Í gegn skal það sama hvað!!!!

Það hefur sýnt sig að þessi fyrirhugaða framkvæmd er MJÖG umdeild svo ekki sé nú meira sagt.  En Möllerinn ÆTLAR að kýla þetta í gegn, með látum og  yfirgangi eins og hans er von og vísa.  Verður allt sem þessi maður kemur nálægt klúður og vesen?

Mælt fyrir frumvarpi um Landeyjahöfn

Kemur engum á óvart!!!!

Það hefði komið á óvart ef mikið traust hefði verið borið til Davíðs og hinna hryðjuverkamannanna í Seðlabankanum.  Getur nokkur reiknað með því að traust sé borið til stofnunar sem á að fylgja eftir efnahag þjóðarinnar, þar sem bankaráðið er skipað afdönkuðum pólitíkusum eða flokkspólitískum "gæðingum" og svo til að bæta GRÁU OFAN Á SVART er afdankaður pólitíkus skipaður yfirbankastjóri og sá þráir ekkert heitar en að fá mynd af sér á peningaseðil.  Hann verður nú að fara að drífa í því að láta prenta tíuþúsund króna seðil með mynd af sér áður en hann verður búinn að "rústa" krónunni alveg (reyndar er það alveg að verða búið hjá honum).

Meirihluti ber lítið traust til Seðlabankanss

Föstudagsgrín

George Bush fékk hjartaáfall og dó.  Hann fór beinustu leið til helvítis, þar sem kölski sjálfur tók á móti honum og sagði: “Ég er í svolitlum vandræðum, þú ert á listanum mínum en mig bráðvantar pláss svo ég er með hugmynd.  Það eru hérna þrjár manneskjur, sem voru ekki alveg jafn vondar og þú, ég sleppi einni af þeim lausri í staðinn fyrir þig og þú færð meira að segja að velja hver það verður”.George fannst þetta góð hugmynd og kölski opnaði dyrnar á fyrsta herberginu.  Þar inni var Richard Nixon í stórri laug fullri af vatni sem hann kastaði sér ofan í aftur og aftur en kom alltaf tómhentur upp aftur.“Ekki séns!” Gargaði Goggi “Ég er ekki góður sundmaður og ég held ég gæti ekki gert þetta allan daginn”.  Kölski leiddi hann þá að næsta herbergi en þar inni var Tony Blair með sleggju í hönd og var að höggva grjót.“Nei, ég þjáist af meini í öxl og myndi vera með stöðugar kvalir ef ég ætti að höggva grjót daginn út og inn”.Þá opnaði kölski þriðju og síðustu dyrnar.  Þar inni lá Bill Clinton á gólfinu og ofan á honum var Monica Lewinsky að gera það sem hún gerir best.Gerge Bush leit á kölska í forundran og sagði: “Já, ég ætti að ráða við þetta”.Kölski brosti og sagði: “Monica, þú mátt fara”.

Er ekki of seint að byrgja brunninn þegar barnið er dottið ofan í?

Þegar ég var í sveitinni var líka sagt að það væri of seint að fara á klósettið þegar "slysið" væri skeð.  það hafa margir skrifað um þetta mál í blöð og bloggað um þetta og hefur umræðan verið all fjörug á köflum, þarna hafa komið fram rök þeirra sem eru með og á móti þessari framkvæmd og verð ég að segja að rök þeirra sem eru á móti Bakkafjöruhöfn hafa verið mun sterkarien þeirra sem eru þessari framkvæmt meðmæltir.  En það fer ansi lítið fyrir þeim fræðilegu rökum sem liggja að baki þessari framkvæmd.  En hvað sem öllu líður þá virðist vera búið að ákveða þetta og maður spyr bara; er þessi undirskriftasöfnun ekki of seint á ferðinni? Vonandi hef ég rangt fyrir mér en ég held að ef þessi framkvæmd verður að veruleika,  þá verði þessi  ferjuhuhöfn orðin ónothæf eftir fyrsta veturinn, vegna sandburðar, sem þýði það að Vestmannaeyingar þurfi aftur að fara að berjast fyrir samgöngumálum sínum.  Ég sé það ekki fyrir mér að þegar stjórnvöld eru búin að setja marga milljarða í tilraunaverkefni, sem fer í vaskinn (eins og hjónabandið hjá heita og kalda krananum), séu tilbúin til að setja miklar fjárhæðir í samgöngur milli Lands og Eyja.  Að margra mati er þarna um það að ræða hvort heilsársbúseta verði í Eyjum eftir þetta ævintýri.

Nýr Herjólfur mun betri kostur en Bakkafjöruhöfn

En "dýralæknirinn" lætur ekki smámuni raska ró sinni!!!!!

Nei, þó fjármálakreppa herji á og stýrivextir séu orðnir þeir hæstu í vestrænu samfélagi, þá hefur "dýralæknirinn" engar áhyggjur, enda hugsar hann bara með sér; þetta reddast.  Pantar sér bara einkaþotu og leggst í ferðalög.

Fjármálaráðherrar „í áfalli“

Hverjir hafa hag af því að þarna verði ferjuhöfn?

