Ekki er SANNLEIKURINN þessum mönnum heilagur frekar en endranær!!!!!!

Að lesa ummæli Paul Watsons, er eins og að lesa eitthvað rugl frá litlum krakka sem er búið að taka leikfang af.  Það væri ekki ástæða til að vera að fást um þessi ummæli hans ef hann segði sannleikann en hann kýs að bera fyrir sig LYGAR, eins og "náttúruverndarsinnar" hafa svo oft gert og því miður með ágætis árangri fyrir "málstað" þeirra.  Að reyna að halda því fram að langreyður sé í útrýmingarhættuer eins langt frá sannleikanum og hægt er þvert á móti er svo mikið af þessari tegund að til vandræða horfir (sjá niðurstöðurnar úr síðustu hvalatalningu).  Það er líka gaman að sjá áhersluna, sem Watson leggur á í "baráttu" sinni gegn hvalveiðum, umhverfisverndarsinninn mælist til þess að stjörnur og viðskiptajöfrar hætti að koma við á Íslandi til að taka eldsneyti á einkaþoturnar sínar.  Þvílíkur rugludallur!!!

Hvetja til viðskiptaþvingana vegna hvalveiða

Föstudagsgrín

 Lítil stelpa spyr móður sína hver hafi skapað sig.

"Guð skapaði þig,"svarar móðirin.

"Og skapaði guð þig líka, mamma?"

"Já, væna mín."

"Og ömmu líka?"

"Já."

"Og langömmu líka."

"Já, væna mín."

"Ætlarðu að telja mér trú um það, mamma, að ekkert kynlíf hafi átt sér stað innan fjölskyldunnar í meira en 200 ár?"

Ekki forsvaranlegt að öfgafólk geti staðið í vegi fyrir þjóðarhag...

Ef "kaffihúsanáttúruverndarsinnarnir" eiga að fá að vaða svona uppi með vitleysu og kjaftæði, eins og hefur verið þeirra aðall undanfarin ár og þar að auki koma sér vel fyrir í skjóli VG og vinna þar gegn þjóðþrifamálum, eins og nýting hvala vissulega er, þá er eins gott að EKKIverði af fyrirhuguðu stjórnarsamstarfi.  FF eiga vissulega hrós skilið að standa á móti þessu kjaftæði.

Hvalurinn setur hnút í Frjálsynda

Þetta fer nú að verða eins og að hlusta á gamla RISPAÐA vínilpötu!!!!

Röksemdir Greenpeace eru álíka vel rökstuddar eins og tveggja ára krakki segði "af því bara" þegar hann væri spurður að því af hverju hann hefði gert þetta.  Það hefur verið sýnt fram á það að hvalaskoðanaiðnaðurinn er að skila þjóðfélaginu mjög LITLUM gjaldeyristekjum, þannig að þó MIKILL VÖXTUR yrði í hvalaskoðunum GÆTI sá vöxtur ekki orðið til að bjarga efnahag okkar Íslendinga en hvalveiðar bjarga kannski ekki efnahagnum en þær hjálpa upp á hann.  Árið 2006 skrifaði ég grein um þennan "blómlega" atvinnuveg sem hvalaskoðanir eru og svo á móti hverju hrefnuveiðar gætu skilað þjóðarbúinu sjá hér.  Nokkur gagnrýni kom á það að ég birti ekki kostnaðartölur, sú gagnrýni er alveg réttmæt og á alveg fullkomlega rétt á sér en ástæða þess að ekki eru birtar kostnaðartölur þarna er sú að HVALASKOÐUNARFYRIRTÆKIN fengust ekki til að láta af hendi NEINAR kostnaðartölur, hver ástæðan var er mér ekki kunnugt um.  En þó svo að tölurnar séu frá árinu 2004 eru HLUTFÖLLIN mjög svipuð í dag.

Grænfriðungar fordæma hvalveiðar Íslendinga

Áður en ríkisstjórnin er komin á er SKEMMDARVERKUM lofað!!!!!!

Kolbrún Halldórsdóttir hefur "lofað" því, verði VG í ríkisstjórn sem allt bendir til að verði illu heilli fyrir þjóðina, að ákvörðun um hvalveiðar verði ENDURSKOÐUÐ.  Endurskoðun í þessu tilfelli er áframhaldandi bann við hvalveiðum, sem þýðir ekkert annað en STÓRTAP á gjaldeyristekjum fyrir okkur Íslendinga.  Svo heldur svona lið að það sé að vinna að hagsmunamálum þjóðarinnar.  Er ekki neinn möguleiki að draga svona kálfa fyrir dómstóla fyrir landráð?

