EKKI EINGÖNGU VAR EFTIRLITIÐ Í "SKÖTULÍKI" - HELDUR VANTAÐI HEIMILDIR TIL AÐGERÐA OG SVO "ÞORÐI" ENGINN AÐ GERA NEITT

Þorsteinn Pálsson virðist vera algjörlega úti á túni í þessum málum eins og svo mörgum öðrum.  Sem fyrrverandi þingmaður og ráðherra, getur ekki annað verið en hann viti það að samkvæmt EES samningnum eru ÖLL ríkisafskipti af einstaka fyrirtækjum MEÐ ÖLLU óheimil og því "gat" þingið ekkert gert í málefnum WOW opinberlega.  Þessi mikli INNLIMUNARSINNI er því eingöngu að slá einhverja pólitískar keilur, sem honum ferst afskaplega illa úr hendi, því ekki verðu séð að hann nái "fellu" í hverju kasti.  En svo er hægt að segja það með sanni að eftirlitsstofnanir, eins og til dæmis Samkeppnisstofnun og Samgöngustofa ásamt fleirum hér á landi hafi engan vegin sinnt hlutverki sínu og brugðist algjörlega.  Þó svo að ég styðji ekki þessa ríkisstjórn, þá finnst mér óþarfi af mönnum að eigna henni það sem hún á ekki............

Segir þingnefnd sofa værum svefni

Athugasemdir

[Guðmundur Ásgeirsson, 2.6.2019 kl. 15:04]

Samkvæmt EES má ríkið ekki heldur veita ríkisaðstoð til einkafyrirtækja í samkeppnisrekstri, sem ISAVIA gerði þó með því að veita WOW ítrekaða greiðslufresti á háum fjárhæðum.

Formaður stjórnskipunar- og eftirlitsnefndar segist hafa óskað eftir stjórnsýsluúttekt á þessu sem og eftirliti Samgöngustofu eða öllu heldur skorti á honum.

Þetta er athyglisvert, í ljósi þess fyrir rúmum tveimur mánuðum síðan var á fundi nefndarinnar fjallað um framferði sýslumannsembætta frá hruninu við að selja heimilin ofan af 10.000 fjölskyldum og gera 160.000 fjárnám hjá einstaklingum, þar sem bent var á margvísleg dæmi um að í þeim aðgerðum hafi verið brotið gegn réttindum gerðarþola. Fundinum var strax fylgt eftir með formlegri beiðni um stjórnsýsluúttekt á þessum embættum og aðgerðum þeirra, en núna tveimur mánuðum síðar hefur því ekki einu sinni verið svarað.

Samkvæmt þessu virðist það vera valkvætt í huga formannsins hvenær tilefni sé til stjórnsýsluúttektar. Ég ætla henni ekki að láta það hafa áhrif á sig að þennan gríðarlega fjölda aðfarargerða gegn heimilum landsmanna má að stóru leyti rekja til aðgerða og aðgerðarleysis "vinstristjórnar" samflokksmanna hennar og VG. Ef það reyndist samt tilfellið væri það mikil hneisa.

Hvort ætli sé brýnna að rannsaka? Linkind gagnvart vanskilum hjá einu gjaldþrota flugfélagi, eða stórfelld mannréttindabrot gegn þúsundum fjölskyldna og einstaklinga?

[Jóhann Elíasson, 2.6.2019 kl. 16:05]

Sæll Guðmundur og þakka innlitið og góða athugasemd. Að sjálfsögðu á að fara í ítarlega rannsókn á þeim gjörningi að ganga svona hart að skuldurum og það vegna ástæðna sem skuldarinn hafði ENGA stjórn á.  En er þetta ekki dæmigert fyrir "kjaftæðið og ruglið" á þinginu, að það er óskað eftir úttekt á einhverri EINNI stofnun ríkisins en veit ekki hvernig á að haga sér gagnvart alvarlegri málum sem snerta MARGA aðila.  Mér fannst áhugavert að heyra eina sögu frá innhringjanda útvarps Sögu.  Hann átti eign hér á landi í "HRUNINU" og fljótlega lenti hann í greiðsluerfiðlegum og innan við hálfu ári frá "HRUNINU" var búið að HIRÐA eignina af honum en á sama tíma átti hann eign á Spáni og þar lenti hann líka í greiðsluerfiðleikum en bankinn þar úti gat beðið í FIMM ÁR eftir að hann borgaði af láninu og núna er allt í skilum og þegar hann hafði staðið í skilum í tvö ár, VORU VEXTIRNIR LÆKKAÐIR vegna þess að hann þótti ÖRUGGUR VIÐSKIPTAMAÐUR.  Aldrei hef ég heyrt um það að vextir hafi verið LÆKKAÐIR HÉR vegna góðrar viðskiptasögu.....

[Guðmundur Ásgeirsson, 2.6.2019 kl. 16:26]

Já ég kannast við hvernig þetta var á Spáni. Þar gat fólk sem lendi í svona vandræðum bara skilað eigninni til bankans án frekari eftirmála. Hér á landi er það hinsvegar þannig að enn þann dag í dag er verið að elta fólk sem var selt ofan af fyrir mörgum árum síðan til að krefja það um að borga meintar eftirstöðvar sem ekki hafi fengist greiddar við söluna. Þar sem búið er að hirða allar eignir af því fólki endar innheimtan oft með árangurlausu fjárnámi sem er skráð á vanskilaskrá og fólki er haldið í þeirri stöðu árum saman. Ég er með nýlegt dæmi um manneskju sem vildi taka lán fyrir svona löguðu til að fá lægri vexti á það heldur en dráttarvextina á eftirstöðvunum, til að gera það viðráðanlegra að borga kröfuna, en var neitað vegna þess að hún var skráð í vanskilum út af eldri skuldinni. Það jafngildir því að mega ekki bæta úr því sem aflaga fór, vegna þess sem aflaga fór, sem felur í sér augljósan ómöguleika og einhliða refsingu. Þegar fólk í þessari stöðu reynir svo að flýja land til að hefja nýtt líf, er það ekki heldur hægt því þá elta rukkararnir það til útlanda og viðhalda refsingunni. Þó að skuldafangelsi hafi að nafninu til verið afnumið úr íslenskum rétti fyrir löngu síðan, virðist það litlu breyta þegar landið allt er orðið að einu stóru skuldafangelsi fyrir gríðarstóran hóp í samfélaginu.

[Jóhann Elíasson, 2.6.2019 kl. 17:07]

Manni verður nú bara orðfall, þegar maður les svona lagað.  Það væri nær fyrir formann Stjórnskipunar- og eftirlitsnefndar að huga að lagfæringu þessara mála í stað þess að vera sífellt að væla yfir einhverjum tittlingaskít sem hefur mjög takmarkað gildi........