Helsta vopn þeirra, sem eru þessari framkvæmd fylgjandi er, að siglingatíminn frá Eyjum í Land styttist svo mikið og þar af leiðandi verði hægt að fara svo margar ferðir á dag.  Jú þetta er rétt, en það eru TVÆR hliðar á peningnum, það lengist til muna ökutíminn til Reykjavíkur (en þangað liggur leið flestra, sem á annað borð fara upp á Land) og atburðir síðustu daga undirstrika að vegakerfið er ekki undir það búið að taka við aukinni umferð, ég hef ekki heyrt það að til standi að fara út í vegabætur á suðurlandi samhliða þessari framkvæmd.  Fyrir utan það að aðstæður þarna í Bakkafjöru eru þær VERSTU sem nokkur maður getur hugsað sér og aðeins verði hægt að sigla þarna í "renniblíðu" er allt sem bendir til þess að þessi framkvæmd sé mjög vanhugsuð og verði til þess að Vestmannaeyingar verði enn á ný að "berjast" fyrir "almennilegum" samgöngum milli Lands og Eyja þegar þetta ævintýri, sem því miður er það langt komið að það verður vart stoppað, "floppar".

Endanlegt – eða ekki?

Föstudagsgrín

Þrír fótboltaáhugamenn voru að þvælast um Saudi Arabíu. Einn hélt með Leeds, annar hélt með Manchester United og sá þriðji hélt með Liverpool.Auðvitað voru þeir allir fullir, en eins og allir vita þá er það stranglega bannað í Saudi Arabíu.  Þannig að þeir voru allir handteknir.  Þeir voru voru leiddir fyrir “shjeikinn” sem mælti svo fyrir að vegna drykkjuskapar á almannfæri þyrftu þeir að þola 50 svipuhögg hver en bætti svo við: “En vegna þess að það er þjóðhátíðardagur okkar ætla ég að veita ykkur TVÆR óskir hverjum”.Þegar kom að því að það átti að hýða Leeds-arann bað hann um að fá kodda bundinn á bakið og bestu fáanlega læknisþjónustu ef með þyrfti.  Svo var byrjað að hýða hann.  Koddinn þoldi aðeins 15 svipuhögg og var þá orðinn með öllu gagnslaus, þannig að Leeds-arinn varð alblóðugur og hálfdauður eftir þessa hrikalegu meðferð, en hann fékk góða læknishjálp.Þá var komið að United-manninum.  Hann sagðist vilja TVO kodda bundna á bakið á sér og bestu læknisaðstoð sem í boði væri.Svo kom að hýðingunni.  Eftir 30 svipuhögg voru koddarnir orðnir gagnslausir.  Blóðugur en á lífi fékk United-maðurinn góða aðhlynningu og var nokkuð kátur.Loksins var komið að Liverpool-manninum.  Hann sagði hátt og snjallt:“Bætið við 200 höggum og bindið helvítis United-manninn á bakið á mér”.

Fer ekki skórinn að verða fullur?

Ég sagði það í einni bloggfærslunni minni, að þessar stýrivaxtahækkanir virtust ekki hafa nein áhrif á verðbólguna, þetta væri eins og að pissa í skóinn sinn.  Ekki virðast Davíð og aðrir "hryðjuverkamenn" í Seðlabankanum vera búnir að átta sig á þessu og er þá nema von að maður spyrji hvort skórinn sem er verið að pissa í sé ekki að verða fullur?

Spáir vaxtahækkun á morgun

Vonand verður hann bara "heima".

Þeir hjá Ferrari eru búnir að gefa það út að þeir vilji ekki hafa þennan fýlupoka í liðinu (sem betur fer).  Hann er búinn að hrella McLaren, er bara ekki komið nóg?  Ég er alveg hjartanlega sammála honum Gústav.  Hvers vegna ætti Alonso að fara frá Renault?  Einhver virðist sjá sér hag í því að breiða út svona kjaftasögur.

Alonso neitar því að eiga útgönguleið í samningi

Föstudagsgrín

Lögfræðingurinn og ljóskan: Lögræðingur og ljóska sitja hlið við hlið í flugvél og lögfræðingurinn stingur upp á því að þau bregði á leik á leiðinni.  Ljóskan var þreytt og vildi frekar nota tímann til að sofa en lögræðingurinn var þrjóskur og nauðaði í ljóskunni.  Hann útskýrir: - “sko ég spyr þig spurningar og ef þú veist ekki svarið, þá borgar þú mér og öfugt”.Aftur afþakkar ljóskan og reynir að sofna.En lögfræðingurinn gefst ekki upp svo hann gerir henni tilboð: “Allt í lagi, í hvert skipti sem þú veist ekki svarið borgar þú mér 500 krónur en ef ég veit ekki svarið greiði ég þér 50.000 krónur”.  Ljóskunni líst vel á samninginn og samþykkir að taka þátt í leiknum.Lögfræðingurinn spyr: “Hvað er langt frá jörðinni til tunglsins?”  Ljóskan þegir, teygir sig svo í budduna sína tekur úr henni 500 kall og réttir lögfræðingnum.  Nú er komið að ljóskunni, sem spyr:“Hvað fer upp á fjall með þrjá fætur en kemur niður með fjóra?”Lögfræðingurinn horfði á hana alveg kjaftstopp.  Hann tekur upp fartölvuna og fer að leita á Netinu, meilar á vin sinn en allt kemur fyrir ekki.  Eftir klukkutíma eða svo játar hann sig sigraðan og borgar henni 50.000 kall.  Ljóskan tók peninginn, stakk honum í budduna sína og fór að sofa.Lögfræðingurinn er nú ekki alveg sáttur við þessi málalok og hnippir í ljóskuna og krefst svars við þessari spurningu.  Ljóskan snýr sér að honum, teygir sig svo í budduna sína og réttir honum 500 krónur.