Gleðilegt ár og þakkir fyrir árið sem er að líða!

Óska öllum þeim, sem rata hingað inn á þetta blogg, gleðilegs árs 2008 og hjartans þakkir fyrir ánægjulegt ár sem er að líða.

Föstudagsgrín

Fjórir félagar, giftir og ráðsettir, voru búnir að ákveða að fara á  gæsaveiðar. Á föstudagskvöldið ætluðu þeir að hittast við Select  Vesturlandsveg og leggja saman af stað og það yrði að vera ekki  seinna en 23.00.

 

 Sá fyrsti mætir og sér að hann er einn mættur og klukkan rétt að slá  ellefu.

 

 Stuttu síðar kemur annar og þá er klukkan orðin ellefu. "Ég ætlaði  aldrei að komast út maður,

 

konan var sko ekki sátt við þetta svo ég  varð að lofa því að fara með henni á jólahlaðborð í Perlunni."

 

 Sá þriðji er rétt að renna í hlað og segir farir sínar ekki sléttar.

 "Ég átti nú bara ekki að fá að koma með ykkur strákar því konan var  alveg óð að ég skuli taka jeppann. Ég varð að lofa henni að skipta út

  

fólksbílnum og kaupa jeppling handa henni."

 

 Sá fjórði kemur þegar klukkan er rétt um hálf tólf. "Æ,æ, æ... ég er  svo aldeilis a á þessum konum. Ég varð að lofa helgarferð til  Glasgow fyrir jólin til að komast í þessa ferð  strákar....helgarferð...hvorki meira né minna."

  

Þá segir sá sem fyrstur mætti. " Strákar, það er ömurlegt að heyra í  ykkur vælið. Ég var mættur hér tímanlega og það var ekkert mál með  mína konu."

 

 "Nú...hvað er þetta, rosalega ertu heppinn," segja þeir þrír í kór.

 

 "Nei, strákar þetta er ekki heppni!"

  

"Nú hvað þá?" spyrja strákarnir vin sinn.

 

 "Þegar hún var að fara sofa mætti ég nakinn í svefnherbergið og sagði  við hana, Do-do eða ég að skjóta gæs?"

 

 "Og hvað sagði hún?"

  "Hún sagði bara, klæddu þig vel og farðu varlega ástin mín!"

Þetta er "rétta" hugarfarið og hátíðarskapið í hæstu hæðum!

Semsagt að niðurstaðan er sú að Davíð og hinir "hryðjuverkamennirnir" í Seðlabankanum "hefðu" nú getað valdið enn meiri skaða á Íslensku efnahagslífi en þeir gerðu á árinu sem er að líða, en þeir voru ekki með nógu og áreiðanlegar upplýsingar í höndunum (sem betur fer).  En þessar upplýsingar komu frá bankanum sjálfum þannig að samkvæmt því þá eru Seðlabankamenn ekki starfi sínu vaxnir (það vissum við fyrir)en þarna hefur Davíð uppgötvað ný "sannindi" fyrir sig, sem hafa "rænt" hann svefni yfir hátíðirnar (guði sé lof).

Seðlabankinn hefði getað gert betur

Ja, víða leynast hætturnar

Og ég sem hélt alltaf að jólasveinabransinn væri alveg "skotheldur" bransi - ég er hræddur um að ég verði að fara að endurskoða þá vissu.

Skotið á jólasveininn

Föstudagsgrín

Eldri hjón voru á ferðalagi á húsbíl í Bandaríkjunum.

Allt í einu skýst eitthvað út á veginn og lendir undir bílnum. Þau stoppa og athuga málið og sjá að það liggur skunkur á veginum. Virðist hann vera með lífsmarki svo þau ákveða að taka hann með og fara með hann til næsta dýralæknis.

Þau taka skunkinn og leggja á gólfið í bílnum og keyra af stað.

"Skunkurinn skelfur", segir konan,

"….ætli honum sé ekki bara kalt".

Settu hann þá á milli fótanna á þér", segir maðurinn.

"...en lyktin?", segir konan.

“…..já,haltu bara fyrir nefið á honum”

 

Hæpið að verðbólgumarkmið náist ef gengið verður af útflutningi dauðum.

Þetta getur nú hver maður sagt sér sjálfur.  Gengismálin VERÐA að jafna sig gengi krónunnar þarf að lækka og það verður líka að verða stöðugt.  Það er ekki hægt að bjóða nokkurri atvinnugrein eða almenningi upp á þann óstöðugleika, sem ríkt hefur hér á landi síðustu mánuði og misseri, í gengismálum og efnahagsmálum yfirleitt.  Vaxtaokrið hefur verið svo gengdarlaust að meira að segja þeim hjá viðskiptabönkunum var farið að blöskra, en ætli hafi nokkuð farið um "hryðjuverkamennina" í Seðlabankanum eða skyldu þeir hafa áttað sig á því að til þess að lifa þá þurfum við Íslendingar líka að flytja vörur út - ekki bara inn.

Verðbólgumarkmiðin náist 2009

Aukin þjónusta....

Hagkaup er með pössun fyrir pabbana er þá ekki alveg rökrétt framhald að Leikbær verði með sérstaka deild fyrir pabbana?  Það hafa ekki allir gaman af fjarstýrðum bílum og rafmagnsbílabrautum.

Kynþokkafullur fangi í dótabúð

Allt í hers höndum?

Öryggismál okkar Íslendinga virðast hafa farið í vaskinn, þegar Bandaríkjamenn fóru með allt sitt hafurtask af Keflavíkurflugvelli.  Hjónabandið hjá heita og kalda krananum fór líka í vaskinn eins og öryggismálin hjá okkur.  Nú virðast mörg ríki sjá um varnir Íslands: Noregur, Svíþjóð, Danmörk, Þýskaland ,......... og nú eru Bretar að bætast við, ég er alveg orðinn ruglaður í þessu - Hverjir sjá um varnir landsins?

Rætt við Breta um öryggismál

Þetta er nóg þetta er nóg.....

Meira að segja þeir sem eru ekki alveg innilokaðir í glerbúri eins og "hryðjuverkamennirnir í Seðlabankanum" er farið að finnast nóg komið af vaxtaokri Seðlabankans og eyðileggingu á útflutningsatvinnugreinum okkar Íslendinga og eru að vonast til að Seðlabankamenn stoppi nú hækkun stýrivaxta á næsta vaxtadegi.

Glitnir spáir óbreyttum vöxtum

1 - 0 fyrir McLaren

Skiptin hjá McLaren og Renault á ökumönnum hljóta að reiknast hagstæðari fyrir McLaren, þó svo að Alonso sé tvöfaldur heimsmeistari, það verður að horfa til þess að Kovalainen hefur aðeins ekið eitt tímabil í formúlunni og staðið sig alveg frábærlega öruggt að þarna fer framtíðarökumaður, reyndar var ég og er alltaf á því að ef hann hefði haft sambærilegan bíl og Hamilton, þá er ekki víst hvor hefði orðið stigahærri í lok vertíðar.

Þess skal svo getið að það var bloggvinur minn hann Guðni, sem hefur lengi spáð fyrir um þetta og þarna reyndist hann svo sannarlega sannspár.  TIL HAMINGJU MCLAREN MENN.

McLaren ræður Kovalainen