Hvalveiðum ætlað að tefja ESB-ferli?

Það leynast GÓÐAR fréttir innan um!!!!!

Það var mál til komið að menn gerðu sér grein fyrir því að hvalir eru í beinni samkeppni við okkur um fiskinn í sjónum og vegna einhverra "kaffihúsanáttúruverndarsinna" hefur ekki mátt veiða þá til þessa en sem betur fer eru menn að vakna til vitundar um það að það þarf að halda fjölgun hvala í skefjum.

Hvalveiðar leyfðar til 2013

Já en öfluga UTANÞINGSSTJÓRN!!!!!

Það eru margir öflugir og mjög svo frambærilegir menn á landinu, til þess að leiða þjóðina út úr þeim ógöngum sem pólitíkusarnir eru búnir að koma okkur í en því miður eru þessir menn/konur EKKI á Alþingi.  Nú eru allir pólitíkusarnir uppteknir af því að búa sig undir kosningar og þar af leiðandi mega þeir ekkert vera að því   að sinna aðkallandi málum þjóðarinnar, þó svo að þeir hafi verið kosnir til þess .  Því væri bara best að senda þingið heim og skipa hér öfluga utanþingsstjórn.

„Þurfum öfluga starfsstjórn"

Er það kannski að koma fram núna??????

Þegar þessi ríkisstjórn var mynduð, bloggaði ég um það, að Ingibjörg Sólrún væri aðeins að "ná" sér í reynslu sem ráðherra og svo eftir "hæfilegan" tíma myndi hún sprengja ríkisstjórnina og mynda síðan ríkisstjórn með stjórnarandstöðunni með sjálfa sig sem forsætisráðherra því hún sættir sig ekki við annað en að vera númer eitt og STJÓRNA.  Skyldi þetta vera að verða að veruleika?

Minnihlutastjórn einn möguleikinn

Hvaða DAMP????

Það hefur ekkert verið gert og svo er verið að tala um damp.  Það eina sem hefur gerst er að einn FULLFRÍSKUR ráðherra sagði af sér, þetta kalla ég nú RANGA forgangsröðun AUÐVITAÐ hefðu VEIKU ráðherrarnir átt að fara á undan.

Geir: Má ekki missa dampinn

Gefum ATVINNUPÓLITÍKUSUNUM enn lengra frí.....

Þeir gera hvort eð er ekkert af viti, að eyða fyrstu dögum Alþingis í að ræða hvort selja eigi áfengi í matvöruverslunum og innleiða eigi matvælalöggjöf ESB hér á landi á þessum tímum er eitthvað sem ég hélt að menn/konur með sæmilega vitglóru í hausnum létu ekki hvarfla að sér.  Þetta lið, sem er á Alþingi virðist ekki gera sér nokkra grein  fyrir því að það er þar kosið af fólkinu og er að vinna í umboði þjóðarinnar en með því að vera á svona "einkaflippi" er þetta lið bara að gefa kjósendum langt nef og segir:  "KJÓSENDUR GETA BARA ÁTT SIG NEMA KORTERI FYRIR KOSNINGAR Á FJÖGURRA ÁRA FRESTI".  Við vitum það að ekkert verður gert til að rétta af efnahag landsins fram að kosningum, hvorki vinsælar aðgerðir eða óvinsælar, til þess verður þetta lið alltof upptekið af kosningabaráttu.

Það skásta sem væri í stöðunni, væri að senda þetta lið heim, þar gæti það farið í sína kosningabaráttu í friði og gert upp sín mál án þess að það angri okkur kjósendur of mikið og komi niður á þjóðmálunum.

Síðan yrði SKIPUÐ þjóðstjórn, sem skipuð yrði valinkunnum mönnum, sem ekkert eru við pólitík kenndir, en væru þekktir fyrir fumlaus og örugg vinnubrögð.  T.d eru flestir sammála um það að, að öðrum ólöstuðum, sé Vilhjálmur Bjarnason besti maðurinn til að sinna fjármálum þjóðarinnar, nú er það orðið ljóst að hann verður ekki upptekinn við að keppa fyrir Garðabæ í Útsvarinu.  Við Íslendingar eigum marga góða menn í þetta verkefni en því miður veit ég ekki um neinn inni á Alþingi, sem myndi valda þessu verkefni.

Stjórnarskipti breyta engu