Kreppa, kreppa, hvað er kreppa???????

Maður opnar ekki svo dagblað, að ekki sé verið að fjalla um "kreppu" í efnahagslífinu og svo koma umfjallanir í sjónvarpinu á öllum stöðvum og eitthvað minnist ég þess að hafa heyrt talað um "kreppu" í útvarpinu, á flestum stöðvum.  Allt þetta "krepputal" hefur mér fundist reist á fákunnáttu og jafnvel "móðursýki".  Vissulega er það rétt að gjaldmiðillinn okkar hefur fallið í verði en það kemur útflutningsatvinnuvegunum okkar til góða, vöruskiptajöfnuðurinn er á "réttri" leið, lánsfé liggur ekki á lausu og vextir eru óheyrilega háir og koma illa niður á atvinnuvegum og einstaklingum.  Við megum ekki gleyma því að efnahagsveiflurnar eru fjórar: Fyrst kemur UPPSVEIFLA (ÞENSLA), á eftir uppsveiflunni kemur GÓÐÆRI, það hefur nú staðið yfir í nokkuð mörg ár og nú er komið að NIÐURSVEIFLU, sem eins og áður segir erum stödd nú um stundir, á eftir niðursveiflunni kemur svo KREPPA, niður á það stig er ég nokkuð klár á að við erum ekki komin enn en ég tel að það ráðist af viðbrögðum stjórnvalda hversu hörð kreppan verður.  Ef við tölum um "kreppu" eins og almenningur finnur fyrir henni:  Þá verður mikið atvinnuleysi, fólk á ekki fyrir nauðþurftum, fólk getur ekki staðið í skilum með skuldbindingar sínar.  Ástandið verður ekkert í líkingu við það sem það er núna, að fólk verði að draga saman í lúxus, eins og að fara tvisvar á ári í utanlandsferð í staðinn fyrir þrisvar áður og endurnýja bílinn á tveggja ára fresti í staðinn fyrir árlega og jafnvel þarf að minnka við sig húsnæði. Þeir sem tala um kreppu núna virðast ekki vita hvað kreppa er.

Ógnvænleg efnahagsþróun

Athugasemdir

[Haraldur Haraldsson, 8.9.2008 kl. 11:11]

sammála þessu það eru svo margir sem ekki hafa lifað kreppu og kalla þessa niður sveiflu þessu orði/en það verður bara að fyrirgefa,og vona að það verði ekki kreppa,ekki óskar maður þessa,en eg held að það stefni því miður í það ástand í óbreittri stöðu/Kveðja Halli gamli

[Ásthildur Cesil Þórðardóttir, 8.9.2008 kl. 15:34]

Já þetta krepputal kemur nú aðallega frá Reykjavík.  Þeir eru alltaf í öðrum takti þar en úti á landi.   En þar eru líka flestir öryrkjar og aldraðir, og þeir eiga ekki sældarlíf þessa dagana.  Svo mikið er víst. 

[Sigmar Þór Sveinbjörnsson, 8.9.2008 kl. 21:42]

Heill og sæll Jóhann ! Það er mikið til í þessu sem þú segir í þessum pisli þínum

kær kveðja

[Helgi Þór Gunnarsson, 8.9.2008 kl. 22:46]

Sæll Jóhann, er þetta ekki bara krókur á móti bragði við vinnandi fólk í landinu? Blaðra kreppuna á og segja svo því miður er ekki hægt að hækka laun, sniðugt, ekki satt? Kær kveðja frá Eyjum.