NOKKURN VEGINN EFTIR "BÓKINNI"..................................

Nema hvað nýliðinn Hulkenberg gerði mönnum "skráveifu".  Það var vitað fyrir keppnina að hann var ekki með bíl í höndunum til að gera miklar  "rósir" enda fór það svo að Vettel fór fram úr honum í fyrstu beygju og Webber skömm síðar en aftur á móti reyndist hann Alonso erfiður og hélt honum fyrir aftan sig í nokkra hringi, sem gerði svo til alveg úti um vonir Alonso um að vinna þessa keppni.  En þá var komið að Hamilton "að virða fyrir sér afturhluta" bíls Hulkenbergs, það fékk hann að gera í tæpa 11 hringi og oft var aðdáunarvert að sjá hvernig "nýliðinn" varðist tilraunum "meistarans" til að komast framúr, annars má segja að svolítið hafi fjarað undan Hulkenberg sem að lokum hafnaði í áttunda sæti en samt sem áður held ég að hann geti nú verið ánægður með það því vissulega setur geta bílsins honum skorður.  Massa lenti í hverju klúðrinu á fætur öðru enda var árangur hans í keppninni eftir því.  Og ekki var þetta dagur Barichellos, annars er það alveg merkilegt hvað honum hefur yfirleitt gengið illa á þessari braut.

Vettel sigrar og Red Bull er heimsmeistari bílsmiða

HVERNIG KEMST HANN AÐ ÞESSARI NIÐURSTÖÐU????????

Margt hefur maður lesið og margir sjálfskipaðir "spekingar" komið fram og farið að tjá sig um hina og þessa atburði og afleiðingar þeirra en þessi ummæli eru eitthvað það mesta út úr kortinu sem ég hef nokkru sinni vitað.  Þó ég hafi nú aldrei verið mikill aðdáandi Alonso, verður ekki tekið af honum að hann er fantagóður ökumaður og ef hann vinnur titilinn er það vegna þess að hann er mjög vel að því kominn og ég get ekki með nokkru móti séð að það hefði neinar slæmar afleiðingar fyrir formúluna.  Kannski Max Mosley ætti bara að halda sig við "kynsvallið" og sleppa því að vera að tjá sig um formúluna, sem hann varð að yfirgefa með skömm, kannski að þessi ummæli eigi rætur að rekja til þess?????

Mosley: Gengisfall vinni Alonso titilinn

EKKI VAR ÞESSI KEPPNI MIKIÐ FYRIR AUGAÐ...................

Ég verð nú að segja að maður hefði kannski betur sleppt því að rífa sig upp til að horfa á beina útsendingu af Kóreukappakstrinum.  Ekki byrjaði það vel, keppninni var frestað um 10 mínútur vegna skilyrðanna það hellirigndi og brautin var þannig byggð að henni gekk ekkert of vel að losa sig við bleytuna sem safnaðist fyrir.  Loksins þegar keppnin byrjaði, byrjaði kappaksturinn aftan við öryggisbílinn, sem þýddi að ekki var um RAUNVERULEGA ræsingu að ræða.  Þeir náðu að lulla á eftir öryggisbílnum í fjóra hringi en þá var keppninni frestað aftur og nú í 20 mínútur.  Þá hófst keppnin aftur og aftur hófst hún fyrir aftan öryggisbílinn.  Aðstæður fóru ört batnandi og eftir ca. 15 hringi fór öryggisbíllinn inn og keppnin gat raunverulega hafist  Mikið var um afföll í keppninni og er það til marks um það hve aksturskilyrðin voru erfið.  Snemma í keppninni urðu Webber á slæm akstursmistök, sem urðu til þess að hann snerist á brautinni og Rosberg átti ekki möguleika á því að forða árekstri.  Þetta varð til þess að bæði Webber og Rosberg féllu úr keppni.  Button gerði mistök í dekkjaskiptum og tók einhver "ballettspor" á brautinni, slæmur dagur hjá honum.  Vettel var lengst af í forystu en þegar FIMM hringir voru eftir gaf vélin sig, þetta fullkomnaði alveg daginn fyrir Red Bull (engin stig í Kóreu á þeim bæ).  Þannig að Alonso kom í mark í fyrsta sæti, Hamilton í öðru, Massa í því þriðja og Schumacher í því fjórða sem er besti árangur hans til þessa á tímabilinu.

