SVONA Á KAPPAKSTUR AÐ VERA................

Maður varð sko ekki svikinn af því að hafa ekki dottið í það í gærkvöldi, sem hefði haft það í för með sér að ég hefði misst af einhverjum albesta kappakstri í langan tíma.  Ég hef nú ekki séð öllu aulalegri mistök, heldur en þegar Button keyrði inn á þjónustusvæði Red Bull í sínu fyrsta stoppi, en við það tapaði hann tveimur - þremur sekúndum, sem reyndist honum ansi dýrkeypt þegar upp var staðið.  Það var ljóst að tveggja stoppa áætlunin varð Red Bull að falli, Pirelli dekkin hafa ekki enn þá endingu að ráða við tveggja stoppa áætlun á þessari braut og því missti Vettel sigurinn til Hamiltons.  En akstur keppninnar átti Mark Webber, það voru örugglega ekki margir sem áttu von á því að hann kæmist úr 18 sæti í það þriðja.  Þá olli frammistaða Rosberg mér miklum vonbrigðum en hann stóð sig mjög vel þar til að níu hringir voru eftir af keppninni, þá missti hann hvern eftir annan framúr sér það er engu líkara en hann vanti smá "kaffitorg" í sig til að klára dæmið.  Aftur á móti var "gamla brýnið" hann Schumacher alveg frábær í þessari  keppni og sýndi gamla takta en manni hefur þótt hann vera full "hlédrægur" stundum en það virðist eitthvað vera að breytast.

Tær snilld í Sjanghæ

Athugasemdir

[Ágúst Ásgeirsson, 17.4.2011 kl. 10:50]

Sammála hverju orði, Jóhann. Þetta var frábært frá upphafi til enda. Man ég það ekki betra og hef þó á margan kappaksturinn horft síðustu áratugina! Þetta er hins vegar í fyrsta sinn sem ég heyri að formúlan komi í veg fyrir að menn fái sér í tána!!!

[Jóhann Elíasson, 17.4.2011 kl. 13:15]

Já Ágúst, einhvern tíma verður allt fyrst.  En mikið óskaplega er ég feginn að ég skyldi sleppa því að fá mér neðan í því í gærkvöldi, kannski ég haldi bara upp á það í kvöld???????  Gott að þú skemmtir þér líka, en að mínu mati þá bauð þessi kappakstur upp á allt sem maður getur farið fram á.