Það kemur allt með kalda vatninu!!!!!

Ég get ekki séð annað, samkvæmt meðfylgjandi frétt, en að verið sé að koma Íbúðalánasjóði út af húsnæðismarkaðnum í rólegheitunum.  Það er búið að vera lengi í "pípunum" að færa viðskiptabönkunum húsnæðismarkaðinn og nú er búið að finna lævísa leið til þess.  Samkvæmt þessu á að gera viðskiptabönkunum það mögulegt að vera á "húsnæðismarkaðnum" til "jafns" við Íbúðalánasjóð.  En hvað þýðir þetta í raun?  Jú, því er fljótsvarað, viðskiptabankarnir koma eingöngu til með að sinna húsnæðismarkaðnum á Stór-Hafnarfjarðarsvæðinu og Akureyri og kannski Reykjanesi, um landsbyggðina fær svo Íbúðalánasjóður að sjá um áfram.  Með öðrum orðum, það verður full samkeppni á húsnæðismarkaðnum á Stór-Hafnarfjarðarsvæðinu og Akureyri og kannski Reykjanesi en aftur á móti engin á landsbyggðinni.  Þetta hefur í för með sér enn enn sterkari skil þess að það verða tvær þjóðir í þessu landi.  Sennilega lækkar húsnæðisverð á landsbyggðinni við þessa breytingu og hin þjóðin í landinu kemur til með að verða enn betur bundin átthagafjötrum en verið hefur.  Kannski er þetta hluti af "mótvægisaðgerðum" ríkisstjórnarinnar?

Kerfi sem virðist gefast vel

Athugasemdir

[Helgi Þór Gunnarsson, 24.5.2008 kl. 01:55]

Sæll Jóhann, það er nokkuð til í þessu hjá þér, það brestur kannski á borgarastyrjöld? Kær kveðja frá Eyjum.