Skemmtilegt að lesa svona fréttir...............

Svona yfirlýsingar bera vott um jákvæðni og að menn séu í þessu af áhuga, góður árangur skemmir ekki fyrir.  Þessi keppni var alveg óhemju erfið og reyndi mikið bæði á ökumenn og bíla, því er það afrek,útaf fyrir sig, að komast í mark.  Vonandi eigum við eftir að sjá meira af honum og þegar liðið hefur náð tökum á íþróttinni má kannski búast við honum nær toppnum en verið hefur.

Síðastur en samt með sitt besta

FREKAR ÞÓTTI MÉR NÚ KEPPNIN LITLAUS..................

En þó voru einstaka atburðir til þess að lífga upp á hana.  Fyrst ber þó að nefna ræsinguna, en það verður ekki af Button tekið að "startið" hjá honum var alveg frábært og það að ná fyrsta sætinu  af Alonso, sem er þekktur fyrir það að vera snöggur í ræsingunni, eru engir aukvisar sem gera og það sem meira er að fastlega má gera ráð fyrir því að Alonso og Massa hafi verið búnir að ráðgera einhvers konar samvinnu fyrir mótið.  "Snertingin" hjá Hamilton og Massa rétt eftir startið var alveg skelfileg og ég hélt ekki að maður með þá reynslu sem Hamilton hefur gerði ekki svona mistök og þetta axarskaft gæti reynst honum dýrkeypt þegar upp verður staðið.  fátt spennandi gerðist í fyrri hluta kappakstursins, Alonso fylgdi Button eins og skugginn og Massa var ekki langt undan.  Það var ekki fyrr en Button tók sitt "dekkjahlé" (flestir kalla þetta þjónustuhlé en ég veit ekki til að nokkuð sé gert nema skipta um dekk) að Alonso tók einn hring í viðbót og keyrði þá eins og "sá ljóti sjálfur" væri á eftir honum og strax eftir það tók hann sitt "dekkjahlé".  Það var ekki fyrr en Alonso kom út úr sínu "dekkjahléi", rétt fyrir framan Button, að við fengum að sjá smá stöðuslag en það var greinilegt að Alonso var töluvert hraðari og stakk hann af og bilið í Button var "þægilegt" það sem eftir lifði keppni.  "dekkjahléið" hjá Vettel, sem hann tók fyrir síðasta hring, var svo það síðasta sem hleypti einhverju "lífi" í þessa keppni en annars hefði maður nú ekki misst af miklu ef eitthvað annað hefði verið gert en að horfa á þetta, mér er sagt að "Silfrið" hafi verið ágætt.

Alonso: Stöðugleiki lykillinn að titlinum

James Clark (4.03.1936 – 7.04.1968)

 

James „Jim" (eða „Jimmy") Clark, Jr.  Er einhver virtasti formúlu 1 ökumaðurinn sem uppi hefur verið þó svo að á sínum stutta ferli sem formúlu1 ökumaður (1960 -1968) hampaði hann „einungis" tveimur heimsmeistaratitlum sem formúlu1 ökumaður en það var árin 1963 og 1965. Á árunum 1960 -1968 tók hann þátt í 73 mótum, hann vann 25 þeirra, var 32 sinnum á verðlaunapalli, hann var 33 sinnum á ráspól og átti 28 sinnum hraðasta hring.  Allan þann tíma sem hann var í formúlu1 ók hann aðeins fyrir eitt lið en það var Lotus á þessum árum var Lotus algjört yfirburðalið í formúlunni.  Margt ótrúlega flott gerði hann á sínum ferli en flestir eru á því að sigurinn á Spa árið 1963 standi upp úr og sú frammistaða verði „ALDREI" toppuð.  Aðstæður voru þannig á brautinni að það var svarta þoka og rigning.  Clark hóf keppni í áttunda sæti á ráslínu, Clark fór framúr hverjum á fætur öðrum og ca á 17 hring hafði hann „hringað" alla nema þann sem var í öðru sæti, Bruce McLaren á Cooper, en þegar upp var staðið varð hann um FIMM MÍNÚTUM á undan honum yfir marklínuna.  Á Monza 1967 var hann í forystu þegar sprakk hjá honum, hann komst inn á þjónustusvæðið og fékk nýtt dekk, en á því tapaði hann einum hring og kom aftur inn í keppnina í 16 sæti.  Honum tókst með alveg ótrúlegum akstri að ná forystunni aftur og var að hefja síðasta hring, en ekki hafði verið gert ráð fyrir svona „svakalegum" akstri og á síðasta hring varð bíllinn bensínlaus þannig að ekki tókst að klára keppnina.

