ERU ENGIN TAKMÖRK FYRIR ÞVÍ HVERSU FÓLK GETUR VERIÐ VERULEIKAFIRRT?

Hversu "stropað" getur fólk eiginlega orðið?  Þegar horft var á "fréttirnar" á RÚV, birtust myndir af endalausum bílaröðum á Suðurstrandarveginum og ekki tók nú betra við þegar komu myndir frá "gossvæðinu", það var engu líkara en það væri verið að sýna myndir frá þjóðhátíð í Vestmannaeyjum, fyrir COVID, svo mikil var örtröðin og enginn var að hugsa nokkurn skapaðan hlut um sóttvarnarreglur.  Fólk var að væflast um við hraunjaðarinn og lá við að fólk æri ofan í gíginn til að sjá sem allra best og mest.  Það var engu líkara en að fólk gerði sér ekki nokkra grein fyrir því að JÖRÐIN GÆTI OPNAST HVAR SEM VAR Á SVÆÐINU.   Það var margsinnis varað við því að fara þarna en eins og fram kemur  í fréttinni, ÞÁ FJÖLGAÐI Á SVÆÐINU OG ÁSTANDIРVERSNAÐI BARA.  Er nema von að sagt sé: "FÓLK ER FÍFL".......

Neyðarástand skapaðist við gosstöðvarnar

Athugasemdir

[Sigurður I B Guðmundsson, 22.3.2021 kl. 09:03]

Dapurlegt en satt.

[Sigurður Kristján Hjaltested, 22.3.2021 kl. 09:24]

Er nema von að sagt sé: "FÓLK ER FÍFL"..

Sorglegt en satt.

[Jóhann Elíasson, 22.3.2021 kl. 13:32]

Ég held að sá sem ætlaði að steikja egg og beikon á nýja hruninu hafi nú "toppað" vitleysuna.....

[Guðbjörg Snót Jónsdóttir (IP-tala skráð) 23.3.2021 kl. 12:40]

Já, segðu! Mér dettur alltaf í hug í svona tilvikum, eins þegar fólk er að flækjast um á þjóðvegunum að nauðsynjalausu virðist vera á þjóðvegunum þrátt fyrir blátt bann, svo að kalla þurfti út hjálparsveitir, þá var faðir minn vanur að segja, að svona væri fólk hér á landi, og sagðist viss um það, að ef því væri skipað að fara út á landvegina í slíku veðri, þá mundi enginn hreyfa sig eða fara af stað, en af því að það væri bannað, þá anaði fólk af stað út í óvissuna. Það mætti segja það í þessu sambandi líka. Það er ekki víst, að fólk mundi hlýða því í neinu, þótt því sé sagt, að það sé stórhættulegt fyrir það að vera alveg ofan í gosinu. Ég heyrði í fréttum í gær, þegar Sunna Valgerðardóttir sagði við einhverja - útlendinga að vísu, að það væri bannað og hættulegt að fara alveg að gosinu, - þá hló fólkið!! - Ég veit samt ekki, hvort Íslendingar séu nokkuð skárri í þessum efnum heldur en útlendir túrhestar, sem skilja fátt af því, sem sagt er við þá, og trúa því ennþá síður, virðist vera. Það verður að koma í ljós. En svona er fólk bara, því miður. Það verður alltaf að reyna hætturnar sjálft til þess að trúa því, sem sagt er við þá. Haldið það sé nú!

[Guðbjörg Snót Jónsdóttir (IP-tala skráð) 23.3.2021 kl. 21:38]

Ég var að lesa frétt í Jótlandspóstinum áðan, þar sem blaðamaður furðar sig á samlanda okkar steikjandi pylsur í eldhrauninu þarna suðurfrá. Grillaðar pylsur á hraunstraumi, hugsaðu þér!!! Hvers konar hálfvitaskapur er þetta eiginlega?! - Það virðast engin takmörk vera fyrir því, sem fólki dettur í hug. Og þetta er ungur samlandi okkar! Haldið það sé nú! Enda spyr blaðamaðurinn, hvort nokkur hafi lyst á pylsunum. Engin furða, þótt honum blöskri. Þetta er nú hámark vitleysunnar, hefði ég sagt.Hvar endar þetta eiginlega? spyr ég nú bara.