Þetta gefur til kynna hve öryggi í formúlu 1 er mikið.

Hefði þetta óhapp orðið fyrir 10 árum er víst að afleiðingarnar hefðu orðið mun alvarlegri sama er að segja um slysið sem Robert Kubica varð fyrir í Kanada í fyrra.  Það er gott til þess að vita hve öryggisþátturinn er orðinn mikilvægur.

Glock aftur undir stýri

Hann er ungur og lofar rosalega góðu.

Hann vantar þetta "litla" til að komast íi hóp hinna "stóru".  Hann á eftir að komast á verðlaunapall og því miður þá sé ég ekki að bílinn sé í það góðu standi að hann ráði við það nema að einhverjir hinna "stóru" verði fyrir verulegum skakkaföllum.  Svo vantar strákinn stöðugleika, það er ekki nóg að standa sig vel í einu móti og eiga svo nokkur léleg þar á eftir.  Annars virðist óheppnin elta strákinn, því hver hefur gleymt atvikinu í Mónakó þegar hann var búinn að keyra mjög vel en þá keyrði Raikkonen aftan á hann og hann féll úr leik, fleiri svipuð atvik hafa átt sér stað og það virðist ætla að verða þrautin þyngri fyrir hann að nálgast verðlaunapallinn.  En eins og sagt er "eftir því sem áföllunum fjölgar styttist í árangur".

„Þessi strákur á eftir að verða stórt nafn“

Rugluð tímataka!!!!!!!!!

Auglýst var að tímatakan í formúlu1 ætti að hefjast kl 11:45, þegar 1 hluti hinnar eiginlegu tímatöku var u.þ.b hálfnaður ca kl 12:20, gafst ég upp á að horfa á sjónvarpið, útsendingin var enn "rugluð" og mér skyldist að það hefði verið skilyrði fyrir því að SÝN, nú stöð 2 sport fengi sýningarréttinn á formúlu 1, væri að tímatakan og kappaksturinn væru í opinni dagskrá, má kannski reikna með því að það verði "opnað" fyrir dagskrána á morgun þegar kappaksturinn er hálfnaður eða svo.  Þetta er ekki í fyrsta skipti sem "gleymist" að opna fyrir útsendingu á þessu keppnistímabili en aldrei hafa þeir nú verið jafn "grófir" og í dag.  Ég get skilið það að stöð2 sport séu að reyna að ná sér í fleiri áskrifendur en í þessu tilfelli virkar þessi "taktík" þeirra öfugt á mig (í það minnsta) ég ætla mér að gerast áskrifandi að einhverri erlendri stöð, sem  er með formúluna á dagskrá hjá sér.

Allir hafa sinn tíma.

En sjálfsagt eru mjög skiptar skoðanir á því hvort tími Davids Coulthards sé búinn.  Ef þetta er staðreyndin, þá verður mikill sjónarsviptir af þessum heiðursmanni, því ég held að hans verði fyrst og fremst minnst fyrir það hversu mikill heiðursmaður hann hefur alltaf verið utan brautar og innan.  Árangur hans, eftir að hann fór frá McLaren hefur verið viðunandi en ekki mikið meira en það er alveg á hreinu að hann átti sín "gullaldarár" hjá McLaren, en síðan hann fór þaðan hefur leiðin verið niður á við.

Coulthard á útleið

Vissulega lýtur þetta mjög vel út og útlit fyrir skemmtilegan kappakstur á morgun.

Og enn sýndi Spænski fýlupokinn hversu góður ökumaður hann er, menn verða bara að viðurkenna það að Renault bíllinn er alls ekki til stórræðanna og Alonso sýnir það og sannar hvað hann getur gert með bíl sem er rétt fyrir ofan meðallag.  Hann hefur nú aldrei verið í miklu uppáhaldi hjá mér, aðallega á nú persónuleikinn upp á pallborðið, en það verður að viðurkennast að þeir eru ekki margir ökumennirnir sem slá honum við á brautinni.  Það hvað BMW ökumennirnir voru aftarlega voru mikil vonbrigði en ég á ekki von á því að Hamilton leiki sér að því að fara fram úr Heidfeld á morgun.

Räikkönen vinnur 200. ráspól Ferrariliðsins

Góð úrslit !!!!!!!!!!!!

Þessi úrslit, held ég, að séu það besta sem gat orðið í formúlunni og að sjá David Coulthard í þriðja sæti var alveg stórkostlegt og enn einu sinni upplifðum við það að Alonso "kenndi" öðru(m) en sjálfum sér um ófarir sínar á brautinni.  En BMW til hamingju með þennan stórkostlega árangur og alveg örugglega verður þetta ekki síðasti sigur liðsins en það er nú ekki líklegt að tvöfaldir sigrar verði mikið fleiri.

Kubica vinnur jómfrúarsigur og fyrsta sigur BMW

Fjörug keppni á morgun

Það er allt útlit fyrir rigningu á morgun, það er nokkuð sem ökumenn vilja ekki á þessari braut því þá má búast við að allt sem getur farið úrskeiðis, fari úrskeiðis.  Við vonum það besta en eins og útlitið er núna, þá lítur þetta vel út fyrir Ferrari.

Ferrari á fremstu rásröð

"Opin" dagskrá?

Ég tek undir, með bloggvini mínum Ómari S. Gíslasyni.  Eftir að útsendingar frá formúlunni fluttust frá RÚV til SÝNAR sem síðar var STÖÐ2 sport, virðist ekki vera á hreinu hvenær tímatökur og keppni eru, en það eru einu viðburðirnir í formúlunni, sem eru í "opinni" dagskrá.  Þegar SÝN náði til sín réttinum á útsendingum var það skilyrði sett að tímataka og keppni yrðu að vera í opinni dagskrá væntanlega til þess að "rýra" ekki möguleika fólks á að fylgjast með íþróttinni.  Eitthvað virðist þetta ákvæði fara fyrir brjóstið á forráðamönnum 365, því þeir hafa tekið þann "pólinn í hæðina" að gera engan greinarmun á því hvað verði á dagskrá í viðkomandi formúluþáttum og því verða þeir sem vilja sjá tímatöku eða keppni að finna út úr því af eigin rammleik hvenær þessir þættir verða á dagskrá , svo er auðvitað hægt að kaupa áskrift að STÖÐ2 sport.

Honum líkar það bara ekki að hann er að fara halloka fyrir nýjum ökumanni liðsins.

Þeir börðust hart um sigurinn í GP2 mótaröðinni, þar hafði Hamilton betur og var í kjölfarið "ráðinn" til McLaren en Kovalainen varð að "sætta" sig við sæti hjá lakara liði.  Hamilton hafði að sjálfsögðu forskot, því hann þekkti innviði liðsins síðan í fyrra en Kovalainen hefur sýnt það að hann er engu síðri ökumaður en Hamilton nema síður sé og verður fróðlegt að fylgjast með hvor þeirra verður stigahærri í lok tímabilsins.

Hamilton kúvendir

Búnir að "stimpla" sig hressilega inn í úrvalsdeildina!!!

Ég vona að það styttist verulega í þeirra 1 mótssigur og þar með blandi sér fleiri í toppbaráttuna og hleypi þar með aukinni spennu í formúluna, sem mér hefur fundist vera að "dofna" undanfarið.

BMW finna þefinn af sigri