STÓR ÁFANGI!!!!!!!

Þegar Rubens Barrichello var á hátindi ferils síns, þegar hann var ökumaður Ferrari, þá stóð hann lengstum í skugga Schumachers og var mikið um að hann yrði að hlýta "liðsskipunum" og kvað svo rammt að því að FIA lagði blátt bann við þeim.  Eftir tímann hjá Ferrari hefur leiðin legið niður á við hjá Rubens en hann hefur alla tíð notið mikilla vinsælda í formúlunni og virðingar og er hann þekktur fyrir prúðmennsku innan brautar sem utan.  Það er ánægjulegt að hann hafi náð þessum áfanga og kannski má segja að þetta sé sárabót fyrir það að hann "fékk" ekki tækifæri til að sýna það hversu góður ökumaður hann var og er.  Til hamingu !!!!!

Barrichello setti met

MASSA FRAMLENGIR SAMNING SINN VIÐ FERRARI!!!!!!!!!!!!!!!!!!!

Í gærkvöldi kom frétt þess efnis hjá Sky News, að Massa hefði framlent samning sinn við Ferrari en það kom ekki fram hve lengi þetta væri.  Það má kannski reikna með því að ferill Massa, sem formúlu 1 ökumanns sé á seinni skipunum og því alls ekki ósennilegt að margir velti fyrir sér hver komi í hans stað, persónulega er ég mjög hrifinn af Robert Kubica og svo Adrian Sutil en Sebasian Vettel er alveg á toppnum en líklega er fjarlægast að halda að hann yfirgefi það lið sem hann er hjá núna, en hver veit???

SKRÍTNAR FRÉTTIR!!!!!!!

Um leið og eitthvað fer að ganga virkilega vel hjá mönnum, er farið að orða þá við Ferrari, hér fyrir nokkrum vikum gekk það fjöllunum hærra að Robert Kubica væri búinn að gera "leynisamning" við Ferrari og var þá vísað til þess að samningur Felipe Massa væri að renna út en nú á Mark Webber jafnvel að vera á leiðinni til þeirra og þá er einnig vísað til þess að Massa sé að klára samninginn.  Ég vissi alltaf að Massa væri mjög góður, en einhvern veginn efast ég um að það þurfi tvo í staðinn fyrir hann....

Webber útilokar ekki að skipta um lið 2011

ÞESSARI HELGI VILL ALONSO SENNILEGA GLEYMA..................

Tvisvar sinnum um helgina hefur Alonso verið refsað fyrir að halda ekki fullri einbeitingu í Monaco og að mínu mati var örugglega sárari seinni "refsingin" fyrir hann en sú fyrri,  það hefur nú ekki verið mjög kært á milli þeirra tveggja í gegnum tíðina.  Vissulega eiga dómara eftir að úrskurða um framúraksturinn hjá Schumacher í restina en að mínum dómi var hann eðlilegur Alonso hreinlega sofnaði á verðinum og þetta voru afleiðingarnar. Þetta atvik ætti að kenna honum að keppninni er EKKI lokið fyrr en flaggið fellur.  Yfirburðir Red Bull voru algjörir í þessari keppni í rauninni var enginn sem gat ógnað þeim í fyrsta og öðru sæti.  Kubica gat náð Vettel en það er nokkuð annað að ná en að komast framúr, sérstaklega á þessari braut þá sýndi Alonso það nokkuð oft hversu frábær ökumaður hann er en eitthvað hefur sú frammistaða kostað því í restina gerði hann mjög alvarleg mistök sem kostuðu hann sæti.  Ekki riðu Williams-menn feitum hesti frá keppninni, fyrsti maður til að falla úr keppni var Hulkenberger og svo um miðja keppnina var komið að Barichello en báðir féllu út vegna bilana í bílunum og var Bairichello heppinn að sleppa óskaddaður út úr sinu atviki, ég er ekki viss um að tæknimenn Williamsliðsins hafi verið mög kátir þegar hann kastaði stýrinu í götuna svo Trulli gæti keyrt yfir það.  En hvað sem öllu líður var þetta skemmtilegur kappakstur það eina sem skyggði á var að öryggisbíllin skyldi koma fjórum sinnum út, það hefur verið verst fyrir Webber því í öll skiptin var hann búinn að byggja upp nokkuð þægilegt forskot, en svona er kappaksturinn og ég get varla beðið eftir næstu keppni.

Webber vinnur örugglega annan sunnudaginn í röð

ÖKUMANNSBRAUT.....

Monaco-brautin reynir á hæfileika ökumannsins til hins ýtrasta og hún gefur ökumönnum ekki færi á að missa einbeitinguna í eina einustu sekúndu það fékk Alonso að reyna og fyrir vikið verður hann að hefja kappaksturinn á morgun af þjónustusvæðinu, sem þýðir ekkert annað en að hann getur ekki reiknað með að fá nein stig í keppninni á morgun.  Þarna er mjög erfitt að fara framúr og þar af leiðandi er ljóst að morgundagurinn verður ekki neinn dans á rósum fyrir hann.  Það er nokkuð ljóst að Red Bull eru með langsterkasta bílinn þetta tímabilið og hreint út sagt alveg frábæra ökumenn sem báðir blómstra alveg.  En hvað sem því líður þá er alveg öruggt að maður dagsins var Robert Kubica hann virðist alveg smellpassa fyrir Renault bílinn og það fór ekkert á milli mála í síðasta hluta tímatökunnar að hann náði ÖLLU út úr bílnum sem hægt var.  Þvílíkur happafengur sem hann var fyrir Renault.  Alla ökumenn dreymir um að vinna í Monaco við sjáum hvað gerist á morgun.

