Framkvæmdir !!!!!

Vegirnir skemmast yfir vetratímann, á sumrin er svo "gert við" skemmdirnar og svo er auðvitað sumarið notað til þess að gera ýmsar breytingar á vegunum, sumt er til bóta og annað ekki eins og gengur og gerist.  En niðurstaða alls þessa er að hér á landi eru vegirnir svo til óökufærir allan ársins hring.

Umferðartafir á Hafnarfjarðarvegi

Spánverjar Evrópumeistarar í fótbolta!

Og að sjálfsögðu var það LIVERPOOL- maðurinn Torres sem reddaði þessu fyrir Spánverjana.

Spánn Evrópumeistari

Þetta er góður vettvangur fyrir DÓPDROTTNINGUNA til að syngja sitt síðasta!

Því miðað við lifnaðinn hjá þessari manneskju getur ekki verið að það sé langt eftir.  Ekki hefur hún verið mikið í fjölmiðlum vegna sönghæfileikanna, sem vissulega eru miklir, heldur vegna þess að hún hefur verið á kafi í dópi og áfengisdrykkju og vegna þess hefur hún átt í erfiðleikum með að klára tónleika skammlaust og oftar en ekki hefur hún aflýst þeim.

Winehouse syngur fyrir Mandela

Föstudagsgrín

Björn bóndi varð fyrir því óláni að hlaða, full af heyi, brann til kaldra kola.  Björn taldi sig “vel” tryggðan en hann var með hlöðuna tryggða upp á 25 milljónir.  Hann hringdi í tryggingafulltrúann sinn og sagði honum hvað gerst hafði og tjáði honum jafnframt að hann ætlaði að leysa út tryggingafjárhæðina 25 milljónir og hefja byggingu nýrrar hlöðu.“Þannig virka tryggingarnar ekki” sagði þá tryggingafulltrúinn.Björn bóndi var nú ekki alveg sáttur við þetta og sagði:”En ég var með hlöðuna tryggða fyrir 25 milljónir!”Þá svaraði tryggingafulltrúinn: “Jú, það er alveg rétt, en það var hámarkstryggingin, það verður að koma maður frá okkur og meta það hvers virði hlaðan í rauninni var og svo verða greiddar bætur samkvæmt því mati.”Það varð löng þögn í símanum áður en Björn bóndi sagði: “Nú er það svoleiðis sem tryggingarnar virka? Þá ætla ég að segja líftryggingu konunnar upp strax”

Þeir gera það ekki endasleppt íslenskusnillingarnir á mbl.is

Hvað þýðir eiginlega að vera FRÁSTUR?  Ég er bara alveg að tapa mér yfir öllum þessum nýju orðum sem tröllríða fréttunum á mbl.is þess dagana.

Hamilton frástur á lokadegi

Rosalega flottur leikur hjá stelpunum!

Karlaliðið ætti að mæta á æfingu hjá þeim til þess að læra.  Stelpurnar hafa nú sýnt það að þær eiga fullt erindi á EM.

Yfirburðasigur á Grikkjum, 7:0

Stórkostlegt framtak - Tökum þátt!!

Þetta framtak minnir okkur á að ekki hafa allir í þjóðfélaginu það gott og því miður er samhjálpin í þjóðfélaginu ekki nægilega sterk til að við getum náð utan um alla þá einstaklinga sem þurfa á hjálp að halda.  Vonandi léttir þetta framtak mörgum lífið og vil ég nota tækifærið til að hvetja alla, sem telja sig geta, til að láta eitthvað af hendi rakna til þessa verkefnis.

Kraftur í kringum Ísland á Húsavík

Getur verið að hvalskoðunin sé óafvitandi að fæla hvalina lengra frá landi?

Samkvæmt þessari grein eru nokkuð miklar líkur á því að þetta sé einmitt að gerast.  Það er búið að gagnrýna hvalaskoðunina þar sem sýnt er fram á að fjárhagslegur ávinningur sé mun minni en forráðamenn þeirra vilja vera láta og svo kemur þetta. Hvað næst?

Hvalaskoðun gagnrýnd í Chile

Hvar er landgrunnurinn???

Kannski "Íslenskusnillingarnir" á mbl.is geti frætt mig um það ég finn "landgrunninn" ekki á neinum sjókortum eða neinu öðru.

Minna um hrefnu á landgrunninu

Íslenskuséní sem skrifa fréttirnar á mbl.is

Þeir lömdu manninn til meðvitundarleysis, þann þátt í fréttinni skil ég mjög vel, en það að þeir hentu honum á ELDSVOÐA sem brennur til minningar um Sovéska hermenn, sem féllu í síðari heimsstryjöldinni.  Það virðist nú ekki veita af að vissir blaðamenn fari á Íslenskunámskeið það er lágmark að menn geti nú komið einni frétt frá sér skammlaust.

Unglingspiltar dæmdir fyrir manndráp