður er rekinn með hagnaði (tekjuafgangi) en heimilin greiða í raun fyrir hagvöxtinn í formi aukinna skulda.  Stundum fær maður það á tilfinninguna að Fjármálaráðherra, geri sér ekki grein fyrir því að hann er að sjá um rekstur Íslands ekki bara ríkissjóðs. 
• Gert er ráð fyrir AUKNINGU í rekstri ríkisins, það er náttúrulega algjörlega óásættanlegt að ríkisútgjöld skuli aukast óheft á þenslutímum.  Hinar margfrægu “mótvægisaðgerðir” ríkisstjórnarinnar, eru settar inn sem ein heildartala, en það er ekki gert ráð fyrir neinum  aðgerðum til þess að jafna þessa innsprautun fjármagns inn í hagkerfið, þetta kallar á verbólgu og til þess að reyna að slá á verðbólgu, getur Seðlabankinn ekkert annað gert en að HÆKKA stýrivextina, sem eru nú ansi háir í dag (stýrivextir á Íslandi eru þeir hæstu innan OECD og þótt víðar væri leitað).  Vaxtaokrið er að ganga af útflutningsgreinunum dauðum.  Hver var að tala um styrka efnahagsstjórn?
• Það er ekki gert ráð fyrir neinni raunaukningu í kostnaði til heilbrigðismála, semsagt engin launahækkun til starfsfólks sem er í umönnunarstörfum og áframhaldandi lokun deilda og mannekkla á LSH sem er þó nóg fyrir.  Aukning til menntamála er óveruleg, þetta þýðir á mannamáli að menntamálin verða ekki til fyrirmyndar, svo til öll hækkunin sem er undir liðnum “menntamál” fer í rekstur Menntamálaráðuneytisins.  Eiginlega má segja að sú aukning sem er kynnt til sögunnar í þessu fjárlagafrumvarpi sé hinar svokölluðu “mótvægisaðgerðir” ríkisstjórnarinnar.
• Sparnaður og aðhald eru með öllu óþekkt hugtök í þessu frumvarpi.

 Fjármálaráðherra tilkynnti það stoltur , að í þessu fjárlagafrumvarpi kvæði við nýjan tón, það ætti að taka upp meiri aga í fjárlagagerðinni (en þessar ráðstafanir eiga ekki að taka gildi fyrr en árið 2009) það á að vanda fjárlagagerðina betur, af hendi hinna ýmsu stofnana á vegum ríkisins og stofnunum á ekki að líðast að fara ekki eftir fjárlögum (engar framúrkeyrslur takk fyrir).  En væri ekki ráð að fjármálaráðherra riði á vaðið með því að kynna fjárlagafrumvarp sem væri þokkalega raunhæft, ekki er hægt að ætlast til að forráðamenn ríkisstofnana leggi fram raunhæfa kostnaðaráætlun þegar Fjármálaráðherra leggur fram fjárlagafrumvarp, sem er ekki pappírsins virði, sem það er prentað á.  Því eins og einhvers staðar er sagt: Eftir höfðinu dansa limirnir.

Fjárlagafrumvarpið gerir ráð fyrir 30,8 milljarða tekjuafgangi 2008