SAMT SEM ÁÐUR RÍGHALDA MENN Í DRAUMINN UM AÐ LEGGJA LJÓSHUND TIL BRETLANDS????

Svo er það alveg sérstakt rannsóknarefni að "vinstri hjörðin" vill alls ekki að það sé nokkurs staðar virkjað en samt sem áður vilja þeir ný atvinnutækifæri í hverri sveit.  Er nokkuð atvinnutækifæri til sem ekki þarf á raforku að halda?  Svo er alveg lágmark að hægt verði að fullnægja eftirspurn eftir raforku innanlands áður en menn fara að viðra drauma um útflutning á raforku.............

Líkur á raforkuskorti eftir 2 ár

Athugasemdir

[Straumur (IP-tala skráð) 22.7.2015 kl. 12:58]

Er þetta ekki spurning um að hámarka virði afurðanna?

Hvað er þjóðhagslega hagkvæmast að gera?

Sjávarútvegurinn hefur verið rekinn með þetta í huga um árabil.

Við mundum aldrei banna útflutning á ferskum fiski til að hægt væri að vinna hann í blokk hér heima.

[Helga Kristjánsdóttir, 22.7.2015 kl. 13:29]

En hvað ég er þér sammála Jóhann og sannarlega væri fróðlegt að heyra vinstrimenn verja þessa stór-undarlegu afstöðu.

[Jóhann Elíasson, 22.7.2015 kl. 13:49]

"Straumur", lastu ekki bloggið, áður en þú skrifaðir athugasemdina?  Vitlausari samanburður er varla til...

[thin (IP-tala skráð) 22.7.2015 kl. 19:17]

Samningar við álfyrirtækin hljóða upp á að þau kaupi raforkuna á broti af því sem almenningur er að greiða. Ef farið verður út í að leggja streng til Bretlands liggur það fyrir að hækka þarf raforkuverð hér á landi til samræmis við í Bretlandi sem gerir það að verkum að hækka þarf raforkuverð til álfyrirtækjanna. Þá förum við kannski að fá almennilegt verð fyrir raforkuna okkar þar sem íslenskir ráðamenn hafa ekki borið vit né gæfu til þess að selja hana á raunhæfu verði. 

[Jóhann Elíasson, 22.7.2015 kl. 19:54]

Thin, þetta er nú ekki alveg svona einfalt og alls ekki það sem er til umræðu.  Heldur hvort ekki sé nú algert lágmark að hægt sé að fullnægja eftirspurn innanlands áður en farið er að vera með svona drauma........

[thin (IP-tala skráð) 22.7.2015 kl. 20:33]

Jóhann það er fleiri en ein hlið á þessu máli eins og Ketill Sigurjónsson bendir á í viðtali í fréttum RUV nú í kvöld.Fram kemur að raforkusamningar renni út við Norðurál og ELKEM árið 2019 og þá er spurning um að vera búinn að leggja í vinnu um hvað beri að gera eftir það. Eins og Ketill bendir á þá er það spurning um að fá sem mestan arð af orkunni, ekki að vera gefa hluta af henni til stóriðjunnar. Menn eiga ekki að missa sig þó svo að hagsmunaaðili eins og Landsnet setji þetta fram, það væri nær að fá óháða aðila til að vega þetta og meta.

[Jóhann Elíasson, 22.7.2015 kl. 20:44]

Þó svo að eldri raforkusamningar renni út er ekki þar með sagt að sú þörf hverfi heldur má gera ráð fyrir að nýir samningar verði gerðir og þá væntanlega hærri verð sem er verið að tala um.  Ég gat ekki séð neinn geislabaug umhverfis höfuð Ketils, í þessu viðtali eða neitt sem benti til þess að það sem hann segði væri hinn eini sanni sannleikur.  Hann hefur lengi verið talsmaður þess að þessi sæstrengur væri lagður ekki veit ég hvað það er sem sannfærir hann um hagkvæmnina - það verður hann að útskýra sjálfur.

[thin (IP-tala skráð) 22.7.2015 kl. 20:59]

Já Jóhann eins og þú segir þá má gera ráð fyrir nýjum samningum við þessi fyrirtæki, en væri ekki stórsnjallt að fara að plægja akurinn fyrir væntnlega samninga með því að kanna jarðveginn og athuga hvort aðrir hafi áhuga og jafnvel tilbúnir til að greiða meira?  Þeir sem eru tilbúnir til að greiða hæsta verð fá orku er það ekki?  Snýst þetta ekki einfaldlega um  það?   Ég var né ekki að mæra Ketil að neinu leyti nema að ég benti á tvær staðreyndir sem hann sagði, og það hafði ekkert með lagningu sæstrengs að gera.  

