SAGT ER AÐ HANN ROÐNI EF HONUM VERÐUR ÞAÐ Á AÐ SEGJA SATT...................

Og ekki kann maðurinn að skammast sín og segist hafa kvatt til þess ÚR RÆÐUSTÓL ALÞINGIS að menn sýndu stillingu og héldu sig við löglegar og friðsamlegar aðgerðir.  Það er einfalt að það getur ekki verið í lagi með manninn, er hann virkilega svo skyni skroppinn að hann haldi það að mótmælendur hafi verið að hlusta á bullið í honum á Alþingi kannski kom hann í ræðustól til þess að mæla á móti því að ætti að selja léttvín og bjór í matvöruverslunum, á þessum örlagatímum?  En hvað sem þessu líður þá er ég nokkuð viss um að mótmælendur voru EKKI að fylgjast mikið með störfum Alþingis á þessum tíma.

Rakalausar og ósannar fullyrðingar

Athugasemdir

[Hjálmar (IP-tala skráð) 10.12.2009 kl. 08:52]

Æ æ eru menn alveg búnir að snúa hlutunum við í höfðinu?

Steingrímur er að svara grein Gylfa Guðjónssonar úr morgunblaðinu, þar sem fyrrnefndur Gylfi sakar hann um að æsa fólk upp og hvetja til hættulegra spellvirkja. Steingrímur segir, eins og rétt er, að hann hvatti til þess að mótmælendur sýndu stillingu og halda sig við friðsamlegar aðgerðir. Hvort einhver hlustaði á hann eða ekki kemur hvorki ásökuninni né andsvarinu við.

Það er ekki hverjum manni í lófa lagt að móta hugsanir sínar í orð, því síður að koma þeim orðum í læsilega grein. Er það til of mikils mælst að biðja ykkur sem nennið ekki einu sinni að lesa fréttirnar sem þið bloggið um, og hafið greinilega ekki þessa grunnhæfileika sem þarf, til að hætta að blogga?

[Jóhann Elíasson, 10.12.2009 kl. 09:11]

Ég er alveg læs Hjálmar og las þessa grein mjög vel en það virðist ekki vera hægt að segja það um þig að þú sért læs.  Í það minnsta beitir þú nokkuð furðulegum aðferðum við að verja þetta kjaftæði í honum og þó að Steingrímur sé þarna að "svara" grein Gylfa Guðjónssonar, er ekki neitt bitastætt í þessu "svari" hans.  Það er næsta víst að þú hefur verið með VG gleraugun þegar þú last grein Gylfa og svo aftur þegar þú last "svar" Steingríms Joð.

[Bergur (IP-tala skráð) 10.12.2009 kl. 09:16]

Það væri gaman ef einhver fjölmiðlamaður myndi rifja upp orð Steingríms þegar hann gagnrýndi flokkssystur sína og samráðherra fyrir aðförina að lögreglustöðinni.  Þar fór Álfhildur fremst í fararbroddi fyrir skrílnum sem notaði annað en hnefa og hnúa til að komast í gegnum útidyrahurð lögreglustöðvarinnar.  Haft var samband við formann flokksins vegna hegðunar flokksystur hans og samþingmanns.  Það var lítið um fordæmingar hjá honum þá.  Það væri einnig gaman að rifja upp orð Atla Gíslasonar, verðandi dómsmálaráðherra, um lögregluna þegar lögreglumenn voru að leggja líf sitt og limi að veði við að verja Alþingishúsið.