Föstudagsgrín

Þennan fékk ég frá dyggum lesanda og kann ég honum bestu þakkir fyrir.

Gömul hjón, bæði á tíræðisaldri, fóru til læknis því þau voru orðin mjög gleymin.  Þau voru alveg viss um að læknirinn myndi eitthvað geta hjálpað þeim því þetta var orðið MJÖG mikið vandamál hjá þeim.    Þegar þau komu  til læknisins, sagði hann  að það væri nú lítið sem hann gæti gert en benti þeim á að það gæti verið ágætis ráð að skrifa niður það sem ætti að gera.  Með þetta þjóðráð fóru þau heim.  Nokkrum kvöldum seinna sátu  þau inni í stofu og horfðu á sjónvarpið og þá varð konunni að orði:

• „Mig langar svo mikið í ís, nennirðu að fara fram í eldhús og sækja ís handa mér?“
• „Já já“ sagði maðurinn og stóð upp.
• „Er ekki betra að skrifa þetta niður“ sagði konan.
• „Nei nei“ sagði maðurinn „ég man þetta alveg“.
• „Mig langar í jarðaber með ísnum“ sagði konan þá. „Er ekki betra að skrifa þetta niður“? sagði konan þá.
• „Nei nei“ sagði maðurinn þá, „ís og jarðaber, ég man þetta alveg“.
• „Mig langar líka í rjóma með“ sagði hún þá. „Ertu alveg viss um að það sé ekki betra að skrifa þetta niður „?
• „Nei, nei blessuð vertu ég man þetta alveg, ís, jarðaber og rjóma skárra væri það nú“. Sagði hann og fór fram í eldhús.

Eftir þó nokkurn tíma kom hann til baka úr eldhúsinu með EGG OG BEIKON á diski........  Þá sagði konan: „HVAR ER RISTAÐA BRAUÐIГ???????????

Athugasemdir

[Sigurður I B Guðmundsson, 7.8.2020 kl. 10:40]

Frú Jórunn var gildvaxin kona, feit og mikil fyrir fetann. Hún hafði það stundum til siðs að kaupa tvo aðgöngumiða fyrir sig eina, þegar hún fór á skemmtanir eða leikhús, til þess að hafa rýrma um sig. Á skemmtun einni afhenti hún þjóninum tvo aðgöngumiða. Þjóninn spyr hana, hver eigi að sitja í öðru sætinu. Án þess að það komi yður við, ætla ég að sitja í þeim báðum, svaraði Jórunn önug. Eins og yður þóknast, frú, svaraði þjóninn, en annars eru þessi sæti sitt hvoru megin við gangveginn!

[Jóhann Elíasson, 7.8.2020 kl. 11:22]

Ha, ha, góður þessi.......

[Sigurður I B Guðmundsson, 7.8.2020 kl. 11:59]

Mikil fyrir fetann: Fyrirferðamikill, vera mikill fyrir sér, mikillátur. 

[Jóhann Elíasson, 7.8.2020 kl. 12:36]

Þakka þér fyrir Sigurður.  Í sveitinni í gamla daga fékk ég mikinn fróðleik yfir mig í gömlum máltækjum og sem betur fer hefur mikið af því varðveist í gegnum tíðina.  En ég verð að viðurkenna að ég þurfti að "grafa" nokkuð djúpt eftir þessu en það var þarna.........

[Sigurður I B Guðmundsson, 7.8.2020 kl. 16:08]

Ég fór í "íslensk orðabók" til að vera alveg viss.

[Jóhann Elíasson, 7.8.2020 kl. 16:31]

Enn einu sinni kærar þakkir Sigurður, það var ekki verra að fá svona nákvæma útskýringu........

[Jóhann Kristinsson, 7.8.2020 kl. 19:39]

Góður þessi nafni og ekki er hann verri hjá þér Sigurður ;>)

Með kveðju frá Montgomery Texas