Föstudagsgrín

Áður en lengra er haldið er rétt að taka fram að efnið getur verið varasamt fyrir viðkvæma einstaklinga og sært blygðunarkennd þeirra verulega. Þeim einstaklingum er ráðlagt að hætta lestrinum ekki seinna en núna.

 

Jón og Jóna eru að halda upp á 50 ára brúðkaupsafmæli sitt. Jón segir við Jónu. "Hefurðu nokkurn tíma haldið fram hjá mér?" Jóna svarar: "Jón! Hvers vegna ertu að spyrja svona spurningar núna"? "Jú, Jóna, ég verð að vita það," svarar Jón. Jóna segir: "Allt í lagi, ég hef haldið þrisvar fram hjá þér.""Þrisvar, hvenær var það?" spyr Jón.

Jóna segir: "Manstu Jón þegar þú varðst 25 ára og vildir stofna fyrirtækið og bankastjórinn neitaði þér um lán? Svo kom bankastjórinn sjálfur einn daginn með lánspappírana svo þú gætir skrifað undir." Jón svarar: "Ó, Jóna, þú gerðir þetta fyrir mig, ég virði þig bara meira en áður. Hvenær var svo annað skiptið?"

Jóna segir: "Manstu þegar þú fékkst hjartaáfallið og enginn læknir vildi skera þig vegna þess að aðgerðin var svo hættuleg? Svo kom allt í einu dr. Bjarni yfirlæknir og framkvæmdi aðgerðina sjálfur og þú náðir þér alveg."

"Ég trúi þessu ekki," sagði Jón, "þú gerðir þetta til að bjarga lífi mínu. Ég gæti ekki átt betri konu. Þú hlýtur að elska mig mjög mikið fyrst þú gerir allt þetta fyrir mig. Hvenær var svo þriðja og síðasta skiptið?"

"Jón, þú manst að fyrir nokkrum árum langaði þig til að verða formaður í golfklúbbnum og þig vantaði 18 atkvæði til að ná kjöri..?"

Athugasemdir

[Sigurður I B Guðmundsson, 20.3.2020 kl. 10:54]

Þessi er stranglega BANNAÐUR. 15 ára unglingurinn var búinn að vera mjög dapur í nokkra daga svo pabbi hans spurði afhverju bann væri svona dapur. Jú, sagði stráksi allir vinir mínir hafa prófað "það" og eru alltaf að grobba sig en ég hef aldrei fengið það. Þetta er ekkert mál sagði pabbinn og lét strákinn hafa 10 þúsund og sagði honum að fara á ákveðin stað og sagði að segja að hann væri sonur sinn og þá mundi Dísa leiða hann í allan sannleikann. Stráksi var ofsaglaður en á leiðinni út hitta hann ömmu sína sem sagði að það væri gaman að sjá hann svona glaðan og spurði hvað sætti. Stráksi sagði ömmu sinni alla söguna en amman sagði að hún gæti hjálpað honum og hann gæti þá átt 10 þúsund kallinn. Stráksa leist vel á þetta. Stutt síðar hittir stráksi pabba sinn aftur sem spyr hann afhverju hann sé ekki farinn ennþá? Ég þarf ekkert að fara því amma leiddi mig í allan sannleikann. Pabbinn varð bálreiður og sagði við drenginn: Ertu að segja mér að þú hafir farið upp á mömmu mina? Nú er það ekki lagi sagði strákurinn ferð þú ekki alltaf upp á mömmu mína!!!!!

[Jóhann Elíasson, 20.3.2020 kl. 11:01]

Þessi var mjög STERKUR, Sigurður......