EINN AF ÖRFÁUM MÖNNUM Í VERKALÝÐSHREYFINGUNNI MEÐ RAUNVERULEIKATENGINGU

En nú eru atvinnurekendur búnir að "NOTA" mótframlagið til þess að ná Lífeyrissjóðunum undir sig og þar af leiðandi er í lagi að sleppa tökunum á því.  Það er kannski rétt að rifja upp tilurð mótframlagsins.  Það var í einum kjaraviðræðunum að atvinnurekendur (Vinnuveitendasambandið eins og það hét þá), vældu mikið og börmuðu sér og sögðust alls ekki geta hækkað laun neitt.  Eftir langar samningaviðræður, sem skiluðu minna en engu, varð lendingin sú að mótframlagið varð til og var það samþykkt af báðum deiluaðilum.  ÞANNIG ER ÞAРSTAÐREYND AÐ ATVINNUREKENDUR HAFA ALDREI GREITT EINA EINUSTU KRÓNU Í LÍFEYRISSJÓÐINA (eins og þeir hafa statt og stöðugt haldið fram og með því logið sig inn í stjórnir Lífeyrissjóðanna og ekki nóg með það heldur hafa þeir hrifsað til sín stjórnarformennskuna),ÞVÍ MÓTFRAMLAGIÐ ER HLUTI AF LAUNAKJÖRUM LAUNAMANNSINS.............

Segir af sér sem varaforseti ASÍ

Athugasemdir

[Örn Gunnlaugsson, 1.4.2020 kl. 14:14]

Jóhann, ég held að það sé enginn raunverulegur vilji heldur hjá SA til að skerða mótframlag í lífeyrissjóðina ekki frekar en hjá ASÍ. Í gegnum tíðina hefur aldrei þurft að sækja fast hækkun á mótframlagi til atvinnurekenda. Ástæðan er sú að stærri fyrirtækin sem hafa töglin og haldirnar í lífeyrissjóðunum hafa getað gengið í sjóðina að vild. Þegar upp er staðið þá er þetta allt hluti af því sem launamaður aflar. Nú er svo komið að ástæðulaust er að púkka upp á þetta lífeyrissjóðakerfi og í raun ætti að leggja alla lífeyrissjóði niður. Nú er dauðafæri fyrir ríkið að gera sjóðina upptæka vegna sérstakra aðstæðna í þjóðfélaginu eins og þegar Langanesmóri og Silfurskottan settu auðlegðarskattinn á en hann var hrein og klár eignaupptaka. Samhliða yrði lífeyriskerfið lagt niður og kostnaður við að sýsla með þetta fé hverfur en þeir sem sýsla með fé lífeyriseigenda eru ekki á launum sem þorri almennings er á. Lífeyrisþegar tapa hvort sem er engu á því að sjóðirnir yrðu þjóðnýttir. Þeir sem safna upp lífeyrissjóð eru rændir þeim bótum sem þeir hafa áunnið sér í almannatryggingakerfinu þar sem þær skerðast á móti öllum öðrum tekjum sem er aflað efir að taka ellilífeyris hefst. Lægsta skattprósenta í dag er því ekki 35,04% eins og í veðri er látið vaka heldur þarf að bæta við því sem fer í lífeyrissjóðinn fæstum til gagns, þ.e. 15,5% og þannig er lægsta skattprósentan í dag 50,54%. Fólk fengi þá greiddan sinn ellilífeyri frá TR og allir jafnt. Þeir sem vilja búa í haginn geta þá safnað sér sér einhverju aukreitis og það kemur þá engum öðrum við.

[Jóhann Elíasson, 1.4.2020 kl. 15:19]

Ég held að þetta sé alveg rétt hjá þér Örn.  En eitt er ég alls ekki sáttur við, sem þú skrifar,  Gunnarsstaða Móri er alls ekki Langnesingur heldur er hann innan úr Þistilfirði.  Ég er sjálfur Langnesingur og við Langnesingar göngumst ALDREI við honum.  Það er alveg nógu og slæmt að hann sé ættaður af Norð-Austurhorninu.  Mikið er ég þér sammála með skattprósentuna.......

[Örn Gunnlaugsson, 1.4.2020 kl. 15:43]

Ég bið ykkur innilegrar afsökunar á að bendla ykkur Langnesinga við .....Móra, landfræðilegur misskilningur hjá mér. En mér sýnist Bjarni og hans hjörð hafa smitast af sömu skattaveirunni og þau skötuhjúin sem ég vísaði í höfðu í sér, því miður. Hún er lítt skárri held ég en sú sem verið er að eiga við þessa dagana.

[Jóhann Elíasson, 1.4.2020 kl. 16:14]

Ég næ nú örugglega að sofa vegna þessa misskilnings .  Já hún er skæð þessi bölvaða skattaveira........