ÞAÐ ER SKO MIKIÐ MEIRA EN RÉTT HJÁ HONUM

En að sjálfsögðu finnst vinstri hjörðinni alveg fyrir neðan allar hellur að setja lög á þetta verkfall þó svo að það sé nokkuð víst að einhver mannslíf hafi farið vegna þess.  En samkvæmt formanni BHM var EKKI um þjóðarhagsmuni að ræða í þessu verkfalli eins og í verkfalli flugvirkja fyrir fimm árum.  Með öðrum orðum störf starfsmanna BHM hafa ENGA þýðingu fyrir þjóðfélagið þannig að það hefði engu skipt þótt þeir væru bara áfram í verkfalli.

Var komið miklu meira en nóg

ENDA GETUR HANN VARLA ÁTT LÉLEGRA TÍMABIL EN SÍÐASTA TÍMABIL

..Svo leiðin getur bara legið upp á við.  Hann er nokkuð dæmigerður fyrir þá sem eiga eitt gott tímabil, ofmetnast og halda að stóru liðin bíði í löngum röðum.  Sagan geymir marga svona menn og flestir hafa þeir fallið í gleymskunnar dá.  Sterling verður að geta "klárað" færin sín áður en hann fer að setja sig á háan hest.  Hann er fljótur og hleypur hratt en þar með er það upptalið, hann verður að vinna vel með allt hitt.  Það vinnur að sjálfsögðu með honum að hann er barnungur og hefur tímann fyrir sér en það verður að nota tímann vel svo hann fari ekki að vinna á móti mönnum.

Sterling vill flýta sér í nýtt félag

JÁ, VINSTRI HJÖRÐIN Á BARA VIRKILEGA BÁGT

Og það er öllum ljóst að samanburður þess sem núverandi ríkisstjórn, hefur framkvæmt á því hálfa kjörtímabili sem hún hefur starfað, er nokkuð öflugri heldur en verk fyrri ríkisstjórnar, sem náði að lafa heilt kjörtímabil og það á lyginni einni saman í lokin.  Það er ekki hægt að segja að vinstri hjörðin geti horft með stolti yfir farinn veg.

„Hvar er kjarkurinn?“

Föstudagsgrín

Jónas og Magga voru steinsofandi upp í rúmi.  Magga var óróleg í svefninum og sagði hátt og snjallt upp úr svefni:" Guð minn góður, maðurinn minn er að koma". - Þá spratt Jónas á fætur og stökk út um gluggann...

AKKÚRAT VIÐBRÖGÐIN SEM BÚAST MÁTTI VIÐ......

Hún vill bara halda áfram pólitíska hráskinnaleiknum, sem hún og formaður samninganefndar BHM, hafa verið í undanfarnar vikur og mánuði.  Skiptir þau engu máli þótt það stórskaði landsmenn og umbjóðendurna (baklandið sem það er kallað).  Lagasetning á þessa pólitísku aðför var löngu orðin tímabær og vonandi verður tíminn sem því var frestað um nýttur til góðra verka (sjá síðustu bloggfærslu).

„Reyna að svelta okkur til hlýðni“

EKKI VERSTA NIÐURSTAÐAN EF TÍMINN ER VEL NOTAÐUR

Það hefur ekki dulist nokkrum manni að þetta verkfall er orðið meiri pólitísk barátta en kjarabarátta.  Það fer ekki á milli mála að vissir aðilar innan BHM hafa verið nokkuð mikið pólitískt litaðir í sínum aðgerðum og mjög sennilega hefur það gert deiluna harðari.  Með því að setja lög á verkfallið skapast svigrúm hjá fólki til að ná aðeins áttum og hugsa dæmið svolítið raunhæft, en það hefur aðeins setið á hakanum í þessu verkfalli.  Þá skapast tækifæri til þess að umbylta alveg heilbrigðiskerfinu, sem er löngu tímabært.  Mikill meirihluti þess BHM fólks, sem er í verfalli, er heilbrigðisstarfsfólk og það hefur sýnt sig að heilbrigðisstarfsfólk á ekki að vera með verkfallsrétt.  Svona ástand, eins og hefur skapast í þessu verkfalli, er með öllu óboðlegt og það er alls ekki ásættanlegt að landsmenn geti átt von á svona ástandi aftur.  Það er mín tillaga að tíminn verði notaður til að semja við þetta fólk um ásættanleg laun, síðan verði verkfallsrétturinn hjá heilbrigðisstarfsmönnum aflagður og þessar starfsstéttir settar undir kjararáð.  Ég held að allir séu sammála um að þetta fólk á að hafa góð laun og held að þetta sé skásta leiðin. 