James Clark hafði orð á sér fyrir að vera mjög fjölhæfur ökumaður og á sínum ferli tók hann þátt í mörgum mótaröðum m.a Indianapolis 500, sem hann vann 1965 og er hann eini maðurinn utan Ameríku sem hefur unnið þá mótaröð, hann keppti í NASCAR 1967 ásamt formúlu1 og svona mætti lengi telja og í öllum mótum sem hann tók þátt í var hann í fremstu röð.

Þann 7.04. 1968 tók James Clark þátt í formúlu2 keppni á Hockenheim-brautinni (það var áður en brautin var stytt og þá lá stór hluti hennar í gegnum skóglendi).  Ekki er alveg vitað hvað gerðist en uppi eru ágiskanir þess efnis að loft hafi lekið úr afturdekki hjá honum sem orsakaði það að hann missti stjórn á bílnum, ók á tré og tví hálsbrotnaði.  Hann lést á leið á sjúkrahúsið.

Vegna þess að brautinni á Hockenheim hefur verið breitt er aðeins lítill trékross í skóginum þar sem slysið varð en hans er alltaf minnst þegar kappakstrar fara þar fram og eru menn á því að þar hafi farið einn besti ökumaður allra tíma.

Að sjálfsögðu hefði ég átt að vera tilbúinn með þennan pistil FYRIR keppnina á Hockenheim í sumar en ég vona að mér verði fyrirgefið verður maður ekki bara að segja „Betra seint en aldrei".

ÞJÓFNAÐUR!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Það ætlar lengi að loða við Ferrari þessar "liðsskipanir" og frekar var nú lágkúrulegt hjá Steffano Dominicelli (ég efast um að ég fari rétt með nafnið hans ég biðst afsökunar á því) að láta Rolf Smedley gefa Massa "skipun" um að hleypa Alonso framúr.  Það fór ekkert á milli mála á blaðamannafundinum með ökumönnum, að Massa var ekki sáttur og saman reyndu hann og Alonso að verja þennan framúrakstur, sem varð Ferrari-liðinu til mikillar skammar.

Alonso fær sigur á silfurfati

STAÐFESTAR FRÉTTIR AF VILLENEUVE................................

Samkvæmt fréttum BBC hefur Villeneuve staðfest það að einn af helstu fjárfestunum í liði hans er sonur Gaddafi Líbýuleiðtoga.

Villeneuve boðar eigið lið

ER HISPANÍALIÐIÐ EKKI BARA AÐ "PRÓFA" ALLA SÍNA ÖKUMENN??????

Það vita það allir að það er MIKILL munur á því að vera tilraunaökuþór og keppnisökuþór.  Er liðið ekki að reyna að sjá út hvar þeirra ökumenn eru sterkastir?????

Chandhok víkur fyrir Yamamoto

Keppnin milli Red Bull ökumannanna orðin fullhörð.............

Ég get ósköp vel skilið afstöðu Webbers í þessu máli og mjög sennilegt að reiði hans hafi gefið honum "extrakikk" í ræsingunni á Silverstone í gær.  Vel má vera að Christian Horner hafi tekið þarna ranga ákvörðun en það er alltaf hægt að vera vitur eftir á.  En eitt hefur verið lítið rætt um í sambandi við þetta en það er að Webber var nokkuð "aðgangsharður" í stöðubaráttunni um 1 sætið í upphafi og má segja að heilladísirnar gengu í lið með honum en fyrst og fremst getur hann þakkað Hamilton fyrir að hafa keyrt Vettel út, en það verður ekki tekið af Webber að hann keyrði alveg listavel það sem eftir lifði af keppninni en kannski var hann fullákafur í byrjun.

Sýður enn á Webber vegna vængmálsins óvenjulega