NÚ VERÐA NÝIR ÞINGMENN AÐ STANDA Í LAPPIRNAR - FORSETINN ER BÚINN AÐ GEFA TÓNINN

Þeir hljóta að geta afturkallað þessa ákvörðun Kjararáðs.  Það verður ekki séð að þessi ákvörðun sé studd með góðum rökum og þá ekki algjörlega í samræmi við lög heldur líkist þetta meira einhverri geðþóttaákvörðun.  Það getur ekki verið mikið mál að hnekkja þessu óhæfuverki?

„Ég þarf ekki þessa kauphækkun“

Athugasemdir

[Þorsteinn Styrmir Jónsson (IP-tala skráð) 2.11.2016 kl. 13:06]

Á ekki í leiðinni að lækka laun allra verkalýðsforingja ú 1,5 til 2 milljónum króna í kr. 760.000 á mánuði. Þeir þurfa valla meira en alþingismenn?

[Jóhann Elíasson, 2.11.2016 kl. 13:11]

Það er ekkert leyndarmál að verkalýðsforingjarnir eru með verulega of há laun, þeir ættu að reyna að vera á sömu launum og þeir sem þeir eru að semja fyrir.

[Kolbrún Hilmars, 2.11.2016 kl. 13:29]

Það er eiginlega sama málið með laun verkalýðsforingja og embættis- og stjórnmálamanna; almenningur greiðir með sköttum sínum.  Þó ekki væri nema þess vegna ættu launin að vera hófleg.  Mér finnst reyndar að Lottóvinningar séu réttlátari, því í það púkk leggur fólk viljugt.

[Guðmundur Ásgeirsson, 2.11.2016 kl. 14:06]

Ekki nóg með að ákvörðunin sé ekki studd með góðum rökum, heldur virðist hún vera beinlínis í andstöðu við 2. mgr. 8. gr. laga nr. 47/2006 um kjararáð.

"Kjararáð skal ætíð taka tillit til almennrar þróunar kjaramála á vinnumarkaði."

[Jóhann Elíasson, 2.11.2016 kl. 15:15]

Það var gott að fá álit frá manni, sem er vel til þess hæfur og er menntaður á því sviði, Guðmundur....

[Guðmundur Ásgeirsson, 2.11.2016 kl. 16:35]

Þakka fyrir. Það skal þó tekið fram að ekki er um formlegt álit að ræða, heldur er þetta bara nokkuð sem ég tók eftir svona við fyrstu sýn.

[Jóhann Elíasson, 2.11.2016 kl. 17:03]

Að sjálfsögðu veit ég að þetta er ekki formlegt en það er mikils metið.

[Þorsteinn Styrmir Jónsson (IP-tala skráð) 2.11.2016 kl. 20:24]

Kjararáð tekur að sjálfsögðu tillit til almennrar þróunar kjaramála á vinnumarkaði. Þeir taka tillit til 45% hækkunar Ólafíu Rafnsdóttur formanns VR árið 2015!