„Lög eru versta niðurstaðan“

GÓÐ OG EINSTÖK ÚRLAUSN, SEM BER AÐ ÞAKKA

Forsaga málsins er sú að fyrir nokkrum árum keypti ég bók Magnúsar Þórs Hafsteinssonar "Dauðinn í Dumbshafi" og jólin á eftir fékk ég bókina "Návígi á Norðurslóðum" í jólagjöf.  Báðar þessar bækur, eru  að mínu mati mjög góðar, vel skrifaðar og stíllinn þannig að þær halda manni alveg til síðustu blaðsíðu.  Svo gerði ég það, sem maður á aldrei að gera, ég lánaði þessar bækur og að sjálfsögðu fékk ég þær aldrei til baka.  Þannig að núna seinni árin hef ég alltaf haft augun hjá mér og þegar ég fer í bókabúðir leita ég alltaf eftir þessum bókum, en alltaf án árangurs.  Um síðustu helgi ákvað ég að fara í þetta á fullu ég hafði samband við Magnús Þór Hafsteinsson.  Hann átti ekki til eintök til að hjálpa mér en benti mér á útgefandann (Bókaútgáfan Hólar), en áður hafði ég verið í sambandi við Forlagið en af einhverjum orsökum hélt ég að þeir hefðu gefið bækurnar út.  Ég sendi tölvupóst til útgefandans, þar var mér tjáð að "Dauðinn í Dumbshafi" væri ekki til en "Návígi á Norðurslóðum" væri til og svo nýjasta bókin eftir Magnús Þór Hafsteinsson "Tarfurinn frá Skalpaflóa".  Ég bað um að þessar tvær bækur yrðu sendar til mín í póstkröfu.  Ég fékk tölvupóst til baka þar sem ég var beðinn að leggja "smáaura" inn á ákveðinn reikning og staðfesta bara þegar ég væri búinn að því.  Ég gerði þetta að sjálfsögðu og hugsaði með mér að ég fengi svo póstkröfu eftir nokkra daga.  En viti menn, þegar ég var að horfa á fréttirnar á stöð2 í gærkvöldi, var bankað hjá mér og þar var starfsmaður póstsins með pakka til mín.  Þessi pakki innihélt báðar þessar bækur og þar var enginn reikningur.  Þarna sendi bókaútgáfan mér þessar bækur nánast gefins.  Mér verður sjaldnast orða vant en þarna skeði það.  Þetta atvik verður til þess að í framtíðinni legg ég á það áherslu að kaupa bækur frá bókaútgáfunni Hólum og svo að sjálfsögðu er Magnús Þór Hafsteinsson í sérstöku uppáhaldi hjá mér sem höfundur.  Vonandi getur einhver hjálpað mér með að nálgast bókina "Dauðinn í Dumbshafi".

NÚ VILL VINSTRI HJÖRÐIN ALVEG EIGNA SÉR AFNÁM GJALDEYRISHAFTANNA

En ef "Ríkisstjórn Fólksins" var búin að koma með allar hugmyndir að því hvernig væri best að afnema höftin hvernig stóð þá á því að ekkert varð úr framkvæmdum?  Ekki vantaði að talað væri um hversu illa höftin færu með efnahagslífið...............

„Glæsileg niðurstaða“ ríkisstjórnarinnar

LAUSN MÁLSINS FREMUR EINFÖLD.....

Fyrir það fyrsta verður Páll Halldórss0n að hverfa úr samninganefnd BHM og aðrir "tréhestar" þar innandyra að fara í rækilega naflaskoðun.  Það verður að setja lög til að fresta verkfallsaðgerðum á meðan verði fundin ásættanleg lausn á kjaramálum heilbrigðisstarfsmanna.  Að þessu loknu verður að taka verkfallsréttinn af heilbrigðisstarfsmönnum og þeir settir undir kjararáð.  Það eru flestir sammála um það að heilbrigðisstarfsmenn eigi að vera á góðum launum og það er ekki ásættanlegt að landsmönnum skuli vera boðið upp á svona ástand vikum saman og það er ekki heldur viðunandi að svona ástand geti skapast aftur.  Sérstaklega ber að skoða aðkomu heilbrigðisráðherra að þessum málum en ég verð að segja að mér finnst framganga hans ANSI DÖPUR í þessu máli.

Heilbrigðiskerfið fallið um flokk

"ALLIR VILDU LILJU KVEÐIÐ HAFA"

En auðvitað vill stjórnarandstaðan "eigna sér" gjörninginn. En bæði Árni Páll og Guðmundur Steingríms sögðu að þetta væri alveg samkvæmt þeirra hugmyndum og flestir formenn stjórnarandstöðuflokkanna taka í sama streng. Það er ekki að furða að Píratar hafi ekki haft tíma til að mæta á nefndarfundi og ekki mátt vera að því að taka afstöðu til mála.  Þeir hafa verið uppteknir við að losa um gjaldeyrishöftin.....

Stuðlar að bættum hag almennings