[Jóhann Elíasson, 22.7.2015 kl. 21:12]

Heldur þú þá að þetta væri það sem best væri fallið að gera til þess að sjá hvort menn séu tilbúnir til að greiða hærra verð fyrir raforkuna?  Fara út í stórt og dýrt ævintýri, sem ekki er vitað að komi nokkurn tíma til með að standa undir sér?  Var ekki verið að tala um að það vanti húsnæði fyrir nýjan Landspítala og ýmislegt fleira????

[Helga Kristjánsdóttir, 22.7.2015 kl. 21:19]

Jú ég las hana 2svar án þess að skilja samhengið. Ég hefði ekki lagt í að svara því. 

[thin (IP-tala skráð) 22.7.2015 kl. 21:19]

Bíddu bíddu nú kallinn minn. Það er ekki eins og þetta sé að fara að gerast á morgun, það eru í það minnsta 4 ár í þetta og er þá ekki spurning um að nota tímann í staðinn fyrir að sitja  og bíða eftir að þetta komi upp í hendurnar á okkur eins og ráðamenn virðast halda að allt gerist í dag.  Og hver er að tala um að fara út í dýrt ævintýri?  Ekki ég , það er þú sem ert að impra á því. Ég veit ekki betur en einkafyrirtæki sé að rannsaka botninn á milli Bretlands og Íslands einmitt núna og ekki er það á okkar kostnað.

[Jóhann Elíasson, 22.7.2015 kl. 22:01]

Já ég stend fullkomlega við það að í mínum huga er þetta dýrt ævintýri, sem enginn veit hvernig endar.  Þó svo að sé verið að tala um að þetta fari ekki af stað fyrr en eftir fjögur ár, sé ég ekki nokkurt vit í þessu.. Og hvað viltu að verði gert á þessum fjórum árum?  Er ekki líka einkafyrirtæki sem sér um Vaðlaheiðargöngin en skattgreiðendur urðu samt að ábyrgjast átta milljarða krónu lán í verkefnið og útlitið varðandi það er frekar dökkt, verður ekki það sama uppi á teningnum þarna? 

[thin (IP-tala skráð) 22.7.2015 kl. 22:24]

".................... en skattgreiðendur urðu samt að ábyrgjast átta milljarða krónu lán í verkefnið og útlitið varðandi það er frekar dökkt, verður ekki það sama uppi á teningnum þarna?"   Við getum átt von á því ef við látum ónýta pólitíkusa sjá um þessi mál, það hefur aldrei verið gæfulegt.  En er ekki í lagi að að fara í það strax að kanna hvað er í spilunum?  Við erum sammála um það að fá sem mest verð fyrir raforkuna og það er bara spurning um hvert við seljum hana. Mér er bara nokk sama hvort að sett verði framlengingarsnúra til Bretlands, svo fremi að við greiðum það ekki, eða við seljum þetta til tómataframleiðslu í Grindavík. En við eigum ekki að vera gefa þetta til álvera

[Jóhann Elíasson, 22.7.2015 kl. 22:35]

Er það aðalmálið, að raforkan fari ekki til álvera?????  Ertu eins og aðrir kommar, bara eitthvað annað??????

[thin (IP-tala skráð) 22.7.2015 kl. 22:49]

Þakka þér fyrir ummælin.  Nei það er ekki aðalmálið Jóhann að raforkan fari EKKI til álvera heldur að hún fari til þeirra sem best borga. Þú hámenntaður rekstrafræðingur hlýtur að sjá það sjálfur. Ekki láta kommana kenna þér frjálshyggjuna

[Jóhann Elíasson, 22.7.2015 kl. 23:20]

Þakka ummælin sömuleiðis..  Þú verður að viðurkenna að ummælin í athugasemd númer 13 frá þér voru þannig.  En ég ítreka það að það er örugglega til ódýrari og áhrifaríkari leið til að fá menn til að greiða hærra verð fyrir rafmagnið en að leggja sæstreng til Bretlands.................