Webber velti Kubica af ráspólnum á lokamínútunum

SKO MINN MANN - HANN ER AÐ "VOLGNA"!!!!!!!

Mig grunaði að það væri aðeins tímaspursmál hvenær hann færi að sýna "gamla" takta.  Nú er bara að sjá hvað hann gerir í tímatökunni á morgun og keppninni á sunnudag.

Vettel og Red Bull svara fyrir sig

NÚ ER AÐ DUGA EÐA DREPAST.............................

Ég vil nú ekki skrifa undir það strax að endurkoma Schumachers hafi verið mistök, en það verður að segjast eins og er að árangurinn hingað til hefur verið nokkuð langt undir væntingum.  En ég er ekki tilbúinn til þess að afskrifa hann, það eru gerðar óraunhæfar kröfur til hans og er það ekki hluti af því hversu "ílla" honum hefur gengið?  Ég er sannfærður um að hann á eftir að gera góða hluti en ég er þess fullviss að menn bíða ekki endalaust eftir að það verði.

Endurkoma Schumacher voru mistök

"ALL ABOUT STRATEGY"!!!!!!!!!!!!!!

Þetta sagði David Coultard eftir Kínakappaksturinn, menn stoppuðu allt uppp í fjórum sinnum til að skipta um dekk.  Kappaksturinn var alveg magnaður að horfa á, það var ekki eingöngu barist á brautinni sjálfri heldur var mikill hasar á þjónustusvæðinu og var einna mesti hasarinn á milli Vettels og Hamiltons þegar þeir voru að yfirgefa þjónustusvæðið þá orkaði líka tvímæli þegar Alonso fór framúr Massa á leið inná þjónustusvæðið.   Það örlaði fyrir gömlum "töktum" hjá Schumacher, en aðeins í smástund þegar hann hélt Hamilton fyrir aftan sig í á þriðja hring, en svo var það eiginlega búið.  Það er engu líkara en það sé eitthvað nokkuð mikið farið af "gamla" neistanum.  Ég er hræddur um  að ef ekki verður mjög fljótlega breyting á frammistöðu hans megi hann fara að passa sæti sitt allverulega.  Að mínum dómi ættu Force India-menn að huga vel að því að halda vel í Adrian Sutil, því mörg lið hljóta að vera farin að "skoða" hann mjög vandlega.  Bernie Eccelstone sagði í viðtali á BBC one að kannski yrði bara að halda næstu formúlu keppni í Kína, vegna eldgossins á Íslandi.  Að sjálfsögð var hann að grínast með þetta en er ekki sagt að öllu gríni fylgi einhver alvara?

Button bestur í bleytunni

EKKI NEIN STÓRTÍÐINDI Í ÞESSARI TÍMATÖKU!!!!!!!!!!!!!!!!!!!!!!!!!!!

Þó kom frammistaða Hamiltons á óvart eða réttara sagt hversu illa hann stóð sig miðað við hversu mikla yfirburði hann hafði sýnt á æfingum og ég held að það hafi komið flestum á óvart að sjá Button fyrir framan hann á ráslínunni.  Þá er mjög fróðlegt að skoða frammistöðu Sutils á þessari vertíð, en í öllum keppnunum hingað til hefur hann verið þó nokkrum sætum fyrir framan liðsfélaga sinn Luizzi og núna varð engin breyting þar á Sutil komst í lokaumferðina, þó svo að hann næði "aðeins" 10 sætinu en Luizzi varð í því 17.  7 sæti á milli liðsfélaga er nokkuð mikið en ef er skoðað bilið milli Rosbergs í fjórða sæti og Schumachers í því níunda, þá verður að segjast eins og er að Schumacher verður að fara að hysja upp um sig þetta gengur ekki svona lengur.  Annars voru allir, sem talað var við á brautinni, vissir um að á einhverjum tímapunkti í keppninni á morgun myndi rigna og það gerir keppnina bara meira spennandi og verður fróðlegt að fylgjast með.

Vettel sýndi öryggi

ÞETTA GEFUR BARA AUGA LEIÐ!!!!!

Ég get bara ekki með nokkru móti skilið alla þessa umfjöllun um gengi Schumachers.  Menn hafa gengið svo langt að segja að EKKERT gangi hjá honum.  Það eru búin þrjú mót, þar af féll hann úr keppni í síðasta móti en er samt sem áður um kominn með einhver stig, sem þætti mjög góður árangur hjá einhverjum.  Menn ættu að fara að einblína meira á formúluna sem slíka og hætta að spá bara í einn einstakling.  Hann á bara eftir að ná almennilega tökum á bílnum.

Haug: Schumacher mun sigra þegar bíllinn getur